ՅՈՎՀԱՆՆՈՒ ԱՌԱՋԻՆ՝՝ 4:4 - Գրաբար Աստվածաշունչ (1895)

⁴ Դուք յԱստուծոյ էք, որդեակք, եւ յաղթեցէք նոցա. զի մեծ է որ ի ձեզդ է քան զայն որ յաշխարհին է։

ՅՈՎՀԱՆՆՈՒ ԱՌԱՋԻՆ՝՝ 4:4 Iomraidhean Croise

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:31

Այժմիկ դատաստան է աշխարհիս այսորիկ, այժմիկ իշխան աշխարհիս այսորիկ ընկեսցի արտաքս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:30

Ոչ եւս այլ շատ խօսեցայց ընդ ձեզ. գայ իշխան աշխարհիս այսորիկ եւ յիս ինչ ոչ գտանէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:11

վասն դատաստանի՝ զի իշխան աշխարհիս այսորիկ դատապարտեալ է։

ԱՒԵՏԱՐԱՆ ԸՍՏ ՅՈՎՀԱՆՆՈՒ 17:23

Ես ի նոսա, եւ դու յիս, զի եղիցին կատարեալք ի մի. եւ գիտասցէ աշխարհ եթէ դու առաքեցեր զիս. եւ սիրեցի զնոսա, որպէս դու զիս սիրեցեր։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:31

Իսկ արդ զի՞նչ ասեմք առ այս. եթէ Աստուած ի մեր կոյս է, ո՞վ իցէ մեր հակառակ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:37

Այլ յայսմ ամենայնի առաւել յաղթեմք նովաւ որ սիրեացն զմեզ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 2:12

Այլ մեք ոչ եթէ զհոգի աշխարհիս այսորիկ առաք, այլ զՀոգին որ յԱստուծոյ. զի ծանիցուք զայն որ յԱստուծոյն շնորհեցաւ մեզ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 6:13

Կերակուր՝ որովայնի, եւ որովայն՝ կերակրոյ. այլ Աստուած զսա եւ զնոսա խափանեսցէ. բայց մարմին ոչ պոռնկութեան, այլ՝ Տեառն, եւ Տէր՝ մարմնոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 4:4

որոց աստուած աշխարհիս այսորիկ կուրացոյց զմիտս անհաւատիցն, զի մի՛ ծագեսցէ ի նոսա լուսաւորութիւն աւետարանի փառացն Քրիստոսի. որ է պատկեր աներեւութիւն Աստուծոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:16

կամ զի՞նչ բաժին կայ հաւատացելոյն ընդ անհաւատին. կամ զի՞նչ նմանութիւն է տաճարի Աստուծոյ՝ մեհենաց. ապաքէն դուք տաճար Աստուծոյ կենդանւոյ էք, որպէս ասաց Աստուած թէ՝ Բնակեցայց ի նոսա եւ գնացից ի նոսա, եւ եղէց նոցա Աստուած եւ նոքա եղիցին իմ ժողովուրդք։

ԱՌ ԵՓԵՍԱՑԻՍ ԹՈՒՂԹ 2:2

յորս երբեմն գնայիք ըստ յաւիտենի աշխարհիս այսորիկ, ըստ իշխանին իշխանութեան օդոյս, այսոյ՝ որ այժմս ընդմտեալ է յորդիսն ապստամբութեան.

ԱՌ ԵՓԵՍԱՑԻՍ ԹՈՒՂԹ 3:17

բնակել Քրիստոսի հաւատովք ի սիրտս ձեր, սիրով արմատացեալք եւ հաստատեալք։

ԱՌ ԵՓԵՍԱՑԻՍ ԹՈՒՂԹ 6:10

Այսուհետեւ զօրացարուք Տերամբ եւ կարողութեամբ զօրութեան նորա։

ՅՈՎՀԱՆՆՈՒ ԱՌԱՋԻՆ՝՝ 2:1

Որդեակք իմ, զայս գրեմ ձեզ զի մի՛ մեղիցէք. եւ եթէ մեղիցէ ոք, ունիմք բարեխօս առ Աստուած զՅիսուս Քրիստոս, զարդարն եւ զանարատ՝՝.

ՅՈՎՀԱՆՆՈՒ ԱՌԱՋԻՆ՝՝ 2:13

Գրեմ ձեզ, հարք, զի ծանեայք դուք զայն որ ի սկզբանէն է։ Գրեմ ձեզ, երիտասարդք, զի յաղթեցէք դուք չարին։

ՅՈՎՀԱՆՆՈՒ ԱՌԱՋԻՆ՝՝ 3:20

Եթէ ստգտանիցեն զմեզ սիրտք մեր, այլ Աստուած մեծ է քան զսիրտս մեր եւ գիտէ զամենայն։

ՅՈՎՀԱՆՆՈՒ ԱՌԱՋԻՆ՝՝ 3:24

Եւ որ պահէ զպատուիրանս նորա՝ ի նմա է հաստատեալ եւ նա ի սմա. եւ յայսմանէ գիտեմք եթէ բնակէ ի մեզ, ի Հոգւոյ անտի զոր ետ մեզ։

ՅՈՎՀԱՆՆՈՒ ԱՌԱՋԻՆ՝՝ 4:13

Այսուիկ գիտեմք, եթէ մեք ի նա եմք բնակեալ, եւ նա՝ ի մեզ, զի ի Հոգւոյն իւրմէ ետ մեզ։

ՅՈՎՀԱՆՆՈՒ ԱՌԱՋԻՆ՝՝ 4:16

Եւ մեք հաւատացք եւ ծանեաք զսէրն Աստուծոյ զոր ունի առ մեզ. Աստուած սէր է. եւ որ կայ ի սէրն՝ բնակեալ է յԱստուած, եւ Աստուած ի նմա բնակէ։

ՅՈՎՀԱՆՆՈՒ ԱՌԱՋԻՆ՝՝ 4:6

Մեք յԱստուծոյ եմք. որ զԱստուած ճանաչէ՝ լսէ մեզ, եւ որ չէ յԱստուծոյ՝ ոչ լսէ մեզ. այսուիկ ճանաչեմք զՀոգին ճշմարտութեան եւ զհոգին խաբէութեան։

ՅՈՎՀԱՆՆՈՒ ԱՌԱՋԻՆ՝՝ 5:19

Գիտեմք եթէ յԱստուծոյ եմք, եւ աշխարհ ամենայն ի չարի կայ։

ՅՈՎՀԱՆՆՈՒ ԱՌԱՋԻՆ՝՝ 5:4

Զի ամենայն որ յԱստուծոյ ծնեալ է՝ յաղթէ աշխարհի. եւ այս է յաղթութիւնն որ յաղթէ աշխարհի, հաւատքն մեր։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 12:11

Եւ նոքա յաղթեցին նմա արեամբ Գառինն, եւ բանիւ վկայութեան նորա. եւ ոչ հաճեցան ընդ վիշապն՝՝ մինչեւ ի մահ։