ԹԱԳԱՒՈՐՈՒԹԵԱՆՑ ԱՌԱՋԻՆ 13:5 - Գրաբար Աստվածաշունչ (1895)

⁵ Եւ այլազգիքն ժողովեալ էին ի պատերազմ ընդ Իսրայելի. եւ ելին ի վերայ Իսրայելի երեսուն հազար կառաց եւ վեց հազար հեծելոց, եւ ժողովուրդն իբրեւ զաւազ առ եզերբ ծովու բազմութեամբ. ելին եւ բանակեցան ի Մաքմաս, յանդիման Բեթորովնայ ընդ հարաւ՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 13:5 Iomraidhean Croise

ԾՆՈՒՆԴՔ 22:17

Այո, օրհնելով օրհնեցից զքեզ, եւ բազմացուցանելով բազմացուցից զզաւակ քո իբրեւ զաստեղս երկնից բազմութեամբ, եւ իբրեւ զաւազ առ ափն ծովու. եւ ժառանգեսցէ զաւակ քո զքաղաքս հակառակորդաց իւրոց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:11

Ես այսպէս տամ քեզ խրատ. ժողովելով ժողովեսցի ամենայն այր Իսրայելի ի Դանայ մինչեւ ցԲերսաբէէ իբրեւ զաւազ առ եզր ծովու բազմութեամբ, եւ քո երեսք երթիցեն ի մէջ նոցա։

ԹԱԳԱՒՈՐՈՒԹԵԱՆՑ ԵՐՐՈՐԴ 20:27

Եւ որդիքն Իսրայելի արարին հանդէս, եւ երկգնդեցան եւ հասին յառաջս նոցա. եւ ճակատեցան որդիքն Իսրայելի ընդդէմ Ասորւոցն իբրեւ երկու երամակք այծից. եւ Ասորիքն լցին զերկիրն։

ՄՆԱՑՈՐԴԱՑ ԵՐԿՐՈՐԴ 1:9

եւ արդ, Տէր Աստուած, հաւատարիմ լիցի անուն քո ի վերայ՝՝ Դաւթի հօր իմոյ. վասն զի դու թագաւորեցուցեր զիս ի վերայ բազում ժողովրդեանս, որ է իբրեւ զհող երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 10:28

Քանզի հասցէ ի քաղաքն Անգէ, եւ անցցէ ի Մակեդդով, եւ՝՝ ի Մաքմաս դիցէ զկազմած իւր։

ՄԱՐԳԱՐԷՈՒԹԻՒՆ ԵՍԱՅԵԱՅ 48:19

Եւ լինէր իբրեւ զաւազ զաւակ քո, եւ ծնունդք որովայնի քո իբրեւ զհող երկրի. սակայն եւ արդ ոչ սատակեսցիս, եւ ոչ կորիցէ անուն քո՝՝ առաջի իմ։

ՄԱՐԳԱՐԷՈՒԹԻՒՆ ԵՐԵՄԵԱՅ 15:8

Բազմացան զինեւ այրիք նոցա քան զաւազ ծովու. ածի ի վերայ նոցա եւ ի վերայ մօրն զերիտասարդս, թշնամութիւն ի միջօրէի արկի զնովաւ. եկն՝՝ յանկարծակի դողումն եւ տագնապ։

ՄԱՐԳԱՐԷՈՒԹԻՒՆ ՈՎՍԵԱՅ 10:5

Եւ եղիցին պանդուխտք՝՝ բնակիչք Շամրնի. զի սուգ առ ժողովուրդ նորա ի վերայ նորա. եւ որպէս դառնացուցին զնա, ոտնհար լիցին՝՝ ի վերայ փառաց նորա. զի գերեցան ի նմանէ։

ՄԱՐԳԱՐԷՈՒԹԻՒՆ ՈՎՍԵԱՅ 4:15

Բայց դու, Իսրայէլ, մի՛ տգէտ լինիր, եւ Յուդա,՝՝ մի՛ մտանէք ի Գաղգաղա, եւ մի՛ ելանէք ի տուն Ովնայ, եւ մի՛ երդնուցուք ի Տէր կենդանի։

ՄԱՐԳԱՐԷՈՒԹԻՒՆ ՈՎՍԵԱՅ 5:8

Փող հարէք ի վերայ բլրոց, գոչեցէք ի վերայ բարձանց. քարոզ կարդացէք ի տուն Ովնայ, թէ՝ Յիմարեցաւ Բենիամին,

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:27

Եսայի աղաղակէ վասն Իսրայելի. Եթէ իցէ թիւ որդւոցն Իսրայելի իբրեւ զաւազ ծովու՝ սակաւ ինչ մնացորդք մնասցեն՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:4

Եւ ելին ինքեանք եւ թագաւորք իւրեանց ընդ նոսա, եւ՝՝ զօր բազում իբրեւ զաւազ առ ափն ծովու բազմութեամբ, եւ երիվարք եւ կառք բազում յոյժ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:12

Եւ եղեն սահմանք նոցա ի հիւսիսոյ Յորդանանու. եւ ամբարձցին սահմանք ի հարաւոյ Երեքոյի ընդ հիւսիսի, եւ ամբարձցին ի լեառնն ընդ ծովակողմն, եւ եղիցին նորա ելք Մաբդարայինն Բեթաւան.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:2

Եւ առաքեաց Յեսու արս յԵրիքովէ ի Գայի որ է յանդիման Բեթելայ, եւ ասէ ցնոսա. Լրտեսեցէք զԳայի՝՝։ Եւ ելին արքն եւ լրտեսեցին զԳայի։

ԴԱՏԱՒՈՐՔ 7:12

Եւ Մադիամ եւ Ամաղէկ եւ ամենայն որդիքն արեւելեայց բանակեալ էին ի ծործորսն իբրեւ զմարախ բազմութեամբ. եւ ուղտուց նոցա ոչ գոյր թիւ, այլ էին իբրեւ զաւազ առ եզերբ ծովու բազմութեամբ։

ԹԱԳԱՒՈՐՈՒԹԵԱՆՑ ԱՌԱՋԻՆ 13:11

Եւ ասէ Սամուէլ. Զի՞նչ գործեցեր։ Եւ ասէ Սաւուղ. Զի տեսի թէ ցրուեցաւ ժողովուրդ իմ յինէն, եւ դու ոչ եկիր որպէս ուխտեցեր ի վկայութեան՝՝ աւուրցն, եւ այլազգիքն ժողովեցան ի Մաքմաս,

ԹԱԳԱՒՈՐՈՒԹԵԱՆՑ ԱՌԱՋԻՆ 13:2

Եւ ընտրեաց իւր Սաւուղ երիս հազարս արս յարանցն Իսրայելի. եւ էին ընդ նմա երկու հազարք ի Մաքմաս եւ ի լերինն Բեթելայ, էին ընդ Յովնաթանու հազար ի Գաբաա Բենիամինի. եւ զմնացորդս ժողովրդեանն արձակեաց յիւրաքանչիւր բնակութիւնս։

ԹԱԳԱՒՈՐՈՒԹԵԱՆՑ ԱՌԱՋԻՆ 14:23

Եւ փրկեաց Տէր յաւուր յայնմիկ զԻսրայէլ, եւ պատերազմն պատեցաւ զԲեթաւանաւ։

ԹԱԳԱՒՈՐՈՒԹԵԱՆՑ ԱՌԱՋԻՆ 14:52

Եւ էր պատերազմ սաստիկ ընդ այլազգիսն զամենայն աւուրս Սաւուղայ. եւ տեսեալ Սաւուղայ զամենայն զօրաւոր եւ զամենայն որդի զօրութեան, ժողովեաց զնոսա առ ինքն։

ԹԱԳԱՒՈՐՈՒԹԵԱՆՑ ԱՌԱՋԻՆ 17:1

Եւ ժողովեցին այլազգիքն զբանակս իւրեանց ի պատերազմ, եւ գումարեցան ի Սոկքով Հրէաստանի. եւ բանակեցան ընդ Սոկքով եւ ընդ Ազեկայ յԱփեսդոմին։

ԹԱԳԱՒՈՐՈՒԹԵԱՆՑ ԱՌԱՋԻՆ 7:13

Եւ կորացոյց Տէր զայլազգիսն. եւ ոչ եւս յաւելին ելանել ի վերայ սահմանացն Իսրայելի. եւ եղեւ ձեռն Տեառն ի վերայ այլազգեացն զամենայն աւուրս Սամուելի։