ՄՆԱՑՈՐԴԱՑ ԱՌԱՋԻՆ 14:3 - Գրաբար Աստվածաշունչ (1895)

³ Եւ ա՛ռ Դաւիթ այլ եւս կանայս յԵրուսաղէմ, եւ ծնան նմա այլ եւս ուստերք եւ դստերք։

ՄՆԱՑՈՐԴԱՑ ԱՌԱՋԻՆ 14:3 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:13

Եւ առ եւս Դաւիթ կանայս եւ հարճս յԵրուսաղեմէ՝ յետ գնալոյ նորա ի Քեբրոնէ. եւ եղեն Դաւթի եւ այլ եւս ուստերք եւ դստերք։

ԹԱԳԱՒՈՐՈՒԹԵԱՆՑ ԵՐՐՈՐԴ 11:3

Եւ էին նորա կանայք տիկնայք եւթն հարեւր, եւ հարճք երեք հարեւր. եւ խոտորեցուցին կանայք նորա զսիրտ նորա։

ՄՆԱՑՈՐԴԱՑ ԱՌԱՋԻՆ 14:2

Եւ ծանեաւ Դաւիթ եթէ պատրաստեաց զնա Տէր՝՝ ի վերայ Իսրայելի. վասն զի աճեաց ի բարձրութիւն թագաւորութիւն նորա, վասն ժողովրդեան իւրոյ Իսրայելի։

ՄՆԱՑՈՐԴԱՑ ԱՌԱՋԻՆ 14:4

Եւ այսոքիկ են անուանք նոցա որք ծնան նմա եւ էին նորա՝՝ յԵրուսաղէմ. Սամաաս եւ Սոբաբ, Նաթան եւ Սողոմոն

ՄՆԱՑՈՐԴԱՑ ԱՌԱՋԻՆ 28:5

Եւ յամենայն որդւոց իմոց, վասն զի որդիս բազումս ետ ինձ Տէր, ընտրեաց զՍողոմոն որդի իմ, նստուցանել յաթոռ թագաւորութեանն Տեառն ի վերայ Իսրայելի։

ԺՈՂՈՎՕՂ 9:9

Եւ տես կեանս ընդ կնոջ քո՝ զոր սիրեցեր զամենայն աւուրս կենաց ընդունայնութեան քո, որ տուեալ է քեզ ընդ արեգակամբ մինչեւ յաւուրս վախճանի՝՝ քո. զի այն է բաժին քո ի կեանս քո, եւ ի վաստակս զոր վաստակես ի ներքոյ արեգական։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:14

Եւ ասացէք. Բայ ընդէ՞ր. զի Տէր եդ ուխտ ի մէջ քո, եւ ի մէջ կնոջ մանկութեան քո զոր թողերն՝՝. եւ նա էր ամուսին եւ կին ուխտի քո։

Մատթեոսի Աւետարան 19:8

Ասէ ցնոսա. Մովսէս վասն խստասրտութեան ձերոյ հրամայեաց ձեզ արձակել զկանայս ձեր, այլ ի սկզբանէ ոչ եղեւ այնպէս։

ԵՐԿՐՈՐԴՈՒՄՆ ՕՐԻՆԱՑ 17:17

Եւ մի՛ յաճախեսցէ իւր կանայս, զի մի՛ խոտորեսցի սիրտ նորա. եւ արծաթ եւ ոսկի մի՛ կարի յաճախեսցէ իւր։