ՊԵՏՐՈՍԻ ԱՌԱՋԻՆ՝՝ 2:23 - Գրաբար Աստվածաշունչ (1895)

²³ որ բամբասեալ, եւ ոչ փոխարէն բամբասէր. չարչարեալ, եւ ոչ պահէր սպառնալիս, բայց իրաւամբք մատնէր դատաւորին՝՝.

ՊԵՏՐՈՍԻ ԱՌԱՋԻՆ՝՝ 2:23 Iomraidhean Croise

ԾՆՈՒՆԴՔ 18:25

Քաւ լիցի քեզ առնել զայն բան. սպանանել զարդարն ընդ ամպարշտի, եւ լինիցի արդարն իբրեւ զամպարիշտն. քաւ լիցի քեզ որ դատիս զամենայն երկիր, մի՛ արասցես զայն դատաստան։

ԳԻՐՔ ՍԱՂՄՈՍԱՑ 31:5

Զմեղս իմ ցուցից քեզ, եւ զանօրէնութիւնս իմ ոչ ծածկեցից ի քէն. ասացի թէ՝ Պատմեցից ինձէն զմեղս իմ՝՝, եւ դու թողցես զամենայն ամպարշտութիւնս մեղաց իմոց։ Հանգիստ։

ԳԻՐՔ ՍԱՂՄՈՍԱՑ 37:5

Անօրէնութիւնք իմ բարձրացան քան զգլուխ իմ, որպէս բեռն ծանր ծանրացան ի վերայ իմ։

ԳԻՐՔ ՍԱՂՄՈՍԱՑ 7:11

Յիրաւի է օգնութիւն ինձ յԱստուծոյ, որ ապրեցուցանէ զայնոսիկ՝ որ ուղիղ են սրտիւք։

ՄԱՐԳԱՐԷՈՒԹԻՒՆ ԵՍԱՅԵԱՅ 53:7

եւ նա առ վշտին՝՝ ոչ բանայ զբերան իւր. իբրեւ ոչխար ի սպանդ վարեցաւ, եւ իբրեւ որոջ առաջի կտրչի անմռունչ կայ, այնպէս ոչ բանայ զբերան իւր։

ԱՒԵՏԱՐԱՆ ԸՍՏ ՂՈՒԿԱՍՈՒ 23:41

Եւ մեք յիրաւի, զի արժանի որոց գործեցաքն՝ առնումք զհատուցումն. եւ սա ապիրատ ինչ ոչ գործեաց։

ԱՒԵՏԱՐԱՆ ԸՍՏ ՂՈՒԿԱՍՈՒ 23:46

Եւ կարդաց Յիսուս ի ձայն մեծ եւ ասէ. Հայր, ի ձեռս քո աւանդեմ զհոգի իմ։ Զայս իբրեւ ասաց, եհան զոգի։

ԱՒԵՏԱՐԱՆ ԸՍՏ ՂՈՒԿԱՍՈՒ 23:9

Հարցանէր զնա բանիւք բազմօք. եւ նա ոչինչ ետ նմա պատասխանի։

ԳՈՐԾՔ ԱՌԱՔԵԼՈՑ 17:31

Քանզի հաստատեաց օր յորում պարտ է դատել զաշխարհս արդարութեամբ ի ձեռն առնն որով սահմանեաց տալ հաւատս ամենեցուն՝ յարուցեալ զնա ի մեռելոց։

ԳՈՐԾՔ ԱՌԱՔԵԼՈՑ 4:29

Եւ արդ, Տէր, հայեաց ի սպառնալիս նոցա, եւ տուր ծառայից քոց ամենայն համարձակութեամբ խօսել զբանն քո.

ԳՈՐԾՔ ԱՌԱՔԵԼՈՑ 7:59

Եդ ծունր, եւ աղաղակեաց ի ձայն բարձր. Տէր, մի՛ համարիր դոցա զայս մեղս։ Եւ զայս իբրեւ ասաց, ննջեաց. եւ Սաւղոս էր կամակից սպանման նորա։

ԳՈՐԾՔ ԱՌԱՔԵԼՈՑ 9:1

Իսկ Սաւղոս տակաւին լցեալ սպառնալեօք եւ սպանմամբ աշակերտացն Տեառն՝՝, մատուցեալ առ քահանայապետն՝

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:5

Այլ ըստ խստութեան քում եւ ըստ անզեղջ սրտի՝ գանձես անձին քում բարկութիւն յաւուր բարկութեան եւ յայտնութեան արդար դատաւորութեանն Աստուծոյ.

ԱՌ ԵՓԵՍԱՑԻՍ ԹՈՒՂԹ 6:9

Եւ դուք, տեարք, զնոյն առնիջիք առ նոսա, ներելով առնել զպատուհասն, գիտասջիք թէ ե՛ւ նոցա ե՛ւ ձեր Տէր գոյ յերկինս. եւ ակնառութիւն ոչ գոյ առաջի նորա։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 1:5

յօրինակ արդար դատաստանին Աստուծոյ, արժանի լինել ձեզ արքայութեանն Աստուծոյ, վասն որոյ եւ զճգնութիւնդ կրէք.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 1:12

Վասն որոյ եւ զայս չարչարանս կրեմ, այլ ոչինչ ամօթ համարիմ, քանզի գիտեմ յո հաւատացեալն եմ, եւ հաստատեալ եմ թէ կարող է զաւանդն իմ պահել յօրն յայն։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:8

Այսուհետեւ կայ մնայ ինձ արդարութեան պսակն, զոր հատուսցէ ինձ Տէր յաւուր յայնմիկ արդարն Դատաւոր, ոչ միայն ինձ, այլ եւ ամենեցուն որ սիրեցին զյայտնութիւն նորա։

ԱՌ ԵԲՐԱՅԵՑԻՍ ԹՈՒՂԹ 12:3

Աղէ ածէք զմտաւ, որ զայսպիսի համբերութիւն ի մեղաւորաց հակառակութենէ անտի կրեաց, զի մի՛ աշխատք լինիցիք անձամբք ձերովք եւ լքանիցիք։

ՊԵՏՐՈՍԻ ԱՌԱՋԻՆ՝՝ 3:9

Մի՛ չար փոխանակ չարի հատուցանել, կամ բամբասանս ընդ բամբասանաց. այլ զնորին հակառակն օրհնել, զի յայս իսկ կոչեցարուք, զի զօրհնութիւնն ժառանգիցէք։

ՊԵՏՐՈՍԻ ԱՌԱՋԻՆ՝՝ 4:19

Որպէս զի որ չարչարիցին ըստ Աստուծոյ կամացն՝ հաւատարիմ Հաստչին աւանդեսցեն զիւրեանց ոգիս բարերարութեամբք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 19:11

Եւ տեսի զերկինս բացեալ եւ ահա ձի սպիտակ, եւ որ հեծեալն էր ի նմա՝ Հաւատարիմ եւ Ճշմարիտ, եւ արդարութեամբ դատի եւ պատերազմի.