ԹԱԳԱՒՈՐՈՒԹԵԱՆՑ ԱՌԱՋԻՆ 13:6 - Գրաբար Աստվածաշունչ (1895)

⁶ Եւ ետես այր Իսրայելի եթէ անձուկ է նմա մերձենալ առ նա՝՝, եւ թաքեաւ ժողովուրդն յայրս եւ ի գոմս եւ ի վէմս եւ ի խորխորատս եւ ի ջրհորս.

ԹԱԳԱՒՈՐՈՒԹԵԱՆՑ ԱՌԱՋԻՆ 13:6 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:14

Եւ ասէ Դաւիթ ցԳադ. Վտանգ է ինձ յամենայն կողմանց՝՝ յոյժ. բայց արդ անկայց ի ձեռս Տեառն, զի բազում են գթութիւնք նորա յոյժ, եւ մի՛ անկայց ի ձեռս մարդոյ։ Եւ ընտրեաց իւր Դաւիթ զմահն. եւ էին աւուրք հնձոց ցորենոյ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 42:22

Եւ տեսի զի եղեւ ժողովուրդն՝՝ յափշտակեալ եւ յաւար մատնեալ. յամենայն ի շտեմարանս որոգայթք, եւ յամենայն ապարանս միանգամայն՝ ուր եւ թաքուցին զնոսա, եղեն ի յափշտակութիւն, եւ ոչ ոք էր որ փրկէր զնոսա. յաւար՝ եւ ոչ ոք էր որ ասէր թէ՝ Տուր ի դուրս։

ՄԱՐԳԱՐԷՈՒԹԻՒՆ ԵՐԵՄԵԱՅ 41:9

Եւ ջրհորն յոր ամաց Իսմայէլ զամենայն մարմինս արանցն զոր կոտորեաց վասն Գոդողեայ, ջրհոր մեծ էր՝՝ զոր արար արքայ Ասա յերեսաց Բաասայ արքայի Իսրայելի. զայն ելից Իսմայէլ որդի Նաթանայ վիրաւորօք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 33:27

Վասն այնորիկ ասա ցնոսա. Այսպէս ասէ Տէր Տէր. Կենդանի եմ ես Տէր, եթէ ոչ որ յաւերակսն իցեն՝ սրով անկցին, եւ որ ընդ երեսս դաշտին իցեն՝ գազանաց անապատի տացին՝՝ ի կերակուր, եւ որ ընդ պարսպօքն եւ յայսր իցեն՝ մահու կոտորեցից.

ԱՌ ՓԻԼԻՊԵՑԻՍ ԹՈՒՂԹ 1:23

Նեղեալ եմ յերկոցունց, զցանկալն ելանել եւ ընդ Քրիստոսի լինել առաւել լաւ համարիմ.

ԱՌ ԵԲՐԱՅԵՑԻՍ ԹՈՒՂԹ 11:38

(զորս ոչ արժէ աշխարհս.) յանապատի մոլորեալք եւ ի լերինս եւ յայրս եւ ի փապարս երկրի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:20

Եւ հայեցեալ բնակչացն Գայեայ ի թիկունս իւրեանց, տեսանէին զի ելանէր ծուխ քաղաքին մինչեւ յերկինս. եւ ոչ եւս ուրեք գոյր նոցա փախուստ այսր կամ անդր. եւ ժողովուրդն որ թաքուցեալ էր յանապատին՝ յարեան ի վերայ հետամտացն։

ԴԱՏԱՒՈՐՔ 10:9

Եւ անցին որդիքն Ամոնայ ընդ Յորդանան տալ պատերազմ ընդ Յուդայ եւ ընդ Բենիամին, եւ ընդ տանն Եփրեմայ. եւ նեղեցան որդիքն Իսրայելի յոյժ։

ԴԱՏԱՒՈՐՔ 20:41

Եւ այր Իսրայելացի դարձաւ անդրէն, եւ տագնապեցաւ այր Բենիամինի. զի տեսին հասեալ ի վերայ նոցա զչարիսն։

ԴԱՏԱՒՈՐՔ 6:2

Եւ զօրացաւ ձեռն Մադիամու ի վերայ Իսրայելի. եւ արարին իւրեանց որդիքն Իսրայելի յերեսաց Մադիամու գոմս ի լերինս եւ յայրս եւ յամուրս՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 13:15

Եւ յարեաւ Սամուէլ եւ գնաց ի Գաղգաղայ զճանապարհ իւր։ Եւ մնացորդք ժողովրդեանն ելին զհետ Սաւուղայ ընդ առաջ պատերազմական ժողովրդեանն։ Եւ ի հասանել նոցա՝՝ ի Գաղգաղայ ի Գաբաա Բենիամինի. եւ հանդէս արար Սաւուղ ժողովրդեանն գտելոյ ընդ նմա, իբրեւ վեց հարիւրոց արանց։

ԹԱԳԱՒՈՐՈՒԹԵԱՆՑ ԱՌԱՋԻՆ 14:11

Եւ մտին երկոքեան ի կիրճս այլազգեացն. եւ ասեն այլազգիքն. Ահա Եբրայեցիքն ելանեն ի ծակուց իւրեանց ուր թաքուցեալ էին։

ԹԱԳԱՒՈՐՈՒԹԵԱՆՑ ԱՌԱՋԻՆ 14:22

Եւ ամենայն Իսրայէլ որ թաքուցեալ էին ի լերինն Եփրեմի, իբրեւ լուան եթէ փախեան այլազգիքն, խմբեցան եւ նոքա եւս զհետ նոցա ի պատերազմ։

ԹԱԳԱՒՈՐՈՒԹԵԱՆՑ ԱՌԱՋԻՆ 23:19

Եւ ելին Զիփացիքն ի մռայլ երկրէն առ Սաւուղ ի բլուրն՝՝, եւ ասեն. Ո՞չ աւանիկ Դաւիթ թաքուցեալ է առ մեզ ի Մասերա յանձուկս նորոյն ի բլուրն Եքեղատու ընդ աջմէ՝՝ Յեսեմոնայ։

ԹԱԳԱՒՈՐՈՒԹԵԱՆՑ ԱՌԱՋԻՆ 24:3

Եւ առ ընդ իւր՝՝ երիս հազարս արանց ընտրելոց յամենայն Իսրայելէ, եւ գնաց խնդրել զԴաւիթ եւ զարս նորա, հանդէպ Ելիմայ որսոյն եղջերուաց՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 31:7

Եւ իբրեւ տեսին արք Իսրայելի որ յայնկոյս հովտացն եւ որ յայնկոյս Յորդանանու, եթէ փախեան արք Իսրայելի, եւ թէ մեռաւ Սաւուղ եւ որդիք նորա, թողին զքաղաքս իւրեանց եւ փախեան, եւ ելին այլազգիքն եւ բնակեցան ի նոսա։

ԹԱԳԱՒՈՐՈՒԹԵԱՆՑ ԱՌԱՋԻՆ 7:7

Եւ լուան այլազգիքն եթէ ժողովեցան որդիքն Իսրայելի ի Մասփա, եւ ելին նախարարք այլազգեացն ի վերայ Իսրայելի. եւ լուան որդիքն Իսրայելի եւ երկեան յերեսաց այլազգեացն։