ՄՆԱՑՈՐԴԱՑ ԱՌԱՋԻՆ 21:3 - Գրաբար Աստվածաշունչ (1895)

³ Եւ ասէ Յովաբ. Յաւելցէ Տէր ի ժողովուրդ իւր որպէս են դոքա՝ հարիւրապատիկ, եւ աչք տեառն իմոյ տեսցեն, զի ամենեքեան ծառայք են տեառն իմոյ. եւ ընդէ՞ր խնդրէ տէր իմ զայդ, զի մի՛ լինիցի մեղք ի ժողովրդեանդ Իսրայելի։

ՄՆԱՑՈՐԴԱՑ ԱՌԱՋԻՆ 21:3 Iomraidhean Croise

ԾՆՈՒՆԴՔ 20:9

Եւ կոչեաց Աբիմելէք զԱբրահամ, եւ ասէ ցնա. Զի՞նչ գործեցեր դու զայդ ընդ մեզ. միթէ մեղա՞ք ինչ քեզ, զի ածեր ի վերայ իմ եւ ի վերայ թագաւորութեան իմոյ մեղս մեծամեծս. գործ զոր ոչ ոք գործէ՝ գործեցեր ընդ իս։

ԹԱԳԱՒՈՐՈՒԹԵԱՆՑ ԵՐՐՈՐԴ 14:16

եւ մատնեսցէ Տէր զԻսրայէլ վասն մեղացն Յերոբովամու, որ մեղաւ եւ մեղոյց զԻսրայէլ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 12:7

Եւ կոչեաց արքայ Յովաս զՅովիդայէ քահանայ եւ զքահանայսն եւ ասէ ցնոսա. Ընդէ՞ր ոչ կազմեցէք զբեդեկ տանն Տեառն. եւ արդ մի՛ եւս առնուցուք արծաթ յամենայն վաճառացն՝՝ ձերոց, այլ ի բեդեկ տանն Տեառն տաջիք զայն։

ՄՆԱՑՈՐԴԱՑ ԱՌԱՋԻՆ 19:13

քաջ լեր, եւ զօրասցուք վասն ժողովրդեան մերում եւ վասն քաղաքաց Աստուծոյ մերոյ, եւ Տէր որ ինչ բարի իցէ յաչս նորա՝ արասցէ։

ՄՆԱՑՈՐԴԱՑ ԱՌԱՋԻՆ 21:4

Եւ բանն արքայի զօրացաւ ի վերայ Յովաբայ. եւ ել Յովաբ եւ եկն յամենայն սահմանսն Իսրայելի, եւ եկն յԵրուսաղէմ։

ԵԼՔ 30:12

Եթէ ունիցիս զհամար որդւոցն Իսրայելի ի հանդիսի իւրեանց, տացեն իւրաքանչիւր փրկանս ընդ անձին իւրոյ Տեառն ըստ հանդիսին իւրեանց, եւ մի՛ լինիցի ի նոսա մահ ի հանդիսի անդ իւրեանց։

ԵԼՔ 32:21

Եւ ասէ Մովսէս ցԱհարոն. Զի՞նչ արար քեզ ժողովուրդդ, զի ածեր ի վերայ դոցա զանհնարին մեղսդ։

ԱՌԱԿՔ ՍՈՂՈՄՈՆԻ 14:28

Ի բազում զօրս՝ փառք թագաւորի. ի նուազել ժողովրդոց՝ բեկումն հզօրաց։

ՄԱՐԳԱՐԷՈՒԹԻՒՆ ԵՍԱՅԵԱՅ 26:15

Յաւել նոցա, Տէր, չարիս, յաւել չարիս ի վերայ փառաւորաց երկրի. յերկարեցեր ամենայն ծագաց երկրի։

ՄԱՐԳԱՐԷՈՒԹԻՒՆ ԵՍԱՅԵԱՅ 48:19

Եւ լինէր իբրեւ զաւազ զաւակ քո, եւ ծնունդք որովայնի քո իբրեւ զհող երկրի. սակայն եւ արդ ոչ սատակեսցիս, եւ ոչ կորիցէ անուն քո՝՝ առաջի իմ։

ԵՐԿՐՈՐԴՈՒՄՆ ՕՐԻՆԱՑ 1:11

Տէր Աստուած հարցն մերոց յաւելցէ ի ձեզ եւս քան որչափ էքդ հազարապատիկ, եւ օրհնեսցէ զձեզ որպէս եւ խօսեցաւ ընդ ձեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:15

եւ եկին առ որդիսն Ռուբենի եւ առ որդիսն Գադայ եւ առ կէս ցեղին Մանասէի ի Գաղաադ. խօսեցան ընդ նոսա եւ ասեն.

ԹԱԳԱՒՈՐՈՒԹԵԱՆՑ ԱՌԱՋԻՆ 2:24

Մի՛ որդեակք, զի ոչ է բարւոք լուրն զոր ես լսեմ, առ ի չծառայելոյ ժողովրդեանն Աստուծոյ՝՝։