ՊԵՏՐՈՍԻ ԱՌԱՋԻՆ՝՝ 4:16 - Գրաբար Աստվածաշունչ (1895)

¹⁶ Ապա եթէ իբրեւ զքրիստոնեայ՝ մի՛ ամաչեսցէ, այլ փառաւոր առնիցէ զԱստուած անուամբս այսուիկ՝՝։

ՊԵՏՐՈՍԻ ԱՌԱՋԻՆ՝՝ 4:16 Iomraidhean Croise

ՄԱՐԳԱՐԷՈՒԹԻՒՆ ԵՍԱՅԵԱՅ 24:15

Վասն այսորիկ փառք Տեառն ի կղզիս ծովու, եւ անուն Տեառն փառաւոր եղիցի։ Տէր Աստուած Իսրայելի,

ՄԱՐԳԱՐԷՈՒԹԻՒՆ ԵՍԱՅԵԱՅ 50:7

Եւ Տէր Տէր՝՝ եղեւ իմ օգնական. վասն այնորիկ ոչ ամաչեցի, այլ արարի զդէմս իմ իբրեւ զվէմ հաստատուն. եւ գիտացի թէ ոչ ամաչեցից.

ՄԱՐԳԱՐԷՈՒԹԻՒՆ ԵՍԱՅԵԱՅ 54:4

Մի՛ երկնչիցիս, զի յամօթ արարին զքեզ, մի՛ պատկառեսցես, զի նախատեցին զքեզ. զի զամօթն յաւիտենից՝՝ մոռասցիս, եւ նախատինք այրութեան քո ոչ եւս յուշ լիցին քեզ։

ԳՈՐԾՔ ԱՌԱՔԵԼՈՑ 11:26

Եւ եղեւ նոցա զամն ողջոյն ժողովել յեկեղեցին եւ ուսուցանել ժողովուրդ բազում, եւ անուանել նախ յԱնտիոք զաշակերտեալսն Քրիստոնեայս։

ԳՈՐԾՔ ԱՌԱՔԵԼՈՑ 26:28

Եւ ասէ Ագրիպպաս ցՊաւղոս. Փոքու իմն հաւանեցուցանես զիս լինել քրիստոնեայ։

ԳՈՐԾՔ ԱՌԱՔԵԼՈՑ 28:22

Բայց աղաչեմք ի քէն լսել թէ զինչ խորհիցիս. զի վասն հերձուածոյդ այդորիկ յայտ իսկ է մեզ, զի ամենայն ուրեք հակառակութիւն կրէ։

ԳՈՐԾՔ ԱՌԱՔԵԼՈՑ 5:41

Եւ նոքա գնացին խնդալով յերեսաց ատենին, զի վասն անուանն արժանի եղեն անարգելոյ։

ԱՌ ՓԻԼԻՊԵՑԻՍ ԹՈՒՂԹ 1:20

ըստ ակնկալութեան եւ յուսոյն իմոյ, զի մի՛ իւիք յամօթ եղէց, այլ ամենայն համարձակութեամբ, որպէս յամենայն ժամ եւ այժմ, մեծասցի Քրիստոս ի մարմնի իմում, եթէ՛ կենօք եւ եթէ՛ մահու։

ԱՌ ՓԻԼԻՊԵՑԻՍ ԹՈՒՂԹ 1:29

Եւ այդ յԱստուծոյ է, որ ձեզ շնորհեցաւ վասն Քրիստոսի, ոչ միայն ի նա հաւատալ, այլ եւ վասն նորա չարչարել։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:12

Վասն որոյ եւ զայս չարչարանս կրեմ, այլ ոչինչ ամօթ համարիմ, քանզի գիտեմ յո հաւատացեալն եմ, եւ հաստատեալ եմ թէ կարող է զաւանդն իմ պահել յօրն յայն։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:7

Ո՞չ նոքա հայհոյեն զբարւոք անունն որ կոչեցեալ է ի վերայ ձեր։

ՊԵՏՐՈՍԻ ԱՌԱՋԻՆ՝՝ 2:12

զվարս ձեր ի մէջ հեթանոսաց պարկեշտս ցուցանել, զի որով բամբասիցեն զձեզ իբրեւ զչարագործս, ի բարւոք գործոցն ձերոց դիտեալ՝ փառաւոր առնիցեն զԱստուած յաւուրն այցելութեան։

ՊԵՏՐՈՍԻ ԱՌԱՋԻՆ՝՝ 4:11

Եթէ ոք խօսիցի, իբրեւ զԱստուծոյ պատգամս. եթէ ոք մատակարարիցէ, իբրեւ ի զօրութենէ զոր շնորհէ Աստուած. զի յամենայնի փառաւորեսցի Աստուած ի ձեռն Յիսուսի Քրիստոսի. որում փառք եւ զօրութիւն յաւիտեանս յաւիտենից։ Ամէն։

ՊԵՏՐՈՍԻ ԱՌԱՋԻՆ՝՝ 4:14

Իսկ եթէ նախատիցիք եւս վասն անուանն Քրիստոսի, երանելի էք. զի փառացն եւ զօրութեան՝՝ անուն եւ Աստուծոյ Հոգին ի վերայ ձեր հանգուցեալ է։

ՊԵՏՐՈՍԻ ԱՌԱՋԻՆ՝՝ 4:19

Որպէս զի որ չարչարիցին ըստ Աստուծոյ կամացն՝ հաւատարիմ Հաստչին աւանդեսցեն զիւրեանց ոգիս բարերարութեամբք։