ՅՈՎՀԱՆՆՈՒ ԵՐԿՐՈՐԴ՝՝ 1:12 - Գրաբար Աստվածաշունչ (1895)

¹² Բազում ինչ ունէի գրել առ ձեզ, այլ ոչ կամեցայ քարտիսիւ եւ դեղով. զի ակն ունիմ ինձէն իսկ գալ առ ձեզ, եւ բերան ի բերան խօսել. զի ուրախութիւնն մեր իցէ կատարեալ։

ՅՈՎՀԱՆՆՈՒ ԵՐԿՐՈՐԴ՝՝ 1:12 Iomraidhean Croise

ԹԻՒՔ 12:8

բերան ի բերան խօսեցայց ընդ նմա, երեսօք եւ ոչ առակօք. եւ զփառսն Տեառն ետես. եւ ընդէ՞ր ոչ երկերուք բամբասել զծառայն իմ Մովսէս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 15:11

Զայս խօսեցայ ընդ ձեզ, զի ուրախութիւնն իմ ի ձեզ իցէ, եւ ձեր ուրախութիւնն լցեալ եղիցի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:12

Եւս բազում ինչ ունիմ ասել ձեզ, այլ ոչ կարէք հանդարտել այժմիկ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:24

Մինչեւ ցայժմ ոչինչ խնդրեցէք յանուն իմ. խնդրեցէք եւ առնուցուք, զի ուրախութիւնն ձեր լցեալ եղիցի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 17:13

Բայց արդ առ քեզ գամ, եւ զայս խօսիմ յաշխարհի, զի ունիցին զուրախութիւնն իմ լիով յանձինս իւրեանց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 3:29

Որ ունի զհարսն՝ նա է փեսայ. իսկ բարեկամ փեսային որ կայ եւ լսէ նմա՝ ուրախութեամբ ուրախ լինի վասն ձայնի փեսային. արդ այս ուրախութիւն որ իմս է՝ լցեալ է։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:24

Յորժամ անցանիցեմ ի Սպանիա, ակն ունիմ յանցանելն առ նոսա՝ տեսանել զձեզ, եւ ի ձէնջ յուղարկել անդր, եթէ նախ իսկ փոքր ի շատէ ձեւք լցայց։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:4

ցանկացեալ եմ տեսանել զքեզ՝ յիշատակեալ զարտասուսն քո, զի լցայց ուրախութեամբ.

ԵՒ ԱՌ ԱՐՔԻՊՊՈՍ ՍԱՐԿԱՒԱԳ ԵՒ ԱՌ ԱՊՓԻԱ ԹՈՒՂԹ՝՝ 1:22

Միանգամայն եւ պատրաստեսջիր ինձ վանս, քանզի յուսամ թէ աղօթիւք ձերովք շնորհեցայց ձեզ։

ԱՌ ԵԲՐԱՅԵՑԻՍ ԹՈՒՂԹ 13:19

Եւ առաւել աղաչեմ զի զայն առնիցէք, զի վաղագոյն պատսպարեցայց ձեզ։

ԱՌ ԵԲՐԱՅԵՑԻՍ ԹՈՒՂԹ 13:23

Եւ ճանաչէք զեղբայրն մեր զՏիմոթէոս զարձակեալն առ ձեզ՝՝. ընդ որում, եթէ վաղագոյն գայցէ, տեսից զձեզ։

ՅՈՎՀԱՆՆՈՒ ԱՌԱՋԻՆ՝՝ 1:4

Եւ զայս գրեմք ձեզ, զի ձեր ուրախութիւնն կատարեալ իցէ։

ՅՈՎՀԱՆՆՈՒ ԵՐՐՈՐԴ՝՝ 1:10

Վասն այսորիկ եթէ եկից, յիշեցուցից զգործս նորա զոր առնէ, բանիւք չարօք շատխօսութեան առնէ զմեզ աշխատ. եւ ոչ այսոքիւք շատացեալ, ոչ ինքն ընդունի զեղբարս, եւ զայնոսիկ որ ընդունինն՝ արգելու, նա՝ եւ յեկեղեցւոյ եւս հանէ։