ԹԱԳԱՒՈՐՈՒԹԵԱՆՑ ԱՌԱՋԻՆ 15:3 - Գրաբար Աստվածաշունչ (1895)

³ Եւ արդ երթ եւ հարցես զԱմաղէկ եւ զՅարիմ եւ՝՝ զամենայն որ ինչ նորա իցէ. եւ մի՛ ապրեցուցանիցես ի նոցանէ, եւ սատակեսցես զնա եւ կորուսցես յառնէ մինչեւ ցկին եւ ի տղայոյ մինչեւ ցստնդիացն, եւ յարջառոյ մինչեւ ցոչխար եւ յուղտուէ մինչեւ ցէշ։

ԹԱԳԱՒՈՐՈՒԹԵԱՆՑ ԱՌԱՋԻՆ 15:3 Iomraidhean Croise

ԾՆՈՒՆԴՔ 36:12

Եւ Թամնա էր հարճ Եղիփազու որդւոյ Եսաւայ, եւ ծնաւ Եղիփազու զԱմաղէկ. սոքա են որդիք Ադդայի կնոջ Եսաւայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:8

Եւ ասէ ցիս. Ո՞վ ես դու։ Եւ ասեմ. Ամաղեկացի եմ ես։

ԵԼՔ 17:14

Եւ ասէ Տէր ցՄովսէս. Գրեա զայդ առ ի յիշատակ ի գիրս, եւ տուր յականջս Յեսուայ, զի ջնջելով ջնջեցից զյիշատակ Ամաղեկայ յերկրէ ի ներքոյ երկնից։

ԵԼՔ 20:5

Մի՛ երկիր պագանիցես նոցա, եւ մի՛ պաշտեսցես զնոսա. զի ես եմ Տէր Աստուած քո, Աստուած նախանձոտ, որ հատուցանեմ զմեղս հարանց որդւոց, յերիս եւ ի չորս ազգս ատելեաց իմոց։

ԹԻՒՔ 24:20

Եւ տեսեալ զԱմաղէկ, ամբարձեալ զառակս իւր ասէ. Գլուխ ազգաց Ամաղէկ, եւ զաւակ նոցա կորիցէ՝՝։

ԹԻՒՔ 31:17

Եւ արդ կոտորեցէք զամենայն արու յամենայն աղխիդ, եւ զամենայն կին որոյ գիտացեալ է զարութիւն արուի՝ կոտորեցէք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:39

առին զնա եւ զթագաւորն նորա եւ զամենայն զօրս նորա. եւ հարին զնա բերանով սրոյ, եւ սատակեցին զնա եւ զամենայն շնչաւոր որ ի նմա, եւ ոչ թողին եւ ոչ մի ապրեալ. զոր օրինակ արարին ընդ Քեբրոն՝ նոյնպէս արարին ընդ Դաբիր եւ ընդ թագաւորն նորա, եւ որպէս արարին ընդ Լեբնա եւ ընդ թագաւորն նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 14:48

Եւ առնէր զօրութիւնս սաստիկս. եւ եհար զԱմաղէկ, եւ ապրեցոյց զԻսրայէլ ի ձեռաց կոխողաց նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 15:18

եւ առաքեաց զքեզ Տէր ի ճանապարհ, եւ ասէ ցքեզ. Երթ եւ սատակեա զմեղանչականն յիս զԱմաղէկ. եւ տացես ընդ նոսա պատերազմ մինչեւ վախճանեսցես զնոսա.

ԹԱԳԱՒՈՐՈՒԹԵԱՆՑ ԱՌԱՋԻՆ 15:9

Եւ ապրեցոյց Սաւուղ եւ ամենայն ժողովուրդն զԱգագ կենդանի, եւ զընտիրս խաշանց եւ զանդւոց եւ զկերակրոց եւ զայգեաց եւ զամենայն բարութեանց՝՝, եւ ոչ կամեցաւ սատակել զնոսա. եւ զամենայն գործ զանարգ եւ զարհամարհեալ սատակեցին։

ԹԱԳԱՒՈՐՈՒԹԵԱՆՑ ԱՌԱՋԻՆ 22:19

Եւ զՆոմբա քաղաք քահանայիցն եհար սրով սուսերի յառնէ մինչեւ ցկին, ի տղայոյ մինչեւ ցստնդիաց, յարջառոյ եւ յիշոյ մինչեւ ցոչխար՝ բերանով սրոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 27:9

Եւ հարկանէր Դաւիթ զերկիրն, եւ ոչ ապրեցուցանէր զայր եւ զկին. եւ առնոյր հօտս եւ անդեայս եւ էշս եւ ուղտս եւ հանդերձս, եւ դառնայր եւ գայր առ Անքուս։

ԹԱԳԱՒՈՐՈՒԹԵԱՆՑ ԱՌԱՋԻՆ 30:17

Եւ եհաս ի վերայ նոցա Դաւիթ՝՝, եւ եհար զնոսա Դաւիթ յելանելոյ արուսեկին մինչեւ ցերեկոյ եւ ի վաղիւ անդր՝՝, եւ ոչ ապրեցաւ ի նոցանէ այր. բայց միայն պատանեակք չորեքհարեւր հեծան յուղտս եւ փախեան։