ՄՆԱՑՈՐԴԱՑ ԱՌԱՋԻՆ 15:2 - Գրաբար Աստվածաշունչ (1895)

² Յայնժամ ասաց Դաւիթ. Ոչ այլ ումեք է բառնալ զտապանակն Աստուծոյ, բայց միայն Ղեւտացւոցն. վասն զի զնոսա ընտրեաց Տէր բառնալ զտապանակն իւր, եւ պաշտել առաջի նորա մինչեւ յաւիտեանս։

ՄՆԱՑՈՐԴԱՑ ԱՌԱՋԻՆ 15:2 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:13

Եւ էին ընդ նմա որ բառնային զտապանակն եւթն դաս պարուց, եւ սպանդ զուարակի եւ գառանց։

ՄՆԱՑՈՐԴԱՑ ԵՐԿՐՈՐԴ 35:3

Եւ ասէ ցՂեւտացիսն եւ ցզօրաւորսն յամենայն Իսրայելի, սրբել զնոսա Տեառն. եւ եդին՝՝ զտապանակն սրբութեան ի տանն զոր շինեաց Սողոմոն որդի Դաւթի արքայի Իսրայելի. եւ ասէ արքայ.՝՝ Ոչ է ձեզ բառնալ ի վերայ ուսոց եւ ոչ ինչ. արդ պաշտեցէք զՏէր Աստուած ձեր եւ զժողովուրդ նորա զԻսրայէլ.

ԵԼՔ 25:14

Եւ ագուսցես զլծակսն յօղամանեակսն ի կողմանս տապանակին, բառնալ նոքօք զտապանակն։

ՄԱՐԳԱՐԷՈՒԹԻՒՆ ԵՍԱՅԵԱՅ 66:21

Եւ՝՝ ի նոցանէ առից ինձ ի քահանայս եւ ի Ղեւտացիս, ասէ Տէր։

ԹԻՒՔ 3:6

Ա՛ռ զազգն Ղեւեայ, եւ կացուսցես զնոսա առաջի Ահարոնի քահանայի, եւ պաշտեսցեն զնա։

ԹԻՒՔ 3:9

Եւ տացես զՂեւտացիսն Ահարոնի եղբօր քում՝՝ եւ որդւոց նորա քահանայից. հատուցումն տուեալ իցեն նոքա յորդւոցն Իսրայելի։

ԹԻՒՔ 7:9

Եւ ցորդիսն Կահաթու ոչինչ ետ. զի զսպասաւորութիւն սրբութեան սրբութեանցն ունէին, եւ յուսս իւրեանց բառնային։

ԵՐԿՐՈՐԴՈՒՄՆ ՕՐԻՆԱՑ 10:8

Յայնմ ժամանակի զատոյց Տէր զցեղն Ղեւեայ բառնալ զտապանակ ուխտին Տեառն, կալ առաջի Տեառն պաշտել եւ աղօթս մատուցանել՝՝ յանուն նորա մինչեւ ցայսօր։

ԵՐԿՐՈՐԴՈՒՄՆ ՕՐԻՆԱՑ 31:9

Եւ գրեաց Մովսէս զամենայն բանս օրինացս այսոցիկ ի մատենի՝՝, եւ ետ զայն ցքահանայսն, ցորդիսն Ղեւեայ, որ բառնային զտապանակ ուխտին Տեառն, եւ ցծերս որդւոցն՝՝ Իսրայելի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:3

եւ պատուիրեցին ժողովրդեանն եւ ասեն. Յորժամ տեսանիցէք զտապանակ ուխտին Տեառն Աստուծոյ ձերոյ, եւ զքահանայսն մեր եւ՝՝ զՂեւտացիսն որ բարձեալ ունիցին զնա, եւ դուք խաղասջիք ի տեղեաց ձերոց եւ գնասջիք զհետ նորա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:6

Եւ եմուտ Յեսու որդի Նաւեայ առ քահանայսն եւ ասէ ցնոսա. Առէք զտապանակ ուխտին. եւ եւթն քահանայք առցեն եւթն փող եղջերեայ յոբելեան առաջի տապանակին Տեառն։