ԹԱԳԱՒՈՐՈՒԹԵԱՆՑ ԵՐԿՐՈՐԴ 10:12 - Գրաբար Աստվածաշունչ (1895)

¹² քաջ լեր եւ ժրասցուք ի վերայ ժողովրդեան մերոյ եւ ի վերայ քաղաքաց Աստուծոյ մերոյ. եւ Տէր արասցէ զհաճոյն առաջի աչաց իւրոց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:12 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:11

Եւ ասէ. Եթէ յաղթահարեսցեն զիս Ասորիքն, եղիջիք ինձ ի փրկութիւն. եւ եթէ որդիքն Ամոնայ յաղթահարեսցեն զքեզ, եղիցուք ապրեցուցանել զքեզ.

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:26

ապա թէ այսպէս ասասցէ ցիս թէ՝ Չեմ հաճեալ ընդ քեզ, ահաւասիկ կամ, արասցէ ինձ որպէս հաճոյ իցէ առաջի աչաց նորա։

ՄՆԱՑՈՐԴԱՑ ԱՌԱՋԻՆ 19:13

քաջ լեր, եւ զօրասցուք վասն ժողովրդեան մերում եւ վասն քաղաքաց Աստուծոյ մերոյ, եւ Տէր որ ինչ բարի իցէ յաչս նորա՝ արասցէ։

ՄՆԱՑՈՐԴԱՑ ԵՐԿՐՈՐԴ 32:7

Զօրացարուք եւ քաջ լերուք, մի՛ երկնչիք յերեսաց թագաւորին Ասորեստանեայց, եւ մի՛ յերեսաց ամենայն ազգացն որ ընդ նմա. վասն զի ընդ մեզ բազումք են քան ընդ նմա։

ԳԻՐՔ ՆԷԵՄԵԱՅ 4:14

Եւ իմ յարուցեալ ասեմ ցարսն որ կազմ պատրաստեալ կային, եւ ցզօրագլուխս նոցա՝ եւ ցայնս որ տեղեաց տեղեաց պահապանքն էին. Մի՛ երկնչիք յերեսաց նոցա, յիշեցէք զԱստուած մեր՝՝ զմեծ եւ զահարկու, եւ պատերազմեցարուք վասն եղբարց ձերոց, եւ վասն կանանց եւ որդւոց եւ դստերաց եւ տանց ձերոց։

ԳԻՐՔ ՆԷԵՄԵԱՅ 4:8

եւ ժողովեցան ամենեքեան ի միասին՝ գալ եւ պատերազմել ընդ Երուսաղեմի։

ԳԻՐՔ ՅՈԲԱՅ 1:21

եւ ասէ. Մերկ իսկ եկի ես յորովայնէ մօր իմոյ, եւ մերկանդամ դարձայց անդրէն.

ԹԻՒՔ 13:20

եւ զի՞նչ իցէ երկիրն յորում նոքա բնակեալ իցեն, եթէ բարի՞ իցէ եթէ չար. եւ զի՞նչ իցեն քաղաքքն յորս նոքա բնակեալ են, պարսպաւո՞րք իցեն եթէ անպարիսպք.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:13

Հսկեցէք, հաստատուն կացէք ի հաւատս, ժրացարուք, զօրացարուք։

ԵՐԿՐՈՐԴՈՒՄՆ ՕՐԻՆԱՑ 31:6

Քաջ լեր եւ զօրացիր, մի՛ երկնչիր, եւ մի՛ զանգիտեր, եւ մի՛ զարհուրեսցիս յերեսաց նոցա. զի Տէր Աստուած քո ինքնին է որ երթայցէ յառաջագոյն ընդ ձեզ ի միջի ձերում. ոչ թողցէ զքեզ եւ ոչ ընդ վայր հարկանիցէ։

ԵՐԿՐՈՐԴՈՒՄՆ ՕՐԻՆԱՑ 31:7

Եւ կոչեաց Մովսէս զՅեսու եւ ասէ ցնա առաջի ամենայն Իսրայելի. Քաջ լեր եւ զօրացիր. քանզի դու մտանելոց ես առաջի երեսաց ժողովրդեանդ այդորիկ յերկիրն զոր երդուաւ Տէր հարցն ձերոց տալ նոցա, եւ դու ժառանգեցուսցես զնոսա։

ԱՌ ԵԲՐԱՅԵՑԻՍ ԹՈՒՂԹ 11:33

որք հաւատովք պարտեցին զթագաւորութիւնս, գործեցին զարդարութիւն, հասին աւետեաց. խցին զբերանս առիւծուց,

ԱՌ ԵԲՐԱՅԵՑԻՍ ԹՈՒՂԹ 13:6

Որպէս զի համարձակ լիցուք ասել. Տէր է իմ օգնական եւ ես ոչ երկեայց, զի՞ արասցէ ինձ մարդ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:18

Եւ այր որ անհնազանդ լիցի քեզ եւ ոչ լսիցէ բանից քոց, որպէս ինչ հրաման տացես նմա, մեռցի. բայց միայն զօրացիր եւ քաջ լեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:9

Ահա պատուիրեմ քեզ. զօրացիր եւ քաջ լեր. մի՛ զանգիտիցես եւ մի՛ երկնչիցիս, զի ընդ քեզ է Տէր Աստուած քո յամենայն տեղիս ուր եւ երթայցես։

ԴԱՏԱՒՈՐՔ 10:15

Եւ ասեն որդիքն Իսրայելի ցՏէր. Մեղաք, արա դու ընդ մեզ զամենայն որ ինչ հաճոյ թուի առաջի քո. բայց, Տէր, միայն ապրեցո զմեզ յաւուր յայսմիկ։

ԹԱԳԱՒՈՐՈՒԹԵԱՆՑ ԱՌԱՋԻՆ 14:12

Եւ պատասխանի ետուն արք կրճացն եւ ասեն ցՅովնաթան եւ ցկապարճակիրն. Ելէք առ մեզ եւ ծանուսցուք ձեզ բանս։ Եւ ասէ Յովնաթան ցկապարճակիրն իւր. Եկ զկնի իմ, զի մատնեաց զնոսա Տէր ի ձեռս Իսրայելի։

ԹԱԳԱՒՈՐՈՒԹԵԱՆՑ ԱՌԱՋԻՆ 14:6

Եւ ասէ Յովնաթան ցպատանին ցկապարճակիրն իւր. Եկ անցցուք ի կիրճս անթլփատիցն այնոցիկ, թերեւս արասցէ ինչ մեզ Տէր. զի ոչինչ է խտիր Տեառն ապրեցուցանել բազմօք կամ սակաւուք։

ԹԱԳԱՒՈՐՈՒԹԵԱՆՑ ԱՌԱՋԻՆ 17:32

Եւ ասէ Դաւիթ ցՍաւուղ. Մի՛ անկցի սիրտ տեառն իմոյ՝՝ ի վերայ իւր. ծառայ քո երթիցէ եւ մարտիցէ ընդ այլազգւոյն ընդ այնմիկ։

ԹԱԳԱՒՈՐՈՒԹԵԱՆՑ ԱՌԱՋԻՆ 3:18

Եւ պատմեաց նմա Սամուէլ զամենայն բանսն, եւ ոչ թաքոյց ի նմանէ։ Եւ ասէ Հեղի. Տէր որ ինչ բարի է առաջի իւր ինքն արասցէ։

ԹԱԳԱՒՈՐՈՒԹԵԱՆՑ ԱՌԱՋԻՆ 4:9

Քաջացարուք եւ լերուք արք, ո՛ այլազգիք, գուցէ ծառայիցէք Եբրայեցւոցն զոր օրինակ ծառայեցին ձեզ. լերուք արք եւ պատերազմեցայք ընդ նոսա։