ԹԱԳԱՒՈՐՈՒԹԵԱՆՑ ԵՐԿՐՈՐԴ 12:9 - Գրաբար Աստվածաշունչ (1895)

⁹ Եւ ընդէ՞ր անարգեցեր զբան Տեառն առնել չար առաջի աչաց նորա. զՈւրիա Քետացի հարեր դու սրով, եւ զկին նորա առեր դու քեզ կնութեան, եւ զնա սպաներ սրով որդւոցն Ամոնայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:9 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:4

Եւ առաքեաց Դաւիթ հրեշտակս եւ առ զնա, եւ եմուտ առ նա եւ ննջեաց ընդ նմա. եւ նա էր սրբեալ ի դաշտանէ իւրմէ. եւ դարձաւ ի տուն իւր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:10

Եւ արդ մի՛ հեռասցի սուր ի տանէ քումմէ մինչեւ ցյաւիտեան, փոխանակ զի անարգեցեր զիս, եւ առեր զկինն Ուրիայ Քետացւոյ լինել քեզ կնութեան։

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:7

Եւ այսպէս ասէր Սեմէի յանիծանելն զնա. Ել, ել, այր արեանց եւ այր անօրէն.

ԹԱԳԱՒՈՐՈՒԹԵԱՆՑ ԵՐՐՈՐԴ 15:5

որպէս արար Դաւիթ ուղղութիւն առաջի Տեառն, եւ ոչ խոտորեցաւ յամենայնէ զոր պատուիրեաց նմա զամենայն աւուրս կենաց իւրոց, բաց ի բանին Ուրիայ Քետացւոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 21:19

եւ խօսեսցիս ընդ նմա եւ ասասցես. Այսպէս ասէ Տէր. Որպէս սպաներ եւ ժառանգեցեր. վասն այդորիկ՝՝ այսպէս ասէ Տէր. Ի տեղւոջ ուր լափեցին շունք եւ խոզք՝՝ զարիւն Նաբովթայ, անդ լափեսցեն զարիւն քո եւ բոզք լուասցին յարեան քում՝՝։

ՄՆԱՑՈՐԴԱՑ ԵՐԿՐՈՐԴ 33:6

Եւ ինքն անցուցանէր զորդիս իւր ընդ հուր յերկրին Բեննոմայ՝՝, եւ հմայէր եւ հաւահարց լինէր եւ դիւթէր. եւ արար վհուկս եւ թովիչս. բազմացոյց առնել չար առաջի Տեառն առ ի բարկացուցանելոյ զնա։

ԳԻՐՔ ՍԱՂՄՈՍԱՑ 51:4

զօրհանապազ զանիրաւութիւն՝՝ խորհեցաւ ի լեզուի իւրում, որպէս ածելի սուր սրեաց զնենգութիւն։

ԳԻՐՔ ՍԱՂՄՈՍԱՑ 90:8

Բայց միայն աչօք քովք հայեսցիս դու, եւ զհատուցումն մեղաւորաց տեսցես։

ԱՌԱԿՔ ՍՈՂՈՄՈՆԻ 14:2

Որ գնայ ուղիղ՝ երկնչի ի Տեառնէ, եւ որ կամակորի ի ճանապարհս իւր՝ անարգեսցի։

ՄԱՐԳԱՐԷՈՒԹԻՒՆ ԵՍԱՅԵԱՅ 5:24

Վասն այնորիկ՝ որպէս վառի եղէգն ի կայծականց հրոյ, այնպէս այրեսցին՝՝ ի բորբոքեալ բոցոյ. եւ արմատ նոցա իբրեւ զմղեղ եղիցի, եւ ծաղիկ նոցա իբրեւ զփոշի ելանիցէ. զի ոչ կամեցան զօրէնս Տեառն զօրութեանց, այլ եւ գրգռեցին եւս զբանս Սրբոյն Իսրայելի։

ՄԱՐԳԱՐԷՈՒԹԻՒՆ ԵՐԵՄԵԱՅ 18:10

եւ արասցեն չարիս առաջի իմ, չլսել բարբառոյ իմոյ, զղջացայց եւ ես ի վերայ բարեացն զոր խօսեցայ առնել նոցա։

ՄԱՐԳԱՐԷՈՒԹԻՒՆ ԱՄՈՎՍԱՅ 2:4

Այսպէս ասէ Տէր. Ի վերայ երից ամպարշտութեանց որդւոցն Յուդայ, եւ ի վերայ չորիցն՝ ոչ դարձայց ի նմանէն՝՝, փոխանակ զի մերժեցին զօրէնս Տեառն եւ զհրամանս նորա ոչ պահեցին, եւ մոլորեցուցին զնոսա սնոտեօք իւրեանց զոր արարին,՝՝ զորոց զհետ գնացին հարքն նոցա։

ԹԱԳԱՒՈՐՈՒԹԵԱՆՑ ԱՌԱՋԻՆ 15:19

եւ ընդէ՞ր ոչ լուար ձայնի Տեառն, այլ յարձակեցար դիմել ի վերայ աւարիդ, եւ արարեր չար առաջի Տեառն։

ԹԱԳԱՒՈՐՈՒԹԵԱՆՑ ԱՌԱՋԻՆ 15:23

Զի հմայք մեղք են, եւ ցաւս եւ աշխատութիւնս ածէ թերափդ ի վերայ՝՝. զի արհամարհեցեր զբան Տեառն, արհամարհեսցէ զքեզ Տէր չլինել թագաւոր ի վերայ Իսրայելի՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 15:26

Եւ ասէ Սամուէլ ցՍաւուղ. Ոչ դարձայց ընդ քեզ. զի արհամարհեցեր զբանն Տեառն, եւ արհամարհեսցէ զքեզ Տէր չլինել թագաւոր ի վերայ Իսրայելի։