ՊԵՏՐՈՍԻ ԱՌԱՋԻՆ՝՝ 1:17 - Գրաբար Աստվածաշունչ (1895)

¹⁷ Եւ եթէ Հայր կոչիցէք զայն որ առանց ակնառութեան դատի ըստ իւրաքանչիւր գործոց, ապա երկիւղիւ զձերոյ պանդխտութեան ժամանակդ գնասջիք։

ՊԵՏՐՈՍԻ ԱՌԱՋԻՆ՝՝ 1:17 Iomraidhean Croise

ԾՆՈՒՆԴՔ 47:9

Եւ ասէ Յակոբ ցփարաւոն. Աւուրք ամաց կենաց իմոց զորս պանդխտեցայ՝ հարեւր եւ երեսուն ամ է. սակաւք եւ դժուարինք եղեն աւուրք ամաց կենաց իմոց, եւ ոչ հասին յաւուրս ամաց կենաց հարց իմոց, զոր աւուրս պանդխտեցան։

ՄՆԱՑՈՐԴԱՑ ԱՌԱՋԻՆ 29:15

Քանզի պանդուխտք եմք մեք առաջի քո եւ նժդեհք՝ որպէս ամենայն հարք մեր. իբրեւ զստուեր են աւուրք մեր ի վերայ երկրի, եւ ոչ գոն մեր մնացուածք ինչ։

ՄՆԱՑՈՐԴԱՑ ԵՐԿՐՈՐԴ 19:7

եւ արդ եղիցի երկեւղ Տեառն ի վերայ ձեր, պահեցէք եւ արարէք, զի ոչ գոյ Տեառն Աստուծոյ մերոյ անիրաւութիւն, եւ ոչ երեսաց աչառել, եւ ոչ առնուլ կաշառս։

ԳԻՐՔ ՅՈԲԱՅ 34:19

որ ոչ պատկառեաց ի պատուական երեսաց, եւ ոչ գիտաց պատիւ դնել արանց եւ մեծարել զերեսս նոցա։

ԳԻՐՔ ՍԱՂՄՈՍԱՑ 39:12

Այլ դու, Տէր, մի՛ հեռի առներ զգթութիւնս քո յինէն. զի ողորմութիւն քո եւ ճշմարտութիւն քո յամենայն ժամ ընկալցի զիս։

ԱՌԱԿՔ ՍՈՂՈՄՈՆԻ 14:16

Իմաստունն զարհուրեալ՝ խոտորեցաւ ի չարէ. իսկ անզգամն յանձնապաստան խառնակի ընդ անօրինին՝՝։

ԱՌԱԿՔ ՍՈՂՈՄՈՆԻ 28:14

Երանի իցէ առն որ արհամարհիցէ զամենայն վասն երկիւղածութեան՝՝, իսկ խիստն սրտիւ՝ անկցի ի չարիս։

ՄԱՐԳԱՐԷՈՒԹԻՒՆ ԵՐԵՄԵԱՅ 3:19

Եւ ես ասեմ. Եղիցի, Տէր։ Զի՝՝ կարգեցից զքեզ յորդիս, եւ տաց քեզ զերկիրն ընտիր, ժառանգութիւն անուանի Աստուծոյ ամենակալի՝՝ ազգաց. եւ ասացի թէ՝ Հայր կոչեսցես զիս, եւ ոչ եւս դառնայցես յինէն։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:9

Զի յայնժամ դարձուցից ի վերայ ժողովրդոց լեզու յազգս նոցա՝՝, ի կարդալ ամենեցուն զանուն Տեառն, ի ծառայել նոցա նմա ընդ միով լծով.

Մատթեոսի Աւետարան 16:27

Զի գալոց է Որդի մարդոյ փառօք Հօր իւրոյ հանդերձ հրեշտակօք իւրովք, եւ յայնժամ հատուսցէ իւրաքանչիւր ըստ գործս իւր։

Մատթեոսի Աւետարան 22:16

Եւ առաքեն առ նա զաշակերտս իւրեանց Հերովդիանոսօքն հանդերձ, եւ ասեն. Վարդապետ, գիտեմք զի ճշմարիտ ես, եւ զճանապարհն Աստուծոյ ճշմարտութեամբ ուսուցանես, եւ ոչ է քեզ փոյթ զումեքէ, եւ ոչ հայիս յերեսս մարդոյ։

Մատթեոսի Աւետարան 6:9

Եւ արդ այսպէս կացէք դուք յաղօթս. Հայր մեր որ յերկինս, սուրբ եղիցի անուն քո.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 11:20

Բարւոք է, անհաւատութեամբն փշրեցան, եւ դու հաւատովք հաստատեցար. մի՛ հպարտանար, այլ երկիր։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:2

շնորհք ընդ ձեզ եւ խաղաղութիւն յԱստուծոյ Հօրէ մերմէ եւ ի Տեառնէ Յիսուսէ Քրիստոսէ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:6

Արդ համարձակիմք յամենայն ժամ, եւ գիտեմք եթէ որչափ յամեմք ի մարմնի աստ, օտարանամք ի Տեառնէ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 7:1

Իսկ որովհետեւ զայս աւետիս ունիմք, սիրելիք, սրբեսցուք զանձինս մեր յամենայն պղծութենէ մարմնոյ եւ հոգւոյ, կատարեսցուք զսրբութիւն ահիւն Աստուծոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 7:11

Արդ նոյն իսկ որ ըստ Աստուծոյն տրտմեցարուք, ո՛րչափ ինչ փոյթ գործեաց ի ձեզ, կամ աղերս, կամ սաստ, կամ երկեւղ, կամ անձուկ, կամ նախանձ, կամ վրէժխնդրութիւն. քանզի յամենայնի ընծայեցուցէք զանձինս ձեր սուրբս լինել յիրիդ յայդմիկ։

ԱՌ ԳԱՂԱՏԱՑԻՍ ԹՈՒՂԹ 2:6

Բայց զկարծելոցն եթէ իցեն ինչ, որպիսիք ոք երբեմն էին, չէ ինչ ինձ փոյթ. քանզի Աստուած ակն մարդկան ոչ առնու. զի ինձ կարծեալքն այնպիսի ինչ ոչ զգացուցին.

ԱՌ ԵՓԵՍԱՑԻՍ ԹՈՒՂԹ 1:17

զի Աստուած Տեառն մերոյ Յիսուսի Քրիստոսի, Հայրն փառաց, տացէ ձեզ զհոգին իմաստութեան եւ յայտնութեան գիտութեամբն իւրով.

ԱՌ ԵՓԵՍԱՑԻՍ ԹՈՒՂԹ 3:14

Վասն այսորիկ դնեմ ծունր առ Հայր Տեառն մերոյ Յիսուսի Քրիստոսի,

ԱՌ ԵՓԵՍԱՑԻՍ ԹՈՒՂԹ 6:9

Եւ դուք, տեարք, զնոյն առնիջիք առ նոսա, ներելով առնել զպատուհասն, գիտասջիք թէ ե՛ւ նոցա ե՛ւ ձեր Տէր գոյ յերկինս. եւ ակնառութիւն ոչ գոյ առաջի նորա։

ԵՐԿՐՈՐԴՈՒՄՆ ՕՐԻՆԱՑ 10:17

զի Տէր Աստուած մեր, նա է Աստուած աստուծոց եւ Տէր տերանց, Աստուած մեծ եւ հզօր եւ ահաւոր, որ ոչ աչառի երեսաց, եւ ոչ առնու կաշառ.

ԱՌ ՓԻԼԻՊԵՑԻՍ ԹՈՒՂԹ 2:12

Այսուհետեւ, սիրելիք իմ, որպէս յամենայնի հնազանդեցարուք, մի՛ միայն ի գալստեան իմում, այլ առաւել եւս այժմ յորժամ հեռիս եմ ի ձէնջ, ահիւ եւ դողութեամբ զանձանց փրկութիւն գործեցէք։

ԱՌ ԿՈՂՈՍԱՑԻՍ ԹՈՒՂԹ 3:25

Իսկ ապիրատն ընկալցի ըստ իւրում ապիրատութեանն, զի չիք ակնառութիւն առաջի Աստուծոյ՝՝։

ԱՌ ԵԲՐԱՅԵՑԻՍ ԹՈՒՂԹ 12:28

Վասն որոյ թագաւորութիւն անշարժ ընկալեալ՝ պինդ կալցուք զշնորհսն, որով պաշտեմք զԱստուած հաճութեամբ՝ ահիւ եւ դողութեամբ.

ԱՌ ԵԲՐԱՅԵՑԻՍ ԹՈՒՂԹ 4:1

Երկիցուք այսուհետեւ, գուցէ ի թողուլ զաւետիսն՝ ի մտանելոյ՝՝ ի հանգիստ նորա, գտանիցի ոք ի ձէնջ նուազեալ։

ՊԵՏՐՈՍԻ ԱՌԱՋԻՆ՝՝ 2:11

Սիրելիք, աղաչեմ իբրեւ զպանդուխտս եւ զնժդեհս ի բաց մերժել ի մարմնաւոր ցանկութեանցն որ զինուորին ընդդէմ ոգւոց,

ՊԵՏՐՈՍԻ ԱՌԱՋԻՆ՝՝ 3:15

Այլ զՏէր, զնոյն զՔրիստոս՝՝ սուրբ առնիջիք ի սիրտս ձեր. պատրաստ իցէք տալ պատասխանի ամենայնի որ խնդրիցէ զբանն՝ որ է վասն յուսոյն ձերոյ, այլ հեզութեամբ եւ երկիւղիւ.