ՅՈՎՀԱՆՆՈՒ ԱՌԱՋԻՆ՝՝ 2:22 - Գրաբար Աստվածաշունչ (1895)

²² Իսկ ո՞ իցէ սուտ, եթէ ոչ՝ որ ուրանայ եթէ Յիսուս չէ Քրիստոսն. նա իսկ է Նեռն, որ ուրանայ զՀայր եւ զՈրդի։

ՅՈՎՀԱՆՆՈՒ ԱՌԱՋԻՆ՝՝ 2:22 Iomraidhean Croise

Մատթեոսի Աւետարան 24:24

Զի յարիցեն սուտ քրիստոսք եւ սուտ մարգարէք, եւ տացեն նշանս մեծամեծս եւ արուեստս, մինչեւ մոլորեցուցանել, թէ հնար ինչ իցէ, եւ զընտրեալսն։

Մատթեոսի Աւետարան 24:5

զի բազումք գայցեն յանուն իմ եւ ասիցեն թէ՝ Ես եմ Քրիստոսն, եւ զբազումս մոլորեցուցանիցեն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:44

Դուք ի հօրէ ի Սատանայէ էք, եւ զցանկութիւնս հօրն ձերոյ կամիք առնել. զի նա մարդասպան էր ի սկզբանէ, եւ ի ճշմարտութեան ոչ եկաց, զի ոչ գոյ ճշմարտութիւն ի նմա. յորժամ խօսիցի սուտ, յիւրոց անտի խօսի. զի սուտ է եւ հայր նորա։

ՅՈՎՀԱՆՆՈՒ ԱՌԱՋԻՆ՝՝ 1:6

Եթէ ասիցեմք եթէ՝ Հաղորդութիւն ունիմք ընդ նմա եւ ի խաւարի շրջիցիմք, ստեմք եւ ոչ առնեմք զճշմարտութիւնն։

ՅՈՎՀԱՆՆՈՒ ԱՌԱՋԻՆ՝՝ 2:18

Որդեակք, յետին ժամանակ է, եւ որպէս լուարուք եթէ Նեռն գալոց է, եւ արդէն իսկ նեռինք բազումք եկեալ են, որով մարթեմք իմանալ եթէ յետին ժամանակ է։

ՅՈՎՀԱՆՆՈՒ ԱՌԱՋԻՆ՝՝ 2:23

Ամենայն որ ուրանայ զՈրդի՝ եւ ոչ զՀայր ընդունի. իսկ որ խոստովանի զՈրդի՝ նա եւ զՀայր ընդունի։՝՝

ՅՈՎՀԱՆՆՈՒ ԱՌԱՋԻՆ՝՝ 2:4

Որ ասիցէ եթէ՝ Ծանեայ զնա, եւ զպատուիրանս նորա ոչ պահիցէ, սուտ է եւ ճշմարտութիւն ի նմա ոչ գոյ։

ՅՈՎՀԱՆՆՈՒ ԱՌԱՋԻՆ՝՝ 4:20

Եթէ ոք ասիցէ եթէ՝ Սիրեմ զԱստուած, եւ զեղբայր իւր ատիցէ, սուտ է. որ ոչ սիրէ զեղբայր իւր զոր տեսանէ, զԱստուած զոր ոչն ետես՝ զիա՞րդ կարիցէ սիրել։

ՅՈՎՀԱՆՆՈՒ ԱՌԱՋԻՆ՝՝ 4:3

Եւ ամենայն հոգի որ ոչ խոստովանի զՅիսուս Քրիստոս մարմնով եկեալ՝ չէ նա յԱստուծոյ, եւ այս Նեռինն է, զորմէ լուարուք եթէ գալոց է, եւ արդէն իսկ յաշխարհի է։

ՅՈՎՀԱՆՆՈՒ ԱՌԱՋԻՆ՝՝ 5:1

Ամենայն որ հաւատայ եթէ Յիսուս է Քրիստոսն՝ յԱստուծոյ ծնեալ է, եւ ամենայն որ սիրէ զծնողն՝ սիրէ եւ զծնեալն ի նմանէ։

ՅՈՎՀԱՆՆՈՒ ԵՐԿՐՈՐԴ՝՝ 1:7

Զի բազում մոլորեցուցիչք ելին յաշխարհ. որ ոք ոչ խոստովանի՝՝ զՅիսուս Քրիստոս եկեալ մարմնով, նա մոլորեցուցիչ է եւ Նեռն։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:4

Քանզի սպրդեցին մտին ոմանք, որ յառաջագոյն իսկ կատարեալ էին ի սոյն դատաստան, ամբարիշտք, որ զԱստուծոյ մերոյ շնորհսն դարձուցին յանկարգութիւն. եւ զմի միայն զԻշխանն եւ զՏէր մեր Յիսուս Քրիստոս ուրացեալք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 3:9

Ահաւասիկ ես տամ քեզ զժողովն Սատանայի, որք ասեն զինքեանս Հրեայս գոլ՝ եւ ոչ են, այլ ստեն. արարից զնոսա, զի եկեսցեն եւ երկիր պագցեն առաջի ոտից քոց, եւ ծանիցեն զի ես սիրեցի զքեզ։