ԹԱԳԱՒՈՐՈՒԹԵԱՆՑ ԱՌԱՋԻՆ 16:1 - Գրաբար Աստվածաշունչ (1895)

¹ Եւ ասէ Տէր ցՍամուէլ. Մինչեւ յե՞րբ սուգ առնուս ի վերայ Սաւուղայ. եւ ես անարգեցի զնա չթագաւորել ի վերայ Իսրայելի. լից զեղջեւր քո իւղով, եւ եկ առաքեմ զքեզ առ Յեսսէ մինչեւ ցԲեթղեհեմ՝՝. զի տեսի ես յորդւոցն նորա թագաւորել ինձ ի թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 16:1 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 8:16

Յօրէ յորմէ հանի զժողովուրդ իմ զԻսրայէլ յԵգիպտոսէ՝ ոչ ընտրեցի ի քաղաքի միում ուրեք գաւազանաց Իսրայելի շինել տուն զի լինիցի անուան իմոյ. եւ ընտրեցի զԴաւիթ լինել ի վերայ ժողովրդեան իմոյ Իսրայելի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:1

Եւ Եղիսէ մարգարէ կոչեաց զմի յորդւոց մարգարէիցն եւ ասէ ցնա. Պնդեա զմէջ քո, եւ առ զսրուակ իւղոյս ի ձեռին քում, եւ երթ յՌամովթ Գաղաադ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:3

եւ առցես զսրուակդ իւղոյ, եւ արկցես ի գլուխ նորա եւ ասասցես. Այսպէս ասէ Տէր. Օծի զքեզ թագաւոր ի վերայ Իսրայելի. եւ բացցես զդուռն եւ փախիցես, եւ մի՛ մնասցես։

ԹԱԳԱՒՈՐՈՒԹԵԱՆՑ ՉՈՐՐՈՐԴ 9:6

Եւ յարեաւ եմուտ ի սենեակն, եւ արկ զեւղն ի գլուխ նորա, եւ ասէ ցնա. Այսպէս ասէ Տէր Աստուած Իսրայելի. Օծի զքեզ ի թագաւոր ժողովրդեան Տեառն ի վերայ Իսրայելի.

ՄՆԱՑՈՐԴԱՑ ԱՌԱՋԻՆ 11:3

Եւ եկին ամենայն ծերքն Իսրայելի առ արքայ ի Քեբրոն, եւ եդ արքայ Դաւիթ ուխտ ընդ նոսա ի Քեբրոն առաջի Տեառն. եւ օծին զԴաւիթ թագաւոր ի վերայ Իսրայելի, ըստ բանին Տեառն զոր խօսեցաւ ի ձեռն Սամուելի։

ՄՆԱՑՈՐԴԱՑ ԱՌԱՋԻՆ 28:4

Եւ ընտրեաց Տէր Աստուած յամենայն ազգաց զԻսրայէլ, եւ յամենայն Իսրայելէ՝ ընտրեաց զՅուդաս, կանգնել զթագաւորութիւն իւր յաւիտեան՝՝. եւ ի տանէն Յուդայ ընտրեաց զտուն հօր իմոյ, եւ յորդւոց հօր իմոյ կամեցաւ զիս լինել թագաւոր ի վերայ ամենայն Իսրայելի։

ՄԱՐԳԱՐԷՈՒԹԻՒՆ ԵՍԱՅԵԱՅ 11:1

Եւ բղխեսցէ գաւազան յարմատոյն Յեսսեայ, եւ ելցէ ծաղիկ յարմատոյ անտի։

ՄԱՐԳԱՐԷՈՒԹԻՒՆ ԵՍԱՅԵԱՅ 11:10

Եւ եղիցի յաւուր յայնմիկ արմատն Յեսսեայ, եւ որ կանգնելոցն է՝ իշխան հեթանոսաց, ի նա հեթանոսք յուսասցին. եւ եղիցի հանգիստ նորա պատուով։

ՄԱՐԳԱՐԷՈՒԹԻՒՆ ԵՍԱՅԵԱՅ 55:4

Ահաւասիկ ի վկայութիւն հեթանոսաց ետու զնա, իշխան եւ հրամանատար ազգաց։

ՄԱՐԳԱՐԷՈՒԹԻՒՆ ԵՐԵՄԵԱՅ 11:14

Եւ դու մի՛ կար յաղօթս վասն ժողովրդեանդ այդորիկ, եւ մի՛ աղաչեր վասն դոցա խնդրուածովք եւ պաղատիր. զի ոչ լսեմ ի ժամանակի յորում կարդասցեն առ իս, ի ժամանակի չարեաց իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 15:1

Եւ ասէ ցիս Տէր. Եթէ կացցեն Մովսէս եւ Սամուէլ առաջի երեսաց իմոց, ոչ եղիցի անձն իմ ընդ նոսա. ի բաց արձակեա զժողովուրդդ զայդ յերեսաց իմոց, եւ ելցեն։

ՄԱՐԳԱՐԷՈՒԹԻՒՆ ԵՐԵՄԵԱՅ 6:30

Արծաթ խոտան կոչեցէք զնոսա, զի խոտեաց զնոսա Տէր։ Լուարուք զպատգամս Տեառն, ամենայն Հրէաստան։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 7:16

Եւ դու մի՛ կար յաղօթս ի վերայ ժողովրդեանդ այդորիկ, եւ մի՛ խնդրեր ի վերայ դոցա ողորմութիւն, եւ մի՛ աղաչեր, եւ մի՛ անկանիր առաջի իմ վասն դոցա. զի ոչ լսեմ քեզ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:12

Եւ դարձեալ Եսայի ասէ. Եղիցի արմատն Յեսսեայ, եւ որ կանգնելոցն է իշխան հեթանոսաց, ի նա հեթանոսք յուսասցին։

ԱՌ ԵԲՐԱՅԵՑԻՍ ԹՈՒՂԹ 11:32

Եւ արդ զի՞նչ եւս ասացից. զի չէ բաւական ժամանակս պատմելոյ վասն Գեդէոնի, Բարակայ, Սամփսոնի, Յեփթայեայ, Դաւթի եւ Սամուելի եւ այլոց մարգարէիցն.

ՅՈՎՀԱՆՆՈՒ ԱՌԱՋԻՆ՝՝ 5:16

Եթէ ոք տեսցէ զեղբայր իւր մեղուցեալ մեղս որ ոչ առ ի մահ, խնդրեսցէ եւ տացէ նմա կեանս մեղուցելոյն ոչ առ ի մահ. են մեղք որ մահուչափ են, ոչ վասն այնորիկ ասեմ եթէ խնդրեսցես։

ԹԱԳԱՒՈՐՈՒԹԵԱՆՑ ԱՌԱՋԻՆ 10:1

Եւ ա՛ռ Սամուէլ զսրուակն իւղոյ եւ եհեղ ի գլուխ նորա, եւ համբուրեաց զնա եւ ասէ ցնա. Ո՞չ ապաքէն օծ զքեզ Տէր ի վերայ ժառանգութեան իւրոյ իշխան, եւ ի վերայ ժողովրդեան իւրոյ Իսրայելի. եւ դու իշխեսցես ժողովրդեան Տեառն, եւ փրկեսցես զնա ի ձեռաց թշնամեաց իւրոց շուրջանակի. եւ այն եղիցի քեզ նշանակ՝ եթէ Տէր օծ զքեզ։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 15:11

Զղջացեալ եմ զի թագաւորեցուցի զՍաւուղ ի թագաւոր. զի դարձաւ յինէն յետս, եւ զբանս իմ ոչ պահեաց։ Եւ տրտմեցաւ Սամուէլ, եւ գոչեաց Սամուէլ առ Տէր զգիշերն ամենայն։

ԹԱԳԱՒՈՐՈՒԹԵԱՆՑ ԱՌԱՋԻՆ 15:23

Զի հմայք մեղք են, եւ ցաւս եւ աշխատութիւնս ածէ թերափդ ի վերայ՝՝. զի արհամարհեցեր զբան Տեառն, արհամարհեսցէ զքեզ Տէր չլինել թագաւոր ի վերայ Իսրայելի՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 15:26

Եւ ասէ Սամուէլ ցՍաւուղ. Ոչ դարձայց ընդ քեզ. զի արհամարհեցեր զբանն Տեառն, եւ արհամարհեսցէ զքեզ Տէր չլինել թագաւոր ի վերայ Իսրայելի։

ԹԱԳԱՒՈՐՈՒԹԵԱՆՑ ԱՌԱՋԻՆ 15:35

Եւ ոչ եւս յաւել Սամուէլ տեսանել զՍաւուղ մինչեւ յօր մահուան իւրոյ. զի սուգ ունէր Սամուէլ ի վերայ Սաւուղայ. եւ զղջացաւ Տէր զի թագաւորեցոյց զՍաւուղ ի վերայ Իսրայելի։

ԹԱԳԱՒՈՐՈՒԹԵԱՆՑ ԱՌԱՋԻՆ 16:15

Եւ ասեն ցնա ծառայքն իւր. Ահա այս չար ի Տեառնէ խեղդէ զքեզ.

ԹԱԳԱՒՈՐՈՒԹԵԱՆՑ ԱՌԱՋԻՆ 16:23

Եւ լինէր յորժամ հասանէր այսն չար ի վերայ Սաւուղայ, առնոյր Դաւիթ զքնարն եւ նուագէր ձեռամբ իւրով, եւ հանգուցանէր զՍաւուղ, եւ դիւրանայր նմա, եւ մեկնէր ի նմանէ այսն չար։

ԹԱԳԱՒՈՐՈՒԹԵԱՆՑ ԱՌԱՋԻՆ 17:12

Եւ էր այր մի որդի առն Եփրաթացւոյ, եւ նա ի Բեթղեհեմէ Յուդայ, եւ անուն նորա Յեսսէ. եւ էին նորա որդիք ութ. եւ այրն յաւուրս Սաւուղայ ծերացեալ հասեալ յարս։

ԹԱԳԱՒՈՐՈՒԹԵԱՆՑ ԱՌԱՋԻՆ 9:16

եթէ վաղիւ ի սոյն ժամու առաքեցից առ քեզ այր յերկրէն Բենիամինի, եւ օծցես զնա իշխան ի վերայ ժողովրդեան իմոյ Իսրայելի. եւ փրկեսցէ զժողովուրդ իմ ի ձեռաց այլազգեացն. զի հայեցայ ի տառապանս ժողովրդեան իմոյ, քանզի եհաս գոչիւն նոցա առ իս։