ՄՆԱՑՈՐԴԱՑ ԱՌԱՋԻՆ 20:1 - Գրաբար Աստվածաշունչ (1895)

¹ Եւ եղեւ ի միւսում տարւոջն յելանել թագաւորացն՝ ած Յովաբ զամենայն գունդս զօրացն, եւ ապականեաց զամենայն երկիր որդւոցն Ամոնայ. եկին եւ նստան շուրջ զՀռաբաթաւ. եւ Դաւիթ նստէր յԵրուսաղէմ. եւ ա՛ռ Յովաբ զՀռաբաթ, եւ կործանեաց զնա։

ՄՆԱՑՈՐԴԱՑ ԱՌԱՋԻՆ 20:1 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:1

Եւ եղեւ ի դառնալ տարւոյն ի նոյն ժամանակ ելից թագաւորացն, եւ առաքեաց Դաւիթ զՅովաբ եւ զծառայս իւր ընդ նմա եւ զամենայն Իսրայէլ, եւ սատակեցին զորդիսն Ամոնայ, եւ նստան զՌաբաթաւ. եւ Դաւիթ նստէր յԵրուսաղէմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:27

Եւ եղեւ իբրեւ եհաս Դաւիթ ի Բանակսն, Վեսբի որդի Նաասայ յՌաբաթայ որդւոցն Ամոնայ եւ Մաքիր որդի Ամիելի ի Լադաբարայ, եւ Բերզելի Գաղաադացի յՌոգելիմայ,

ԹԱԳԱՒՈՐՈՒԹԵԱՆՑ ԵՐՐՈՐԴ 20:22

Եւ մատեաւ մարգարէն առ արքայ Իսրայելի, եւ ասէ ցնա. Զօրացիր եւ գիտա, եւ տես զինչ գործեսցես. զի ի դարձի տարւոյս այսորիկ որդի Ադերայ՝՝ արքայ Ասորւոց ելանելոց է ի վերայ քո։

ԹԱԳԱՒՈՐՈՒԹԵԱՆՑ ԵՐՐՈՐԴ 20:26

Եւ եղեւ ի դառնալ տարւոյն հանդէս արար որդին Ադերայ՝՝ Ասորւոց. եւ ել յԱփեկա ի պատերազմ ընդ Իսրայելի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:20

Եւ մեռաւ Եղիսէ եւ թաղեցին զնա. եւ մեկնակազէնքն Մովաբու ելին յերկիրն ի գալ տարւոյն։

ՄՆԱՑՈՐԴԱՑ ԱՌԱՋԻՆ 19:19

Եւ տեսին ծառայքն Ադրազարու եթէ անկան առաջի Իսրայելի, եդին ուխտ ընդ Դաւթայ, եւ ծառայեցին նմա. եւ ոչ եւս կամեցաւ Ասորին օգնել որդւոցն Ամոնայ։

ՄԱՐԳԱՐԷՈՒԹԻՒՆ ԵՍԱՅԵԱՅ 54:16

Ահաւասիկ ես հաստատեցի զքեզ. ոչ որպէս դարբին մի որ փքովք կայծակունս արծարծանէ եւ յառաջ բերէ անօթս ի գործ, այլ ես հաստատեցի զքեզ ոչ ի կորուստ ապականութեան։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 6:11

Եւ ասեմ. Մինչեւ յե՞րբ, Տէր։ Եւ ասէ. Մինչեւ աւերեսցին քաղաքք ի բնակչաց, եւ տունք առ ի չգոյէ մարդկան, եւ մնասցէ երկիրդ աւերակ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 21:20

Եւ դու պատրաստեա եւ յարդարեա՝՝ ճանապարհ մտանել սրոյն ընդ Ռաբովթ որդւոցն Ամոնայ ի վերայ Հրէաստանի, եւ ի վերայ Երուսաղեմի ի մէջ նորա՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 25:5

Եւ տաց զքաղաքն Ամոնացւոց՝՝ յարօտս ուղտուց, եւ զորդիսն Ամոնայ յարօտս հօտից, եւ ծանիջիք թէ ես եմ Տէր։

ՄԱՐԳԱՐԷՈՒԹԻՒՆ ԱՄՈՎՍԱՅ 1:14

Բորբոքեցից հուր ի վերայ պարսպացն Ռաբայ, եւ կերիցէ զհիմունս նորա աղաղակաւ յաւուր պատերազմի, եւ շարժեսցի յաւուր վախճանի իւրոյ։

ԵՐԿՐՈՐԴՈՒՄՆ ՕՐԻՆԱՑ 3:11

Զի Ովգ միայն արքայ Բասանու մնաց յՌափայնոց անտի. եւ գահոյք նորա գահոյք երկաթիք, եւ ահա է այն յամրոցի որդւոցն Ամոնայ. ինն կանգուն երկայնութիւն նորա եւ չորք կանգունք լայնութիւն նորա, սկայից կանգնով։