ԹԱԳԱՒՈՐՈՒԹԵԱՆՑ ԱՌԱՋԻՆ 2:2 - Գրաբար Աստվածաշունչ (1895)

² Զի ոչ գոյ սուրբ իբրեւ զՏէր, եւ ոչ գոյ արդար իբրեւ զԱստուած մեր, եւ ոչ գոյ սուրբ բաց ի քէն՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 2:2 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 22:3

Աստուած պահապան եղիցի ինձ՝՝, յուսացեալ եղէց ի նա. վերակացու իմ եւ եղջեւր փրկութեան իմոյ, պաշտպան իմ եւ ապաւէն փրկութեան իմոյ. յանիրաւէ փրկեսցես զիս, Տէր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 22:32

Ո՞վ է հզօր՝ բաց ի քէն, Տէր, եւ ո՞վ է հաստիչ բաց յԱստուծոյ մերմէ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:22

վասն մեծացուցանելոյ զիս՝՝, Տէր իմ Տէր. զի չիք ոք իբրեւ զքեզ, եւ չիք Աստուած բաց ի քէն ի վերայ ամենայնի զոր լուաք ականջօք մերովք։

ԹԱԳԱՒՈՐՈՒԹԵԱՆՑ ԵՐՐՈՐԴ 8:23

եւ ասէ. Տէր Աստուած Իսրայելի, չիք իբրեւ զքեզ Աստուած յերկինս ի վեր եւ յերկիր ի խոնարհ, որ պահեցեր զուխտ եւ զողորմութիւն ծառայի քում գնացելոյ առաջի քո ամենայն սրտիւ իւրով՝՝,

ԳԻՐՔ ՍԱՂՄՈՍԱՑ 111:9

Սփռեաց եւ ետ աղքատաց. արդարութիւն նորա մնայ յաւիտեանս յաւիտենից, եւ եղջեւր նորա բարձր եղիցի փառօք։

ԳԻՐՔ ՍԱՂՄՈՍԱՑ 18:2

Երկինք պատմեն զփառս Աստուծոյ, եւ զարարածս ձեռաց նորա պատմէ հաստատութիւն։

ԳԻՐՔ ՍԱՂՄՈՍԱՑ 71:19

եւ օրհնեալ է անուն սուրբ փառաց նորա յաւիտեան. լցցի փառօք նորա ամենայն երկիր, Եղիցի, եղիցի։

ԳԻՐՔ ՍԱՂՄՈՍԱՑ 71:3

Առցեն լերինք զխաղաղութիւն ժողովրդեան, եւ բլուրք զարդարութիւն։

ԳԻՐՔ ՍԱՂՄՈՍԱՑ 89:6

ընդ առաւօտս որպէս դալարի զուարճասցին եւ ծաղկեսցին, ընդ երեկոյս թարշամեսցին, չորասցին եւ անկցին։

ԳԻՐՔ ՍԱՂՄՈՍԱՑ 89:8

Եդիր զմեղս մեր առաջի քո, եւ զկեանս մեր ի լոյս երեսաց քոց։

ԳԻՐՔ ՍԱՂՄՈՍԱՑ 99:3

ծառայեցէք Տեառն ուրախութեամբ. մտէք առաջի նորա ցնծութեամբ, ծաներուք զի նա է Տէր Աստուած մեր. նա արար զմեզ եւ ոչ մեք էաք, մեք ժողովուրդք եւ խաշն արօտի նորա։

ԳԻՐՔ ՍԱՂՄՈՍԱՑ 99:5

Քաղցր է Տէր, յաւիտեան է ողորմութիւն նորա. ազգէ մինչեւ յազգ է ճշմարտութիւն նորա։

ԵԼՔ 15:11

Ո՞վ իցէ նման քեզ յաստուածս, Տէր, եւ կամ ո՞վ նմանիցէ քեզ, փառաւորեալդ ի սուրբս, սքանչելի փառօք՝՝, որ առնես զնշանս։

ՄԱՐԳԱՐԷՈՒԹԻՒՆ ԵՍԱՅԵԱՅ 40:18

Արդ ո՞ւմ նմանեցուցէք զՏէր, եւ որո՞ւմ նմանութեան նմանեցուցէք զնա։

ՄԱՐԳԱՐԷՈՒԹԻՒՆ ԵՍԱՅԵԱՅ 44:6

Այսպէս ասէ Աստուած Թագաւորն Իսրայելի, եւ որ փրկեացն զնա Աստուած՝՝ զօրութեանց. Ես առաջին՝ եւ ես առ յապայ, բաց յինէն այլ ոչ գոյ Աստուած։

ՄԱՐԳԱՐԷՈՒԹԻՒՆ ԵՍԱՅԵԱՅ 44:8

Մի՛ զարմանայք եւ մի՛ պատկառէք. ո՞չ ապաքէն ի սկզբանէ լուարուք՝՝ եւ պատմեցի ձեզ. դուք ձեզէն իսկ վկայէք ինձ, թէ գուցէ՞ այլ Աստուած բաց յինէն։

ՄԱՐԳԱՐԷՈՒԹԻՒՆ ԵՍԱՅԵԱՅ 57:15

Այսպէս ասէ Բարձրեալն՝ որ ի բարձունս բնակեալ է յաւիտեան, Սուրբն ի մէջ սրբոց. որոյ անունն բարձրեալ է եւ ի սուրբս հանգուցեալ, որ տայ երկայնմտութիւն տարակուսելոց, եւ կեանս այնոցիկ՝ որ մաշեալ են սրտիւք.

ՄԱՐԳԱՐԷՈՒԹԻՒՆ ԵՍԱՅԵԱՅ 6:3

Աղաղակէին մի առ մի՝ եւ ասէին. Սուրբ, սուրբ, սուրբ՝ Տէր զօրութեանց, լի է ամենայն երկիր փառօք նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 10:6

Չիք ոք իբրեւ զքեզ, Տէր. մեծ ես, եւ մեծ է անուն քո զօրութեամբ։

ՂԵՒՏԱԿԱՆ 11:44

Ես եմ Տէր Աստուած ձեր. եւ սրբիցիք եւ սուրբք լինիցիք, զի սուրբ եմ ես Տէր Աստուած ձեր՝՝. եւ մի՛ պղծիցէք զանձինս ձեր ամենայն զեռնովք որ շարժիցին ի վերայ երկրի։

ՂԵՒՏԱԿԱՆ 11:45

Զի ես եմ Տէր Աստուած որ հանի զձեզ յերկրէն Եգիպտացւոց լինել ձեզ Աստուած, եւ եղիջիք սուրբք, զի ես սուրբ եմ։

ՂԵՒՏԱԿԱՆ 19:2

Խօսեաց ընդ ժողովրդեան որդւոցն Իսրայելի եւ ասասցես ցնոսա. Սուրբ եղերուք, զի ես սուրբ եմ Տէր Աստուած ձեր։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:4

Բայց որ ինչ գրեցաւն՝ ի մեր վարդապետութիւն գրեցաւ, զի համբերութեամբ եւ մխիթարութեամբ գրոց զյոյսն ընկալցուք։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 4:8

Երանեալ է այր որում ոչ համարեսցի Տէր զմեղս նորա։

ԵՐԿՐՈՐԴՈՒՄՆ ՕՐԻՆԱՑ 3:24

Տէր, Տէր, դու սկսար ցուցանել ծառայի քում զսաստկութիւն քո եւ զզօրութիւն քո, զձեռն հզօր եւ զբազուկ բարձր. քանզի ո՞վ է Աստուած յերկինս կամ յերկրի որ առնիցէ որպէս դու արարեր ըստ՝՝ զօրութեան քում։

ԵՐԿՐՈՐԴՈՒՄՆ ՕՐԻՆԱՑ 32:20

եւ ասաց. Դարձուցից զերեսս իմ ի նոցանէ, եւ ցուցից նոցա՝՝ զինչ լինելոց իցէ ի վախճանի աւուրց՝՝. զի ազգ թեւր են, որդիք՝ յորս ոչ գոն հաւատք.

ԵՐԿՐՈՐԴՈՒՄՆ ՕՐԻՆԱՑ 32:39

Տեսէք, տեսէք զի ես եմ, եւ չիք այլ ոք՝՝ բաց յինէն. ես սպանանեմ եւ ես կեցուցանեմ, հարկանեմ եւ բժշկեմ, եւ ոչ ոք իցէ որ հանիցէ ի ձեռաց իմոց։

ԵՐԿՐՈՐԴՈՒՄՆ ՕՐԻՆԱՑ 32:4

Աստուած՝ որոյ ճշմարիտ են գործք նորա, եւ ամենայն ճանապարհք նորա իրաւամբք, Աստուած հաւատարիմ է եւ ոչ գոյ ի նմա անիրաւութիւն, արդար եւ անարատ է Տէր։

ԵՐԿՐՈՐԴՈՒՄՆ ՕՐԻՆԱՑ 4:35

Զի գիտասցես թէ Տէր նա է Աստուած, եւ չիք այլ ոք բաց ի նմանէ։

ԵՐԿՐՈՐԴՈՒՄՆ ՕՐԻՆԱՑ 4:39

Եւ ծանիցես այսօր եւ դարձցիս մտօք, զի Տէր Աստուած քո՝՝, նա է Աստուած յերկինս ի վեր եւ յերկիր ի խոնարհ եւ չիք այլ ոք բաց ի նմանէ։

ՊԵՏՐՈՍԻ ԱՌԱՋԻՆ՝՝ 1:16

Վասն որոյ գրեալ է եթէ՝ Եղերուք սուրբ, զի ես սուրբ եմ։