ԹԱԳԱՒՈՐՈՒԹԵԱՆՑ ԵՐԿՐՈՐԴ 11:2 - Գրաբար Աստվածաշունչ (1895)

² Եւ եղեւ ընդ երեկս եւ յարեաւ Դաւիթ յանկողնէ իւրմէ, եւ զգնայր ի վերայ տանեաց տան թագաւորին. եւ ետես ի տանեացն կին մի լուացեալ, եւ կինն գեղեցիկ տեսլեամբ յոյժ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:2 Iomraidhean Croise

ԾՆՈՒՆԴՔ 12:11

Եւ եղեւ իբրեւ մերձեցաւ Աբրամ մտանել յԵգիպտոս, եւ ասէ ցՍարա ցկին իւր. Գիտեմ զի կին գեղեցիկ ես դու։

ԾՆՈՒՆԴՔ 3:6

Եւ ետես կինն զի բարի էր ծառն ի կերակուր եւ հաճոյ աչաց հայելոյ, եւ գեղեցիկ ի տեսանել՝՝. եւ առ ի պտղոյ նորա, եկեր. եւ ետ առն իւրում ընդ իւր, եւ կերան։

ԾՆՈՒՆԴՔ 34:2

Եւ ետես զնա Սիւքեմ որդի Եմովրայ Քոռեցի, որ իշխանն էր երկրին, եւ առ զնա, եւ ննջեաց ընդ նմա, եւ տառապեցոյց զնա։

ԾՆՈՒՆԴՔ 39:6

Եւ եթող զամենայն որ ինչ իւր էր՝ ի ձեռս Յովսեփայ. եւ ոչ գիտէր զամենայն որ ինչ կայր ի տան իւրում, բայց միայն զհացն զոր ուտէր։ Եւ էր Յովսէփ ազնիւ երեսօք եւ գեղեցիկ տեսլեամբ յոյժ։

ԾՆՈՒՆԴՔ 6:2

Տեսեալ որդւոցն Աստուծոյ զդստերս մարդկան զի գեղեցիկ էին, առին իւրեանց կանայս յամենեցունց զոր ընտրեցին։

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:1

Եւ եղեւ յետ այնորիկ, եւ Աբիսողոմայ որդւոյ Դաւթի էր քոյր մի յոյժ գեղեցիկ տեսլեամբ, եւ անուն նորա Թամար. եւ սիրեաց զնա Ամոն որդի Դաւթի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:27

Եւ ծնան Աբիսողոմայ երեք ուստերք եւ դուստր մի եւ անուն նորա Թամար. եւ նա էր կին գեղեցիկ յոյժ տեսլեամբ եւ եղեւ կին Ռոբովամայ որդւոյ Սողոմոնի, եւ ծնաւ նմա զԱբիա՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 4:5

Եւ գնացին որդիք Ռեմոնայ Բերովթացւոյ, Ռեքաբ եւ Բաանա, եւ մտին ի տօթաժամու աւուրն ի տուն Յեբուսթեայ. եւ նա ննջէր յանկողնի ի հասարակ աւուրն.

ԹԱԳԱՒՈՐՈՒԹԵԱՆՑ ԵՐԿՐՈՐԴ 4:7

եւ մտին ի տունն. եւ Յեբուսթէ ննջէր ի գահոյս իւրում ի սենեկի. եւ հարին զնա եւ սպանին, եւ հատին զգլուխ նորա եւ առին զգլուխն, եւ գնացին զճանապարհն արեւելից զամենայն գիշերն.

ԳԻՐՔ ՅՈԲԱՅ 31:1

Ուխտ եդի ընդ աչս իմ եւ ոչ հայեցաւ ի կոյս։

ԱՌԱԿՔ ՍՈՂՈՄՈՆԻ 19:15

Վատութիւն ունի զկանացին՝՝. անձն գործատեաց՝ քաղցիցէ։

ԱՌԱԿՔ ՍՈՂՈՄՈՆԻ 31:30

Սուտ հաճութիւնք եւ ընդունայն գեղ կնոջ ոչ գոյ ի քեզ. զի կին իմաստուն եւ բարեպաշտօն օրհնեսցի. զերկիւղածս Տեառն պատուեսցէ նա։

ԱՌԱԿՔ ՍՈՂՈՄՈՆԻ 6:25

Որդեակ, մի՛ յաղթեսցէ քեզ ցանկութիւն գեղոյ, եւ մի՛ ըմբռնեսցիս աչօք քովք,՝՝ եւ մի՛ յափշտակիցիս արտեւանամբք նորա։

ԱՌԱԿՔ ՍՈՂՈՄՈՆԻ 7:8

որ անցանիցեն ընդ հրապարակս առ անկեամբ գնացից տան նորա,

ՄԱՐԳԱՐԷՈՒԹԻՒՆ ԵՐԵՄԵԱՅ 19:13

եւ եղիցին տունք Երուսաղեմի եւ տունք թագաւորացն Յուդայ իբրեւ զտեղի սպանելոց, վասն պղծութեանց զոր արարին յամենայն տունս՝՝ յորս արկանէին խունկս ի վերայ տանեաց իւրեանց՝ ամենայն զօրութեանց երկնից, եւ նուիրէին նուէրս աստուածոց օտարաց։

Մատթեոսի Աւետարան 10:27

Զոր ասեմ ձեզ ի խաւարի՝ ասացէք ի լոյս. եւ զոր լսէք յունկանէ՝ քարոզեցէք ի վերայ տանեաց։

Մատթեոսի Աւետարան 24:17

եւ որ ի տանիս կայցէ՝ մի՛ իջցէ առնուլ ինչ ի տանէ իւրմէ.

Մատթեոսի Աւետարան 5:28

Բայց ես ասեմ ձեզ թէ՝ Ամենայն որ հայի ի կին մարդ առ ի ցանկանալոյ նմա՝ անդէն շնացաւ ընդ նմա ի սրտի իւրում։

ԳՈՐԾՔ ԱՌԱՔԵԼՈՑ 10:9

Եւ ի վաղիւ անդր ի ճանապարհ անկանել նոցա եւ մօտ ի քաղաքն լինել, ել Պետրոս ի տանիսն կալ յաղօթս զվեցերորդ ժամուն։

ԵՐԿՐՈՐԴՈՒՄՆ ՕՐԻՆԱՑ 22:8

Եւ եթէ շինեսցես տուն նորաշէն, արասցես պսակ շուրջ զտանեօքն, եւ մի՛ սպանումն գործեսցես ի տան քում, զի մի՛ անկանիցի որ անկանելոցն իցէ՝՝ ի նմանէ։

ԵՐԿՐՈՐԴՈՒՄՆ ՕՐԻՆԱՑ 5:21

Մի՛ ցանկանայցես կնոջ ընկերի քո, եւ մի՛ ցանկանայցես տան ընկերի քո, եւ մի՛ անդոյ նորա, եւ մի՛ ծառայի նորա, եւ մի՛ աղախնոյ նորա, եւ մի՛ եզին նորա, եւ մի՛ իշոյ նորա, եւ մի՛ ամենայն անասնոյ նորա,՝՝ եւ մի՛ ամենայնի զինչ ընկերի քո իցէ։

ՊԵՏՐՈՍԻ ԱՌԱՋԻՆ՝՝ 4:7

Ամենեցուն վախճան մերձեալ է. զգաստացարուք այսուհետեւ եւ լերուք զուարթունք յաղօթս։

ՅՈՎՀԱՆՆՈՒ ԱՌԱՋԻՆ՝՝ 2:16

Եթէ ոք սիրէ զաշխարհ, ոչ է ի նմա սէր Հօր, զի ամենայն որ ինչ յաշխարհի է՝ ցանկութիւն է մարմնոյ եւ ցանկութիւն է աչաց եւ ամբարտաւանութիւն աստի կենացս, որ չէ առ ի Հօրէ, այլ յաշխարհէ աստի է։

ԹԱԳԱՒՈՐՈՒԹԵԱՆՑ ԱՌԱՋԻՆ 9:25

Եւ էջ ի Բամայ ի քաղաքն եւ արկին անկողինս Սաւուղայ ի տանիսն, եւ ննջեաց՝՝։