ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 1:1 - Գրաբար Աստվածաշունչ (1895)

¹ Պաւղոս եւ Սիղուանոս եւ Տիմոթէոս, եկեղեցւոյդ Թեսաղոնիկեցւոց յԱստուած Հայր մեր եւ ի Տէր Յիսուս Քրիստոս.

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 1:1 Iomraidhean Croise

ԳՈՐԾՔ ԱՌԱՔԵԼՈՑ 15:22

Յայնժամ հաճոյ թուեցաւ առաքելոցն եւ երիցանցն ամենայն եկեղեցեաւն, արս ընտրեալս ի նոցանէ առաքել յԱնտիոք ընդ Պաւղոսի եւ ընդ Բառնաբայ, զՅուդա զկոչեցեալն Բարսաբա եւ զՇիղա՝ արս գլխաւորս.

ԳՈՐԾՔ ԱՌԱՔԵԼՈՑ 15:27

Արդ՝ առաքեցաք զՅուդա եւ զՇիղա, եւ նոցա ի բանից զնոյն պատմել։

ԳՈՐԾՔ ԱՌԱՔԵԼՈՑ 15:40

Եւ Պաւղոսի ընտրեալ զՇիղայ ել՝ յանձն արարեալ շնորհացն Աստուծոյ յեղբարց անտի,

ԳՈՐԾՔ ԱՌԱՔԵԼՈՑ 16:19

Իբրեւ տեսին տեարք նորա եթէ հատաւ յոյս շահի նոցա, առեալ զՊաւղոս եւ զՇիղա՝ ձգեցին ի հրապարակ առ իշխանսն։

ԳՈՐԾՔ ԱՌԱՔԵԼՈՑ 16:25

Եւ ի մէջ գիշերոյն Պաւղոս եւ Շիղայ կային յաղօթս եւ օրհնէին զԱստուած. ունկն դնէին նոցա կալանաւորքն։

ԳՈՐԾՔ ԱՌԱՔԵԼՈՑ 16:29

Խնդրեաց լոյս եւ դիմեաց ի ներքս, եւ զահի հարեալ անկաւ առաջի Պաւղոսի եւ Շիղայի.

ԳՈՐԾՔ ԱՌԱՔԵԼՈՑ 17:11

Զի սոքա էին ազնուագոյնք քան որ ի Թեսաղոնիկն էին. որք ընկալան զբանն ամենայն յօժարութեամբ, հանապազ քննէին զԳիրս եթէ իցէ՞ այս այսպէս։

ԳՈՐԾՔ ԱՌԱՔԵԼՈՑ 18:5

Իբրեւ իջին ի Մակեդոնիայ Շիղա եւ Տիմոթէոս, ստիպէր հոգւովն Պաւղոս դնել վկայութիւն Հրէիցն թէ Յիսուս է Քրիստոսն։

ԳՈՐԾՔ ԱՌԱՔԵԼՈՑ 19:22

Առաքեաց ի Մակեդոնիա երկուս ի պաշտօնէիցն իւրոց, զՏիմոթէոս եւ զԵրաստոս, եւ ինքն մնաց ժամանակս ինչ յԱսիա։

ԳՈՐԾՔ ԱՌԱՔԵԼՈՑ 20:4

Եւ երթայր ընդ նմա մինչեւ յԱսիա Սոսիպատրոս Պիւռեայ Բերիացի, եւ ի Թեսաղոնիկեցւոց Արիստարքոս եւ Սեկունդոս, եւ Գայիոս Դերբացի եւ Տիմոթէոս, եւ Ասիացիք՝ Տիւքիկոս եւ Տրոփիմոս։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:7

ամենեցուն որոց էք ի Հռովմ, սիրելեաց Աստուծոյ՝ կոչեցելոց սրբոց, շնորհք ընդ ձեզ եւ խաղաղութիւն յԱստուծոյ Հօրէ մերմէ եւ ի Տեառնէ Յիսուսէ Քրիստոսէ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:2

եկեղեցւոյդ Աստուծոյ որ է ի Կորնթոս, նուիրելոց ի Քրիստոս Յիսուս, կոչեցելոց սրբոց, ամենեքումբք հանդերձ որք կարդան զանուն Տեառն մերոյ Յիսուսի Քրիստոսի յամենայն տեղիս՝ նոցա եւ մեր.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:1

Պաւղոս, առաքեալ Յիսուսի Քրիստոսի կամօքն Աստուծոյ, եւ Տիմոթէոս եղբայր. եկեղեցւոյդ Աստուծոյ որ է ի Կորնթոս, սրբովքդ ամենեքումբք որ են յամենայն կողմանս Աքայեցւոց.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:19

Քանզի Որդին Աստուծոյ Յիսուս Քրիստոս, որ ի ձեզ մեւք քարոզեցաւ, ինեւ եւ Սիղուանոսիւ եւ Տիմոթէիւ, ոչ եղեւ այո՝ եւ ոչ, այլ այոն ի նմին եղեւ։

ԱՌ ԳԱՂԱՏԱՑԻՍ ԹՈՒՂԹ 1:2

եւ որ ընդ իս են եղբարք ամենեքին, եկեղեցեացդ Գաղատացւոց.

ԱՌ ԳԱՂԱՏԱՑԻՍ ԹՈՒՂԹ 1:22

Եւ յանծանօթս էի երեսօք եկեղեցեացն որ ի թլփատութենէ անտի էին՝՝ ի Քրիստոս։

ԱՌ ԵՓԵՍԱՑԻՍ ԹՈՒՂԹ 1:2

շնորհք ընդ ձեզ եւ խաղաղութիւն յԱստուծոյ Հօրէ մերմէ եւ ի Տեառնէ Յիսուսէ Քրիստոսէ։

ԱՌ ՓԻԼԻՊԵՑԻՍ ԹՈՒՂԹ 1:1

Պաւղոս եւ Տիմոթէոս, ծառայք Յիսուսի Քրիստոսի, ամենայն սրբոց ի Քրիստոս Յիսուս, որ են ի կողմանս Փիլիպեցւոց, եպիսկոպոսակցօք եւ սարկաւագօք.

ԱՌ ԿՈՂՈՍԱՑԻՍ ԹՈՒՂԹ 1:1

Պաւղոս, առաքեալ Յիսուսի Քրիստոսի կամօքն Աստուծոյ, եւ Տիմոթէոս եղբայր,

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 1:1

Պաւղոս եւ Սիղուանոս եւ Տիմոթէոս, եկեղեցւոյդ Թեսաղոնիկեցւոց յԱստուած Հայր մեր եւ ի Տէր Յիսուս Քրիստոս.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:2

Տիմոթեայ, որդւոյ սիրելւոյ հաւատովք, շնորհք, ողորմութիւն, խաղաղութիւն յԱստուծոյ Հօրէ եւ ի Տեառնէ մերմէ Յիսուսէ Քրիստոսէ։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:2

Տիմոթեայ որդւոյ սիրելւոյ շնորհք, ողորմութիւն եւ խաղաղութիւն յԱստուծոյ Հօրէ եւ ի Քրիստոսէ Յիսուսէ Տեառնէ մերմէ։

ԱՌ ԵԲՐԱՅԵՑԻՍ ԹՈՒՂԹ 13:23

Եւ ճանաչէք զեղբայրն մեր զՏիմոթէոս զարձակեալն առ ձեզ՝՝. ընդ որում, եթէ վաղագոյն գայցէ, տեսից զձեզ։

ՊԵՏՐՈՍԻ ԱՌԱՋԻՆ՝՝ 5:12

Ի ձեռն Սիղուանոսի հաւատարիմ եղբօր, որպէս կարծեմ, փոքր ի շատէ գրեցի ձեզ՝ մխիթարել եւ ի վերայ սորին վկայել, զի եւ այս ճշմարիտ շնորհք յԱստուծոյ են յոր հաստատեալ կայցէք։

ՅՈՎՀԱՆՆՈՒ ԱՌԱՋԻՆ՝՝ 1:3

զոր տեսաքն եւ լուաք, պատմեմք եւ ձեզ, զի եւ դուք հաղորդութիւն ունիցիք ընդ մեզ, եւ մեր հաղորդութիւնն իցէ ընդ Հօր եւ ընդ Որդւոյ իւրում Յիսուսի Քրիստոսի։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:1

Յուդա, Յիսուսի Քրիստոսի ծառայ, եւ եղբայր Յակովբայ, հեթանոսաց որ՝՝ յԱստուծոյ Հօրէ էք սիրեցեալք, եւ Յիսուսի Քրիստոսի պահեալք եւ ընտրեալք,