ԹԱԳԱՒՈՐՈՒԹԵԱՆՑ ԱՌԱՋԻՆ 10:3 - Գրաբար Աստվածաշունչ (1895)

³ Եւ երթիցես անտի եւս անդր, եւ հասցես մինչեւ ի կաղնին Դեբովրայ, եւ գտցես անդ երիս արս որ ելանիցեն առ Աստուած ի Բեթէլ. միոյն բարձեալ ուլս երիս, եւ միոյն բարձեալ երիս ամանս հացի, եւ միոյն բարձեալ տիկ մի գինւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 10:3 Iomraidhean Croise

ԾՆՈՒՆԴՔ 28:19

Եւ կոչեաց Յակոբ զանուն տեղւոյն այնորիկ Տուն Աստուծոյ՝՝. եւ յառաջ անուն էր քաղաքին այնորիկ Լուզա։

ԾՆՈՒՆԴՔ 28:22

Եւ վէմս զոր կանգնեցի արձան՝ եղիցի ինձ Տուն Աստուծոյ. եւ յամենայնէ զոր տացես ինձ՝ տաց քեզ տասանորդս։

ԾՆՈՒՆԴՔ 35:1

Եւ ասէ Աստուած ցՅակոբ. Արի ել ի տեղին ի Բեթէլ, եւ անդ բնակեսցես, եւ արասցես անդ սեղան Աստուծոյ որ երեւեցաւն քեզ ի փախչելն քո յերեսաց Եսաւայ եղբօր քո։

ԾՆՈՒՆԴՔ 35:3

Եւ յարուցեալ ելցուք ի Բեթէլ, եւ արասցուք անդ սեղան Աստուծոյ, որ լուաւ ինձ յաւուր նեղութեան, որ էր ընդ իս եւ ապրեցոյց զիս ի ճանապարհին՝ զոր գնացի։

ԳԻՐՔ ՍԱՂՄՈՍԱՑ 89:12

Այսպէս ցոյց ինձ զաջ քո, եւ որ խոնարհ են սրտիւք՝ զիմաստութիւնս քո՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 32:8

Եւ եկն առ իս Անամայէլ որդի Սեղովմայ հօրեղբօր իմոյ՝ ըստ բանի Տեառն ի սրահ բանտին եւ ասէ ցիս. Ստացիր զագարակն իմ որ է յԱնաթովթ յերկրին Բենիամինի, զի քեզ պարտ է ստանալ զժառանգութիւնն, եւ դու իսկ երիցագոյն ես՝՝. եւ գիտացի՝ թէ բան Տեառն է։

ՂԵՒՏԱԿԱՆ 1:10

Ապա թէ յոչխարաց իցէ պատարագն Տեառն, ի գառանց եւ յուլոց՝՝ յողջակէզ, արու անարատ մատուցանիցէ զնա։

ՂԵՒՏԱԿԱՆ 23:13

եւ զզոհն իւր երկուս տասանորդս ի նաշհոյ զանգելոյ իւղով, զոհ Տեառն ի հոտ անուշից Տեառն. եւ նուէր նորա՝ չորրորդ մասն դորակի գինւոյ.

ՂԵՒՏԱԿԱՆ 3:12

Իսկ եթէ յայծեաց իցէ պատարագն իւր, մատուսցէ առաջի Տեառն.

ՂԵՒՏԱԿԱՆ 3:6

Ապա թէ յօդեաց իցէ պատարագ նորա զոհ փրկութեան Տեառն, արու կամ էգ, անարատ մատուսցէ զայն։

ՂԵՒՏԱԿԱՆ 7:13

Բաղարջ հացիւ մատուսցէ զպատարագն իւր ի վերայ զոհին գոհութեան փրկութեան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:12

եւ դարձցին ի Սարիդա դէմ յանդիման յարեւելից Բեթսամեայ, ի սահմանս Քասաղովթ Թաբովրայ, եւ անցցեն ի Դաբարաթ, եւ ամբարձցին առ Յաբագայիւ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:22

եւ կցեսցին սահմանքն ի Թաբովր եւ ի Կասիմ ընդ ծովակողմն՝՝, եւ ի Բեթսամիւս. եւ եղիցին ելք սահմանաց նոցա Յորդանան. քաղաքք վեշտասան եւ աւանք նոցա։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:23

Եւ ելին որդիքն Իսրայելի եւ լացին առաջի Տեառն մինչեւ ցերեկոյ. եւ հարցին զՏէր եւ ասեն. Եթէ յաւելցո՞ւք մարտնչել ի պատերազմ ընդ Բենիամինի եղբօր մերում։ Եւ ասէ Տէր. Ելէք ի վերայ նոցա։

ԴԱՏԱՒՈՐՔ 20:27

քանզի անդ էր տապանակ ուխտին Տեառն Աստուծոյ յաւուրսն յայնոսիկ. եւ Փենեէս որդի Եղիազարու որդւոյ Ահարոնի կայր առաջի նորա յաւուրսն յայնոսիկ։

ԴԱՏԱՒՈՐՔ 4:12

Եւ ազդ եղեւ Սիսարայ եթէ ել Բարակ որդի Աբինէեմայ ի լեառն Թաբովր։

ԴԱՏԱՒՈՐՔ 4:6

Եւ առաքեաց Դեբովրա եւ կոչեաց զԲարակ զորդի Աբինէեմայ ի Կադեսայ Նեփթաղիմի, եւ ասէ ցնա. Ո՞չ ապաքէն հրաման ետ քեզ Տէր Աստուած Իսրայելի, եւ երթիցես՝՝ ի լեառն Թաբովր, եւ առցես ընդ քեզ տասն հազար արանց յորդւոցն Նեփթաղիմայ եւ յորդւոցն Զաբուղոնի.

ԴԱՏԱՒՈՐՔ 8:18

Եւ ասէ ցԶեբէէ եւ զՍաղմանա. Ո՞ւր են՝՝ արքն զորս կոտորեցէք ի Թաբովր։ Եւ ասեն. Որպէս դու, նոյնպէս եւ նոքա նման քեզ, եւ դու նման նոցա,՝՝ իբրեւ զտեսիլ որդւոց թագաւորի։

ԹԱԳԱՒՈՐՈՒԹԵԱՆՑ ԱՌԱՋԻՆ 10:4

Եւ հարցցեն զքէն ի խաղաղութիւն, եւ տացեն քեզ երկուս պտուղս հացի՝՝, եւ առցես ի ձեռաց նոցա։