ՊԵՏՐՈՍԻ ԱՌԱՋԻՆ՝՝ 3:10 - Գրաբար Աստվածաշունչ (1895)

¹⁰ Զի որ կամիցի զկեանս սիրել եւ տեսանել աւուրս բարութեան, լռեցուսցէ զլեզու իւր ի չարութենէ, եւ զշրթունս իւր ի չխօսելոյ զնենգութիւն.

ՊԵՏՐՈՍԻ ԱՌԱՋԻՆ՝՝ 3:10 Iomraidhean Croise

ԳԻՐՔ ՅՈԲԱՅ 2:4

Կրկնեաց անդրէն Սատանայ եւ ասէ ցՏէր. Մորթ ընդ մորթոյ, եւ որ ինչ իցէ մարդոյ՝ ընդ անձին իւրոյ տուժեսցի.

ԳԻՐՔ ՅՈԲԱՅ 33:28

Փրկեաց զանձն իմ զի մի՛ մտցէ յապականութիւն. եւ կեանք իմ տեսցեն զլոյս։

ԳԻՐՔ ՅՈԲԱՅ 9:25

Այլ իմ կեանք թեթեւագոյն են քան զսուրհանդակ, փախեան եւ ոչ երեւեցան։

ԳԻՐՔ ՍԱՂՄՈՍԱՑ 106:5

Քաղցեան եւ ծարաւեցան, եւ անձինք նոցա ի նոսին նուաղեցան։

ԳԻՐՔ ՍԱՂՄՈՍԱՑ 49:19

Բերան քո յաճախէր զչարութիւն, եւ լեզու քո նիւթէր զնենգութիւն։

ԱՌԱԿՔ ՍՈՂՈՄՈՆԻ 3:18

Փայտ կենաց է ամենեցուն որ պատսպարին ի նա, եւ որ յենուն ի նա իբրեւ ի Տէր հաստատութեամբ։

ԱՌԱԿՔ ՍՈՂՈՄՈՆԻ 3:2

զի ընդերկարութիւն կենաց եւ ամք կենդանութեան եւ խաղաղութիւն յաւելցին քեզ։

ԱՌԱԿՔ ՍՈՂՈՄՈՆԻ 4:22

քանզի կեանք են որոց գտանեն զնոսա, եւ ամենայն մսեղւոյ՝ բժշկութիւն։

ԱՌԱԿՔ ՍՈՂՈՄՈՆԻ 8:35

Զի ելք իմ են ելք կենաց, եւ պատրաստին կամք իմ՝՝ ի Տեառնէ։

ԺՈՂՈՎՕՂ 2:3

Եւ խորհեցայ թէ սիրտ իմ ձգեսցէ իբրեւ զգինի՝՝ զմարմին իմ. եւ սիրտ իմ առաջնորդեաց իմաստութեամբ, եւ զօրանալ յուրախութեան՝՝, մինչեւ տեսից ո՛ր իցէ բարին որդւոց մարդկան զոր արասցեն ի ներքոյ արեգական ի թիւ աւուրց կենաց իւրեանց։

Մատթեոսի Աւետարան 19:17

Եւ նա ասէ ցնա. Զի՞ հարցանես զիս զբարւոյ, մի է բարի՝՝. եթէ կամիս ի կեանսն յաւիտենականս մտանել՝՝, պահեա զպատուիրանսն։

ԱՒԵՏԱՐԱՆ ԸՍՏ ՄԱՐԿՈՍԻ 8:35

Զի որ կամիցի ապրեցուցանել զանձն իւր՝ կորուսցէ զնա. եւ որ կորուսցէ զանձն իւր վասն աւետարանին՝ ապրեցուսցէ զնա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:47

Իբրեւ ետես Յիսուս զՆաթանայէլ զի գայր առ նա, ասէ վասն նորա. Ահա արդարեւ Իսրայելացի յորում նենգութիւն ոչ գոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:25

Որ սիրէ զանձն իւր՝ արձակէ զնա. եւ որ ատեայ զանձն իւր յաշխարհիս յայսմիկ՝ ի կեանսն յաւիտենականս պահեսցէ զնա։

ԵՐԿՐՈՐԴՈՒՄՆ ՕՐԻՆԱՑ 32:47

Զի ոչ եթէ բան ինչ ընդունայն իցէ ձեզ. զի սա է կեանք ձեր, եւ վասն այսր բանի երկայնօրեայք լինիցիք ի վերայ երկրին յոր դուք անցանէք ընդ Յորդանան ժառանգել զնա։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:26

Եթէ ոք կամիցի կրօնաւոր լինել եւ ոչ սանձահարիցէ զլեզու իւր, այլ զբաղեցուցանիցէ զսիրտն իւր, այնպիսւոյն վայրապար է կրօնաւորութիւնն։

ՊԵՏՐՈՍԻ ԱՌԱՋԻՆ՝՝ 2:1

Ի բաց թօթափել այսուհետեւ զամենայն չարութիւն եւ զամենայն նենգութիւն եւ զկեղծաւորութիւնս եւ զնախանձ եւ զամենայն չարախօսութիւն,

ՊԵՏՐՈՍԻ ԱՌԱՋԻՆ՝՝ 2:22

որ ոչն արար մեղս եւ ոչ գտաւ նենգութիւն ի բերան նորա.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 14:5

Եւ ի բերան նոցա ոչ գտաւ սուտ, զի անբիծք են։