ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:9 - Գրաբար Աստվածաշունչ (1895)

⁹ Բայց զայս գիտասցէ, զի ի վերայ արդարոց օրէնք ոչ կան, այլ ի վերայ անօրինաց եւ անհնազանդից, ամբարշտաց եւ մեղաւորաց, անսրբոց եւ պղծոց, զհայր եւ զմայր անարգողաց, մարդասպանաց,

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:9 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:11

Եւ ասէ Դաւիթ ցԱբեսսա եւ ցամենայն ծառայս իւր. Ահաւանիկ որդի իմ որ ելեալ է յորովայնէ իմմէ՝ խնդրէ զանձն իմ, ո՜րչափ եւս որդին Յեմինայ. թոյլ տուք նմա եւ անիծցէ, զի Տէր ասաց նմա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:37

Եւ եղեւ մինչդեռ երկիր պագանէր ի տան Նեսրաքայ աստուածոյ իւրում, Ադրամելէք եւ Սարասար որդիք նորա հարին զնա սրով, եւ ինքեանք զերծան յերկիրն Արարադայ. եւ թագաւորեաց Ասորդան որդի նորա ընդ նորա։

ՄՆԱՑՈՐԴԱՑ ԵՐԿՐՈՐԴ 32:21

Եւ առաքեաց Տէր հրեշտակ, եւ սատակեաց զամենայն զօրաւոր եւ պատերազմող, զիշխան եւ զզօրագլուխ ի բանակի արքային Ասորեստանեայց. եւ դարձոյց զերեսս իւր ամօթով յերկիրն իւր, եւ չոգաւ ի տուն աստուածոյն իւրոյ. եւ որք ելեալ էին յորովայնէ նորա՝ ընկեցին զնա անդ սրով։

ԵԼՔ 20:13

Մի՛ սպանաներ։

ԵԼՔ 21:14

Իսկ եթէ մտաբերեսցէ ոք յընկեր իւր սպանանել զնա նենգութեամբ եւ փախիցէ, եւ ի սեղանոյ իմմէ առնուցուս զնա եւ սպանանիցես։

ԱՌԱԿՔ ՍՈՂՈՄՈՆԻ 20:20

Որ հայհոյէ զհայր կամ զմայր՝ շիջցի լոյս նորա, եւ բիբք աչաց նորա զխաւար տեսցեն։

ԱՌԱԿՔ ՍՈՂՈՄՈՆԻ 28:17

Այր որ զմահապարտ յերաշխի առնու, փախստական լինի եւ ոչ ի հաստատութեան։ Խրատեա զորդի քո, եւ հանգուսցէ զքեզ, եւ տացէ զարդ անձին քում, եւ ոչ հնազանդեսցի ազգի անօրինի։՝՝

ԱՌԱԿՔ ՍՈՂՈՄՈՆԻ 28:24

Որ մերժէ զհայր իւր կամ զմայր՝ եւ համարիցի չմեղանչել, կցորդ է նա արանց ամպարշտաց։

ԱՌԱԿՔ ՍՈՂՈՄՈՆԻ 30:11

Ծնունդ չար՝՝ զհայր իւր անիծանէ, եւ զմայր իւր ոչ օրհնէ.

ԱՌԱԿՔ ՍՈՂՈՄՈՆԻ 30:17

Ակն որ արհամարհէ զհայր եւ անարգէ զծերութիւն մօր, խլեսցեն զնա ագռաւք ձորոց. եւ գէշ գէշ արասցեն զնա ձագք արծուեաց։

ՄԱՐԳԱՐԷՈՒԹԻՒՆ ԵՐԵՄԵԱՅ 23:11

Զի մարգարէ եւ քահանայ պղծեցան, եւ ի տան իմում գտի զչարիս նոցա, ասէ Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:25

Եւ դու, պիղծ եւ անօրէն իշխանդ Իսրայելի, որոյ եկեալ է օր վախճանի ի ժամանակի անիրաւութեան,

ՂԵՒՏԱԿԱՆ 20:9

Մարդ ոք մարդ որ հայհոյեսցէ զհայր իւր կամ զմայր իւր՝ մահու մեռցի. զհայր իւր կամ զմայր իւր թէ բամբասեսցէ՝ մահապարտ է։

Մատթեոսի Աւետարան 10:21

Մատնեսցէ եղբայր զեղբայր ի մահ, եւ հայր՝ զորդի. եւ յարիցեն որդիք ի վերայ հարց եւ սպանանիցեն զնոսա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:30

չարախօսք, աստուածատեացք, թշնամանողք, ամբարտաւանք, ամբարհաւաճք, գտիչք չարեաց, զծնողս անարգուք,

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 4:13

Զի ոչ եթէ օրինօքն են աւետիքն Աբրահամու եւ զաւակի նորա ժառանգ լինել աշխարհի, այլ ի հաւատոցն արդարութենէ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 5:20

Բայց օրէնք ի ներքս անկան, զի յանցանքն բազմասցին. զի ուր առաւել եղեն մեղքն, առաւել եւս յաւելան շնորհքն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 6:14

Զի մեղք ձեզ ոչ տիրեսցեն. քանզի ոչ էք ընդ օրինօք, այլ՝ ընդ շնորհօք։

ԱՌ ԳԱՂԱՏԱՑԻՍ ԹՈՒՂԹ 3:19

Իսկ զի՞նչ իցեն օրէնք. յանցուածոց վասն յաւելան, մինչեւ եկեսցէ զաւակն, որում խոստացեալն էր՝ կարգեալ հրեշտակօք ի ձեռն միջնորդի։

ԱՌ ԳԱՂԱՏԱՑԻՍ ԹՈՒՂԹ 5:18

Իսկ եթէ Հոգւով վարիք, ապա չէք ընդ օրինօք։

ԱՌ ԳԱՂԱՏԱՑԻՍ ԹՈՒՂԹ 5:21

չարակնութիւն, սպանութիւնք, արբեցութիւնք, անառակութիւնք, եւ որ ինչ սոցին նման են. զոր յառաջագոյն իսկ ասեմ ձեզ, որպէս եւ կանխաւն ասէի, թէ որ զայսպիսի ինչ գործեն՝ զարքայութիւն Աստուծոյ ոչ ժառանգեն։

ԱՌ ԳԱՂԱՏԱՑԻՍ ԹՈՒՂԹ 5:23

քաղցրութիւն, բարութիւն, հաւատք, հեզութիւն, ժուժկալութիւն. զայսպիսեաց աստի օրէնքն չեն հակառակ։

ԵՐԿՐՈՐԴՈՒՄՆ ՕՐԻՆԱՑ 27:16

Անիծեալ՝ որ անարգեսցէ զհայր իւր կամ զմայր իւր. եւ ասասցէ ամենայն ժողովուրդն. Եղիցի։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 2:8

Եւ ապա յայտնեսցի անօրէնն. զոր Տէր Յիսուս սատակեսցէ հոգւով բերանոյ իւրոյ, եւ խափանեսցէ յայտնութեամբ գալստեանն իւրոյ.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:7

Այլ ի պիղծ բանից եւ յառասպելաց պառաւանց հրաժարեսջիր, բայց կրթեա զանձն քո յաստուածպաշտութիւն.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:20

Ո՞վ Տիմոթէէ, պահեա զաւանդն՝ խոտորեալ ի պղծոց եւ ի նորաձայն բանից եւ ի հակառակութենէ եւ ի մոլարանուն գիտութենէ՝՝,

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:16

Այլ ի պղծոց եւ ի սնոտի խօսից մերժեսջիր, զի առաւել յառաջ գայցեն յամպարշտութիւնս.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 3:2

զի եղիցին մարդիկ անձնասէրք, արծաթասէրք, հպարտք, ամբարտաւանք, հայհոյիչք, անհաւանք ծնողաց, անշնորհք, անսուրբք,

ԱՌ ՏԻՏՈՍ ԹՈՒՂԹ 1:10

Քանզի բազումք են անհնազանդք, զրախօսք, եւ մտախաբք, մանաւանդ որ ի թլփատութենէ անտի են.

ԱՌ ՏԻՏՈՍ ԹՈՒՂԹ 1:16

Խոստանան գիտել զԱստուած, եւ գործովք իւրեանց ուրանան. պիղծք եւ անհաւանք եւ յամենայն գործս բարեաց անպիտանք։

ԱՌ ՏԻՏՈՍ ԹՈՒՂԹ 1:6

եթէ ոք անարատ իցէ, միոյ կնոջ այր, որդեակս ունիցի հաւատացեալս, եւ ոչ յամբաստանութիւն անառակութեան կամ անհնազանդս։

ԱՌ ՏԻՏՈՍ ԹՈՒՂԹ 3:3

Զի էաք երբեմն եւ մեք անմիտք, անհաւանք, մոլորեալք, ծառայէաք ցանկութեանց եւ պէսպէս անառակութեանց. չարութեամբ եւ նախանձու շրջէաք, ատեցեալք՝ եւ զմիմեանս ատէաք։

ԱՌ ԵԲՐԱՅԵՑԻՍ ԹՈՒՂԹ 11:31

Հաւատովք Րախաբ պոռնիկ ոչ կորեաւ ընդ անհաւատսն, որոյ ընկալեալ էր զլրտեսսն խաղաղութեամբ։

ԱՌ ԵԲՐԱՅԵՑԻՍ ԹՈՒՂԹ 12:16

Մի՛ ոք պոռնիկ եւ պիղծ իբրեւ զԵսաւ, որ ընդ միոյ կերակրոյ զանդրանկութիւնն վաճառեաց։

ՊԵՏՐՈՍԻ ԱՌԱՋԻՆ՝՝ 2:7

Ձեզ այսուհետեւ հաւատացելոցդ՝ վէմ պատուական, իսկ անհաւատիցն՝ վէմն զոր անարգեցին շինողքն, նա եղեւ գլուխ անկեան.

ՊԵՏՐՈՍԻ ԱՌԱՋԻՆ՝՝ 3:20

երբեմն ապստամբելոցն, յորժամ ներէր նոցա Աստուծոյ երկայնմտութիւնն յաւուրս Նոյի յորս տապանն կազմէր, յորս նուազունք, այսինքն՝ ոգիք իբրեւ ութ, ապրեցան ի ջրոյն.

ՊԵՏՐՈՍԻ ԱՌԱՋԻՆ՝՝ 4:18

Եւ եթէ արդարն հազիւ կեցցէ, իսկ ամբարիշտն եւ մեղաւորն ո՞ւր գտանիցի։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:15

առնել դատաստան ըստ ամենայնի՝՝, եւ յանդիմանել զամենայն ամբարիշտս վասն գործոց իւրեանց զոր ամբարշտեցին. եւ վասն ամենայն խիստ բանից զոր խօսեցան զնմանէ մեղաւորք եւ ամբարիշտք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:8

Եւ ծուլացն եւ անհաւատից, սպանողաց եւ պոռնկաց եւ կախարդաց եւ կռապաշտից եւ դեղատուաց՝՝, եւ ամենայն ստոց՝ ամպարշտաց, որոց՝՝ բաժինն իւրեանց ի լճին այրեցելոյ հրով եւ ծծմբով, որ է մահն երկրորդ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:15

Այլ ելցեն արտաքս շունք եւ դեղատուք եւ սպանողք եւ կռապաշտք, եւ ամենեքեան որ սիրեն զստութիւն։