ՅՈՎՀԱՆՆՈՒ ԱՌԱՋԻՆ՝՝ 4:21 - Գրաբար Աստվածաշունչ (1895)

²¹ Եւ զայս պատուէր ունիմք առ ի նմանէ, զի որ սիրէ զԱստուած՝ սիրէ նա եւ զեղբայր իւր։

ՅՈՎՀԱՆՆՈՒ ԱՌԱՋԻՆ՝՝ 4:21 Iomraidhean Croise

ՂԵՒՏԱԿԱՆ 19:18

Մի՛ խնդրեսցէ վրէժ ձեռն քո. եւ ընդ որդւոց ժողովրդեան քո ոխս մի՛ ունիցիս, եւ սիրեսցես զընկեր քո իբրեւ զանձն քո, զի ես եմ Տէր։

Մատթեոսի Աւետարան 5:43

Լուարուք ապաքէն զի ասացաւ. Սիրեսցես զընկեր քո, եւ ատեսցես զթշնամին քո։

ԱՒԵՏԱՐԱՆ ԸՍՏ ՂՈՒԿԱՍՈՒ 10:37

Եւ նա ասէ. Որ արար զողորմութիւնն ի վերայ նորա։ Ասէ ցնա Յիսուս. Երթ եւ դու արա նոյնպէս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 15:12

Այս է պատուէր իմ, զի սիրեսջիք զմիմեանս, որպէս եւ ես սիրեցի զձեզ։

ԱՌ ԳԱՂԱՏԱՑԻՍ ԹՈՒՂԹ 5:14

Զի ամենայն օրէնք ի մի բան կատարին, ի Սիրեսցեսն զընկեր քո իբրեւ զանձն քո։

ԱՌ ԳԱՂԱՏԱՑԻՍ ԹՈՒՂԹ 5:6

Զի ի Քրիստոս Յիսուս ոչ թլփատութիւն ինչ կարող է, եւ ոչ անթլփատութիւն, այլ՝ հաւատք սիրով աջողեալք։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 4:9

Այլ վասն եղբայրսիրութեան չէ ինչ պիտոյ գրել առ ձեզ, զի դուք ինքնին իսկ աստուածուսոյցք էք առ ի զմիմեանս սիրելոյ։

ՊԵՏՐՈՍԻ ԱՌԱՋԻՆ՝՝ 3:8

Եւ գլուխ ամենայնի՝ զի համամիտք իցէք, համակարիք, եղբայրասէրք, ազնուագութք, խոնարհք։

ՊԵՏՐՈՍԻ ԱՌԱՋԻՆ՝՝ 4:8

Նախ քան զամենայն սէր սերտ ունել ընդ միմեանս. զի սէր ծածկէ զբազմութիւն մեղաց։

ՅՈՎՀԱՆՆՈՒ ԱՌԱՋԻՆ՝՝ 2:7

Սիրելիք, ոչ եթէ նոր ինչ պատուիրան գրեմ ձեզ, այլ զհին պատուիրանն զոր ի սկզբանէ ունէիք. եւ հին պատուիրան բանն է զոր լուարուք։

ՅՈՎՀԱՆՆՈՒ ԱՌԱՋԻՆ՝՝ 3:11

զի այս է պատուիրանն զոր լուարուք ի սկզբանէ, զի սիրեսցուք զմիմեանս։

ՅՈՎՀԱՆՆՈՒ ԱՌԱՋԻՆ՝՝ 3:14

Մեք գիտեմք զի փոխեցաք ի մահուանէ ի կեանս, քանզի սիրեմք զեղբարս. իսկ որ ոչն սիրէ, անդէն ի մահու մնայ։

ՅՈՎՀԱՆՆՈՒ ԱՌԱՋԻՆ՝՝ 3:18

Որդեակք, մի՛ բանիւք եւ լեզուօք սիրեսցուք, այլ արդեամբ եւ ճշմարտութեամբ։

ՅՈՎՀԱՆՆՈՒ ԱՌԱՋԻՆ՝՝ 3:23

Եւ այս է պատուիրան նորա, զի հաւատասցուք յանուն Որդւոյ նորա Յիսուսի Քրիստոսի, եւ սիրեսցուք զմիմեանս, որպէս եւ ետ մեզ պատուէր։

ՅՈՎՀԱՆՆՈՒ ԱՌԱՋԻՆ՝՝ 4:11

Սիրելիք, եթէ Աստուած այսպէս սիրեաց զմեզ, ապա եւ մեք պարտիմք զմիմեանս սիրել։