ԹԱԳԱՒՈՐՈՒԹԵԱՆՑ ԵՐԿՐՈՐԴ 16:1 - Գրաբար Աստվածաշունչ (1895)

¹ Եւ Դաւիթ անցեալ էր սակաւիկ ինչ ըստ Հռովս, եւ ահա Սիբա պատանի Մեմփիբոսթեայ ընդ առաջ նորա, եւ զոյգք իշոց բեռնաւորաց, եւ ի նոսա երկերիւր նկանակ եւ հարեւր չամչեայ եւ հարեւր արմաւ եւ մար՝՝ մի գինւոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:1 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:30

Եւ Դաւիթ ելանէր ընդ զառ ի վերն Ձիթենեաց, ելանէր եւ լայր, եւ զգլուխ իւր ծածկեալ. եւ ինքն երթայր բոկ. եւ ամենայն ժողովուրդն ընդ նմա ձորձ զգլխով, այր իւրաքանչիւր ելանէին եւ լային։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:32

Եւ եհաս Դաւիթ ի Հռովս ուր եպագն երկիր Աստուծոյ. եւ ահա ընդ առաջ նորա Քուսի Արաքացի բարեկամ Դաւթի՝՝ պատառեալ զպատմուճան իւր եւ հող ի գլուխ նորա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:17

եւ հազար այր ընդ նմա ի Բենիամինէ, եւ Սիբա պատանի տանն Սաւուղայ, եւ հնգետասանեքին որդիք նորա ընդ նմա, եւ քսանեքին ծառայք նորա ընդ նմա, եւ կազմեցին զՅորդանան առաջի արքայի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:32

Եւ Բերզելի այր ծեր էր յոյժ, որդի ամաց ութսնից. եւ նա կերակրեաց զարքայ մինչ բնակէր ի Բանակս, զի այր մեծ էր յոյժ։

ՄՆԱՑՈՐԴԱՑ ԱՌԱՋԻՆ 12:40

Եւ սահմանակիցք նոցին, մինչեւ յԻսաքար եւ ի Զաբուղոն եւ ի Նեփթաղիմ բերէին նոցա ուղտուք եւ իշովք եւ ջորւովք եւ եզամբք կերակուրս, ալեւր եւ թուզ եւ չամիչ եւ գինի եւ ձէթ, եւ զուարակս եւ ոչխարս բազումս. վասն զի ուրախութիւն էր յԻսրայելի։

ԱՌԱԿՔ ՍՈՂՈՄՈՆԻ 18:16

Տուրք մարդոյ ընդարձակեցուցանեն զնա, եւ ընդ իշխանս նստուցանեն զնա։

ՄԱՐԳԱՐԷՈՒԹԻՒՆ ԵՐԵՄԵԱՅ 40:10

Եւ ես ահաւասիկ նստիմ ի Մասփա, կալ ընդդէմ Քաղդէացւոցն որ ելանիցեն ի վերայ մեր. եւ դուք ժողովեցէք զգինի եւ զմիրգ, եւ ժողովեցէք եւղ յամանս ձեր. եւ բնակեցէք ի քաղաքս ձեր զորս կալայք քաջութեամբ։

ՄԱՐԳԱՐԷՈՒԹԻՒՆ ԵՐԵՄԵԱՅ 40:12

դարձան անդրէն ամենայն Հրեայք յամենայն տեղեաց ուր ցրուեցան անդր, եւ եկին յերկիրն Յուդայ առ Գոդողիա ի Մասփա, եւ ժողովեցին գինի եւ միրգ բազում յոյժ։

ՄԱՐԳԱՐԷՈՒԹԻՒՆ ԱՄՈՎՍԱՅ 8:1

Այսպէս եցոյց ինձ Տէր Տէր. եւ ահա գործի հաւորսաց՝՝։

ՄԱՐԳԱՐԷՈՒԹԻՒՆ ՄԻՔԻԱՅ 7:1

Վա՜յ ինձ, զի եղէ իբրեւ զհասկաքաղ ի հունձս, եւ իբրեւ զճռաքաղ ի կութս. եւ ոչ գոյր ողկոյզ յառաջին բերոյն ուստի ուտէի։

ԹԱԳԱՒՈՐՈՒԹԵԱՆՑ ԱՌԱՋԻՆ 10:3

Եւ երթիցես անտի եւս անդր, եւ հասցես մինչեւ ի կաղնին Դեբովրայ, եւ գտցես անդ երիս արս որ ելանիցեն առ Աստուած ի Բեթէլ. միոյն բարձեալ ուլս երիս, եւ միոյն բարձեալ երիս ամանս հացի, եւ միոյն բարձեալ տիկ մի գինւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:20

Եւ ա՛ռ Յեսսէ արդու մի հացի՝՝ եւ տիկ մի գինւոյ եւ ուլ մի յայծեաց, եւ առաքեաց ի ձեռն Դաւթի որդւոյ իւրոյ՝ Սաւուղայ։

ԹԱԳԱՒՈՐՈՒԹԵԱՆՑ ԱՌԱՋԻՆ 25:18

Եւ աճապարեաց Աբիգեա, եւ ա՛ռ երկերիւր նկանակ եւ երկուս ամանս գինւոյ եւ հինգ ոչխար հասուցեալ եւ հինգ արդու փոխնդոյ եւ կայթ մի չամիչ՝՝, եւ պաղատիտս երկերիւր, եւ եդ ի վերայ իշոց։