ԹԱԳԱՒՈՐՈՒԹԵԱՆՑ ԱՌԱՋԻՆ 13:4 - Գրաբար Աստվածաշունչ (1895)

⁴ Եւ լուան ամենայն Իսրայէլ, ասեն՝ եթէ եհար Սաւուղ զՆասիբ այլազգի եւ յամօթ արար Իսրայէլ զայլազգիսն. եւ գոչեաց՝՝ ժողովուրդն զհետ Սաւուղայ ի Գաղգաղա։

ԹԱԳԱՒՈՐՈՒԹԵԱՆՑ ԱՌԱՋԻՆ 13:4 Iomraidhean Croise

ԾՆՈՒՆԴՔ 34:30

Եւ ասէ Յակոբ ցՇմաւոն եւ ցՂեւի. Ատելի արարէք զիս, երեւել անզգամ ամենայն՝՝ բնակչաց երկրիս ի մէջ Քանանացւոց եւ Փերեզացւոց. եւ ես սակաւաւոր եմ թուով, արդ եթէ ժողովիցին ի վերայ իմ եւ հարկանիցեն զիս, սատակելով սատակիցիմ ե՛ւ ես ե՛ւ տուն իմ։

ԾՆՈՒՆԴՔ 46:34

ասասջիք եթէ, Արք խաշնադարմանք եմք ծառայք քո ի մանկութենէ մինչեւ ցայժմ, ե՛ւ մեք ե՛ւ հարք մեր. զի բնակիցէք յերկրին Գեսեմ. քանզի գարշելի է Եգիպտացւոց ամենայն հովիւ խաշանց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:6

Եւ տեսին որդիքն Ամոնայ եթէ ամօթ արարին ժողովրդեանն՝՝ Դաւթի, առաքեցին որդիքն Ամոնայ եւ ի վարձու կալան զԱսորիս Ռովբայ եւ զԱսորիս Սուբայ քսան հազար հետեւակաց, եւ զարքայն Ամաղեկայ հազար արամբք, եւ ի Ստովբայ երկոտասան հազար արանց։

ԵԼՔ 5:21

Եւ ասեն ցնոսա. Տեսցէ Աստուած եւ դատեսցի զձեզ. զի գարշեցուցէք զհոտ մեր առաջի փարաւոնի եւ առաջի ծառայից նորա, տալ սուր ի ձեռս նորա կոտորել զմեզ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 11:8

Եւ բարձից՝՝ զերիս հովիւսն ի միում ամսեան, եւ ծանրասցի անձն իմ ի վերայ նոցա. քանզի եւ անձինք նոցա գոչէին ի վերայ իմ՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:9

Եւ ասէ Տէր ցՅեսու. Յաւուր յայսմիկ բարձի զնախատինս Եգիպտացւոց ի ձէնջ։ Եւ կոչեաց զանուն տեղւոյն այնորիկ Գաղգաղա մինչեւ ցայսօր.

ԹԱԳԱՒՈՐՈՒԹԵԱՆՑ ԱՌԱՋԻՆ 10:8

Եւ իջցես յառաջ քան զիս ի Գաղգաղա. եւ ահա ես իջից առ քեզ մատուցանել ողջակէզս եւ զոհս խաղաղականս. զեւթն օր դադարեսցես մինչեւ եկից առ քեզ, եւ իմացուցից քեզ զոր ինչ առնիցես։

ԹԱԳԱՒՈՐՈՒԹԵԱՆՑ ԱՌԱՋԻՆ 27:12

Եւ հաւատաց Անքուս Դաւթի յոյժ, եւ ասէ. Ամաչելով ամաչէ՝՝ ի ժողովրդենէ իւրմէ յԻսրայելէ, եւ եղիցի ինձ ծառայ յաւիտեան։