ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:4 - Գրաբար Աստվածաշունչ (1895)

⁴ Այլ վասն կերակրոցն զոհելոց գիտեմք եթէ ոչինչ իսկ կուռքդ են յաշխարհի, զի չիք ոք Աստուած բաց ի միոյն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:4 Iomraidhean Croise

ՄԱՐԳԱՐԷՈՒԹԻՒՆ ԵՍԱՅԵԱՅ 37:16

Տէր Սաբաւովթ, Աստուած Իսրայելի, որ նստիս ի քերովբէս, դու ես Աստուած միայն ամենայն թագաւորութեանց տիեզերաց, դու արարեր զերկինս եւ զերկիր։

ՄԱՐԳԱՐԷՈՒԹԻՒՆ ԵՍԱՅԵԱՅ 37:20

Բայց արդ, Տէր Աստուած մեր, ապրեցո զմեզ ի ձեռաց նորա. զի ծանիցեն ամենայն թագաւորութիւնք երկրի՝ թէ դու միայն ես Աստուած։

ՄԱՐԳԱՐԷՈՒԹԻՒՆ ԵՍԱՅԵԱՅ 41:24

թէ ուստի՛ իցէք դուք եւ ուստի՛ գործուած ձեր. զի յերկրէ պիղծս ընտրեցին զձեզ։

ՄԱՐԳԱՐԷՈՒԹԻՒՆ ԵՍԱՅԵԱՅ 44:24

Այսպէս ասէ Տէր որ փրկեացն զքեզ եւ ստեղծ զքեզ յորովայնէ. Ես եմ Տէր որ առնեմ կատարեմ զամենայն. ձգեցի զերկինս միայն, եւ հաստատեցի զերկիր։

ՄԱՐԳԱՐԷՈՒԹԻՒՆ ԵՍԱՅԵԱՅ 44:6

Այսպէս ասէ Աստուած Թագաւորն Իսրայելի, եւ որ փրկեացն զնա Աստուած՝՝ զօրութեանց. Ես առաջին՝ եւ ես առ յապայ, բաց յինէն այլ ոչ գոյ Աստուած։

ՄԱՐԳԱՐԷՈՒԹԻՒՆ ԵՍԱՅԵԱՅ 45:14

Այսպէս ասէ Տէր զօրութեանց. Վաստակ եղեւ երկիրն՝՝ Եգիպտացւոց, եւ վաճառք Եթովպացւոց եւ Սաբայեցիքն արք մեծամեծք՝՝ առ քեզ անցցեն, եւ քեզ ծառայեսցեն, եւ՝՝ զկնի քո շրջեսցին՝ կապեալք ձեռակապօք եւ առ քեզ ելցեն՝՝, եւ քեզ երկիր պագանիցեն, եւ ի քեզ ուխտադիր լինիցին. զի ի քեզ Աստուած գոյ. եւ ասասցեն թէ՝ Ոչ գոյ այլ Աստուած բաց ի քէն.

ՄԱՐԳԱՐԷՈՒԹԻՒՆ ԵՍԱՅԵԱՅ 45:5

Եւ դու զիս ոչ ծանեար՝ եթէ ես Տէր Աստուած, եւ չիք այլ ոք.

ՄԱՐԳԱՐԷՈՒԹԻՒՆ ԵՐԵՄԵԱՅ 10:10

Այլ Տէր Աստուած ճշմարիտ է, Աստուած կենդանի, եւ Թագաւոր յաւիտենական. ի սրտմտութենէ նորա շարժեսցի երկիր, եւ ոչ հանդարտեսցեն ազգք բարկութեան նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 10:14

Յիմարեցաւ ամենայն մարդ ի գիտութենէ. ամօթ եղեն ամենայն ոսկերիչք դրօշելովք իւրեանց. զի սուտ ձուլեցին, եւ չիք շունչ ի նոսա։

ԱՒԵՏԱՐԱՆ ԸՍՏ ՄԱՐԿՈՍԻ 12:29

Եւ Յիսուս ասէ ցնա. Առաջին քան զամենայն. Լուր, Իսրայէլ, Տէր Աստուած մեր Տէր մի է.

ԳՈՐԾՔ ԱՌԱՔԵԼՈՑ 14:15

Որ յանցեալ ազգսն թոյլ ետ ամենայն հեթանոսաց գնալ ի ճանապարհս իւրեանց։

ԳՈՐԾՔ ԱՌԱՔԵԼՈՑ 15:20

Այլ տալ թուղթս առ նոսա խորշել ի կերակրոց կռոց եւ ի պոռնկութենէ եւ ի մեռելոտւոյ եւ յարենէ։

ԳՈՐԾՔ ԱՌԱՔԵԼՈՑ 19:26

Եւ տեսանէք եւ լսէք եթէ ոչ միայն զԵփեսացւոց, այլ գրեթէ զամենայն իսկ Ասիացւոց, Պաւղոսս այս հաւանեցուցեալ շրջեաց բազում ժողովս ասել թէ՝ Ոչ են աստուածք ձեռագործք։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:1

Այլ վասն զոհից կռոցն, գիտեմք եթէ ամենեքին գիտութիւն ունիմք. գիտութիւն հպարտացուցանէ, այլ սէր շինէ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:10

Եթէ ոք տեսանիցէ զքեզ որ զգիտութիւնդ ունիս՝ բազմեալ ի մեհենի, ո՞չ ապաքէն խիղճ մտաց նորա որ տկարութեամբն զգածեալ է՝ անդրէն շինիցի ուտել զզոհեալն.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:11

եւ կորնչիցի տկար եղբայրն ի քում գիտութեանն, վասն որոյ Քրիստոսն մեռաւ։

ԱՌ ԳԱՂԱՏԱՑԻՍ ԹՈՒՂԹ 4:8

Այլ յայնժամ մինչ ոչն գիտէիք զԱստուած՝ ծառայէիք այնոցիկ որ ոչն էին ի բնէ աստուածք։

ԱՌ ԵՓԵՍԱՑԻՍ ԹՈՒՂԹ 4:6

մի Աստուած եւ Հայր ամենեցուն, որ ի վերայ ամենայնի եւ ընդ ամենեսին եւ յամենեսին ի մեզ։

ԵՐԿՐՈՐԴՈՒՄՆ ՕՐԻՆԱՑ 3:24

Տէր, Տէր, դու սկսար ցուցանել ծառայի քում զսաստկութիւն քո եւ զզօրութիւն քո, զձեռն հզօր եւ զբազուկ բարձր. քանզի ո՞վ է Աստուած յերկինս կամ յերկրի որ առնիցէ որպէս դու արարեր ըստ՝՝ զօրութեան քում։

ԵՐԿՐՈՐԴՈՒՄՆ ՕՐԻՆԱՑ 32:39

Տեսէք, տեսէք զի ես եմ, եւ չիք այլ ոք՝՝ բաց յինէն. ես սպանանեմ եւ ես կեցուցանեմ, հարկանեմ եւ բժշկեմ, եւ ոչ ոք իցէ որ հանիցէ ի ձեռաց իմոց։

ԵՐԿՐՈՐԴՈՒՄՆ ՕՐԻՆԱՑ 4:35

Զի գիտասցես թէ Տէր նա է Աստուած, եւ չիք այլ ոք բաց ի նմանէ։

ԵՐԿՐՈՐԴՈՒՄՆ ՕՐԻՆԱՑ 4:39

Եւ ծանիցես այսօր եւ դարձցիս մտօք, զի Տէր Աստուած քո՝՝, նա է Աստուած յերկինս ի վեր եւ յերկիր ի խոնարհ եւ չիք այլ ոք բաց ի նմանէ։

ԵՐԿՐՈՐԴՈՒՄՆ ՕՐԻՆԱՑ 6:4

Լուր, Իսրայէլ, Տէր Աստուած մեր՝ Տէր մի է։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:17

Այլ Թագաւորին յաւիտենից, անեղծի եւ աներեւութի, միոյն Աստուծոյ՝՝, փառք եւ պատիւ յաւիտեանս յաւիտենից։ Ամէն։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 2:5

Զի մի է Աստուած, եւ մի միջնորդ Աստուծոյ եւ մարդկան, մարդն Յիսուս Քրիստոս,

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:25

միոյն Աստուծոյ եւ Փրկչին մերոյ Յիսուսի Քրիստոսի Տեառն մերոյ փառք, մեծութիւն, զօրութիւն եւ իշխանութիւն յառաջ քան զամենայն յաւիտեանս՝՝, ե՛ւ այժմ ե՛ւ յամենայն յաւիտեանս։ Ամէն։