ՄՆԱՑՈՐԴԱՑ ԱՌԱՋԻՆ 9:1 - Գրաբար Աստվածաշունչ (1895)

¹ Եւ ամենայն Իսրայէլ ըստ թուոյն իւրեանց գրեալք սոքա ի գիրս թագաւորացն Իսրայելի եւ Յուդայ, հանդերձ բնակելովքն՝՝ ի Բաբելոն՝ վասն մեղացն իւրեանց։

ՄՆԱՑՈՐԴԱՑ ԱՌԱՋԻՆ 9:1 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 14:19

Եւ մնացորդք բանից Յերոբովամայ, թէ ո՛րչափ պատերազմեցաւ, եւ ո՛րչափ թագաւորեաց, ահա գրեալ են ի գիրս բանից աւուրց թագաւորացն Իսրայելի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:14

Եւ խաղացոյց զամենայն Երուսաղէմ եւ զամենայն իշխանս եւ զամենայն զօրաւորս զօրութեամբ ի գերութեան, տասն հազար գերեաց, եւ զամենայն հիւսունս եւ զդահիճս, եւ ոչ ոք մնաց բաց յաղքատաց երկրին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:15

Եւ խաղացոյց զՅովաքին ի Բաբելոն, եւ զմայր թագաւորին եւ զկանայս նորա եւ զներքինիս նորա. եւ զզօրաւորս երկրին վարեաց ի գերութիւն յԵրուսաղեմէ ի Բաբելոն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:16

Եւ զամենայն արս զօրութեան՝ արս եւթն հազար. եւ զհիւսունս եւ զդահիճս հազար այր, ամենեքին զօրաւորք պատերազմօղք. եւ վարեաց զնոսա արքայն Բաբելացւոց ի գերութեան ի Բաբելոն։

ՄՆԱՑՈՐԴԱՑ ԱՌԱՋԻՆ 8:40

Եւ էին որդիք Ուղամայ զօրաւորք՝ արք ուժով, որք լարէին աղեղունս. եւ բազմացուցին որդիս եւ զորդիս որդւոց, հարեւր եւ իննսուն. ամենեքեան սոքա յորդւոցն Բենիամինի։

ՄՆԱՑՈՐԴԱՑ ԵՐԿՐՈՐԴ 33:11

Եւ ած Տէր ի վերայ նորա զիշխանս զօրու արքային Ասորեստանեայց. կալան զնա եւ կապեցին կապանօք եւ տարան ի Բաբելոն։

ԵԶՐ 2:1

Այս են որդիքն Իսրայելի՝ ըստ իւրաքանչիւր տեղեացն՝՝ որ ելանէին ի գերութենէն զոր գերեաց Նաբուքոդոնոսոր թագաւոր Բաբելացւոց ի Բաբելոն, զորս եւ դարձոյց Կիւրոս ի Բաբելոնէ՝՝ յԵրուսաղէմ եւ ի Հրէաստան՝ այր յիւրաքանչիւր քաղաք։

ԵԶՐ 2:59

Եւ այս են ելեալքն ի Թեղմեղէք Թեղարեսա, Քերուբ, Եդար՝ Եմեր՝՝, եւ ոչ կարացին պատմել զտուն հարցն իւրեանց, եւ թէ իցէ զաւակ նոցա յԻսրայելէ.

ԳԻՐՔ ՆԷԵՄԵԱՅ 11:1

Եւ նստան իշխանք ժողովրդոցն յԵրուսաղէմ, եւ արկին վիճակս, զի մին ի տասանց որում եւ ելցէ վիճակն՝ նստցի յԵրուսաղէմ քաղաք սրբութեան, եւ իններորդքն գնասցեն յիւրաքանչիւր քաղաքս։

ԳԻՐՔ ՆԷԵՄԵԱՅ 7:5

Եւ արկ Աստուած ի սիրտ իմ, եւ ժողովեցի զպատուականսն եւ զիշխանսն եւ զժողովուրդն ի ժողով մի. եւ գտի զգիրսն ազգահամարին որ էին ելեալ յառաջնում ի գերութենէն. եւ էր գրեալ ի նմա այսպէս.

ԳԻՐՔ ՆԷԵՄԵԱՅ 7:64

Սոքա խնդրեցին գրել զազգահամար՝՝ իւրեանց, եւ ոչ գտաւ. եւ մերժեցան ի քահանայիցն։

ՄԱՐԳԱՐԷՈՒԹԻՒՆ ԵՍԱՅԵԱՅ 3:2

զհսկայն եւ զզօրաւորն եւ՝՝ զայր պատերազմօղ, եւ զդատաւոր եւ զմարգարէ եւ զքննիչ եւ զծեր,

ՄԱՐԳԱՐԷՈՒԹԻՒՆ ԵՐԵՄԵԱՅ 13:19

Փակեցան քաղաքք որ ընդ հարաւակողմն, եւ ոչ ոք էր որ բանայր. գերեցաւ Յուդա զվախճանեալ գերութիւն, զկատարեալն հատուցմանց։

ՄԱՐԳԱՐԷՈՒԹԻՒՆ ԵՐԵՄԵԱՅ 39:9

Եւ զմնացորդս ժողովրդեանն որ մնացին ի քաղաքին, եւ զանկեալսն որ անկան ի նա, եւ զսինլքորսն ժողովրդեանն որ մնացին, խաղացոյց Նաբուզարդան դահճապետ ի Բաբելոն։