ԹԱԳԱՒՈՐՈՒԹԵԱՆՑ ԱՌԱՋԻՆ 27:8 - Գրաբար Աստվածաշունչ (1895)

⁸ Եւ ելանէր Դաւիթ եւ արքն որ ընդ նմա էին, եւ ասպատակէին ի վերայ ամենայն Գեսերացւոյն եւ Գեզերացւոյն եւ Ամաղեկացւոյն. եւ ահա բնակէր երկիրն ի Գեղամսուրայ յապահովելոց պարսպաւորաց մինչեւ ցԵգիպտոս՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 27:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:23

Եւ յարեաւ Յովաբ եւ գնաց ի Գեսուր, եւ ած զԱբիսողոմ յԵրուսաղէմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:32

Եւ ասէ Աբիսողոմ ցՅովաբ. Յղեցի առ քեզ եւ ասեմ. Եկ այսր յղեցից զքեզ առ արքայ, ասել՝ թէ Ընդէ՞ր եկի ի Գեսուրայ, լաւ էր ինձ տակաւին անդ լինել քան ոչ տեսանել՝՝ զերեսս արքայի, եւ եթէ վնաս ինչ կայցէ յիս, սպան զիս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:8

զի ուխտիւք ուխտեաց ծառայ քո մինչ էի ի Գեսուր յԱսորիս. ասեմ. Եթէ դարձուցանելով դարձուսցէ զիս Տէր յԵրուսաղէմ, պաշտեցից զՏէր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:22

Եւ ահա ծառայք Դաւթի եւ Յովաբ եկին յասպատակէ, եւ աւար բազում ածին ընդ իւրեանս. եւ Յովաբ չէր ընդ Դաւթի ի Քեբրոն յորժամ արձակեաց զնա եւ գնաց խաղաղութեամբ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:3

եւ երկրորդ նորա՝ Դաւիա, յԱբիգեայ՝՝ Կարմեղացւոյ, եւ երրորդ՝ Աբիսողոմ, ի Մաաքեայ դստերէ Թողմեայ արքայի Գեսուրայ,

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:12

յԵդովմայ եւ ի Մովաբայ եւ յորդւոցն Ամոնայ եւ յայլազգեացն եւ յԱմաղեկայ, եւ յաւարէ Ադրաազարայ որդւոյ Ռովբայ արքայի Սուբայ։

ՄՆԱՑՈՐԴԱՑ ԱՌԱՋԻՆ 2:23

Եւ առ զԳեսուր եւ զԱրամ, զգեղսն Յայիրայ ի նոցանէ. զԿանաթ եւ զաւանս նորա վաթսուն քաղաք, զամենեսեան որդւոցն Մաքիրայ՝ հօրն Գաղաադու։

ԵԼՔ 15:22

Եւ խաղացոյց Մովսէս զորդիսն Իսրայելի ի Կարմիր ծովէ անտի, եւ ած զնոսա յանապատն ի Սուր. եւ գնացին երեքօրեայ ճանապարհ յանապատի անդ, եւ ոչ գտանէին ջուր ըմպելոյ։

ԵԼՔ 17:8

Եկն Ամաղէկ, եւ տայր պատերազմ ընդ Իսրայելի յՌափիդիմ։

ԹԻՒՔ 13:29

Բայց ազգն սաստիկ էր որ բնակեալ էին ի նմա, եւ քաղաքք ամուրք եւ պարսպաւորք եւ մեծամեծք յոյժ. եւ զազգն Ենակայ տեսաք անդ։

ԹԻՒՔ 14:45

Էջ Ամաղէկ եւ Քանանացին որ բնակեալ էր ի լերինն, եւ հարին զնոսա եւ կոտորեցին զնոսա մինչեւ ցՀերմա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 12:5

իշխան ի լեռնէն Հերմոնի եւ ի Սելքայ, եւ զամենայն Բասան՝՝ մինչեւ ի սահմանս Գեսուրայ եւ զՄաքաթի եւ զկէս՝՝ Գաղաադու սահմանացն Սեհոնի արքայի Եսեբոնայ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:13

Եւ ոչ սատակեցին որդիքն Իսրայելի զԳեսուրի եւ զՄաքաթի եւ զՔանանացին՝՝. եւ բնակէր թագաւորն Գեսուրայ եւ Մաքաթեայ՝՝ ի մէջ որդւոցն Իսրայելի մինչեւ ցայսօր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:2

Եւ այս է երկիրն մնացեալ. ամենայն սահմանք Փղշտացւոց,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 16:10

Եւ ոչ կորոյս Եփրեմ զՔանանացին բնակեալ ի Գազեր, եւ բնակէր Քանանացին ի մէջ Եփրեմայ մինչեւ ցայսօր. մինչեւ ել փարաւոն արքայ Եգիպտացւոց եւ առ զքաղաքն, եւ այրեաց զնա հրով, եւ զՔանանացին եւ զՓերեզացին զբնակեալն ի Գազեր խոտեաց, եւ ետ զնա փարաւոն պաշտատական դստեր իւրում.՝՝ եւ եղեն ծառայք հարկատուրք։

ԴԱՏԱՒՈՐՔ 1:29

Եւ Եփրեմ ոչ եբարձ զՔանանացին զբնակեալն ի Գազեր. եւ բնակեաց Քանանացին ի մէջ նորա ի Գազեր, եւ եղեւ նմա հարկատու։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 29:6

Եւ կոչեաց Անքուս զԴաւիթ, եւ ասէ ցնա. Կենդանի է Տէր, զի ուղիղ եւ բարի ես դու յաչս իմ, եւ մուտ քո եւ ել ի բանակի աստ ընդ իս. եւ ոչ գտի ի քեզ չարութիւն յօրէ յորմէ հետէ եկիր առ իս մինչեւ ցայսօր ժամանակի. եւ յաչս նախարարացն ոչ թուիս դու բարւոք.

ԹԱԳԱՒՈՐՈՒԹԵԱՆՑ ԱՌԱՋԻՆ 30:1

Եւ եղեւ ընդ մտանել Դաւթի եւ արանց նորա ի Սիկեղակ յաւուրն երրորդի, եւ Ամաղէկ ասպատակեաց ի հարաւակողմն եւ ի Սիկեղակ. եւ եհար զՍիկեղակ եւ այրեաց զնա հրով,