ՄՆԱՑՈՐԴԱՑ ԱՌԱՋԻՆ 11:5 - Գրաբար Աստվածաշունչ (1895)

⁵ Եւ ասեն բնակիչքն Յեբուսայ ցԴաւիթ. Ոչ մտցես դու այսր։ Եւ առ զամրոցն Սիոնի, այն է քաղաք Դաւթի։

ՄՆԱՑՈՐԴԱՑ ԱՌԱՋԻՆ 11:5 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:9

Եւ նստաւ Դաւիթ յամրոցին, եւ կոչեցաւ այն քաղաք Դաւթի. եւ շինեաց զնա քաղաք՝՝ Դաւիթ շուրջանակի ծագէ ի ծագ, եւ զտունն իւր՝՝։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:10

Եւ ոչ կամեցաւ Դաւիթ տանել առ ինքն զտապանակ ուխտին Տեառն ի քաղաքն Դաւթի. եւ խոտորեցոյց զնա Դաւիթ ի տունն Աբեդդարայ Գեթացւոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:12

Եւ պատմեցին Դաւթի եւ ասեն. Օրհնեաց Տէր զտունն Աբեդդարայ եւ զամենայն ինչ որ նորա վասն տապանակին Աստուծոյ։ Եւ չոգաւ Դաւիթ եւ եհան զտապանակն Տեառն ի տանէ Աբեդդարայ ի քաղաք Դաւթի ուրախութեամբ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:1

Յայնժամ եկեղեցացոյց արքայ Սողոմոն զամենայն ծերս Իսրայելի, հանդերձ ամենայն գլխօք գաւազանացն համբարձելոց՝՝ հարց որդւոցն Իսրայելի առ արքայ Սողոմոն ի Սիոն, հանել զտապանակ ուխտին Տեառն ի քաղաքէ Դաւթի՝ այս է Սիոն։

ՄՆԱՑՈՐԴԱՑ ԱՌԱՋԻՆ 11:4

Եւ գնաց արքայ եւ արք նորա՝՝ յԵրուսաղէմ, որ է Յեբուս, եւ անդ Յեբուսացիքն բնակէին յերկրին։

ՄՆԱՑՈՐԴԱՑ ԱՌԱՋԻՆ 11:6

Եւ ասէ Դաւիթ. Ամենայն որ հարցէ զՅեբուսացին յառաջագոյն, եղիցի իշխան եւ զօրավար։ Եւ ել յառաջ ի վերայ նորա Յովաբ որդի Շարուհեայ, եւ եղեւ իշխան։

ՄՆԱՑՈՐԴԱՑ ԱՌԱՋԻՆ 11:7

Եւ նստաւ Դաւիթ յամրոցին, վասն այնորիկ կոչեաց զնա քաղաք Դաւթի։

ՄՆԱՑՈՐԴԱՑ ԵՐԿՐՈՐԴ 5:2

Յայնժամ եկեղեցացոյց Սողոմոն զծերսն Իսրայելի եւ զամենայն իշխանս ցեղիցն, զառաջնորդս տոհմից որդւոցն Իսրայելի յԵրուսաղէմ, հանել զտապանակ ուխտին Տեառն ի քաղաքէն Դաւթի՝ նա է Սիոն։

ԳԻՐՔ ՍԱՂՄՈՍԱՑ 2:6

Ես կացի թագաւոր ի նմանէ, ի վերայ Սիոնի լերին սրբոյ նորա՝ ի պատմել զհրամանս Տեառն։

ԳԻՐՔ ՍԱՂՄՈՍԱՑ 48:2

Լուարուք զայս, ամենայն ազգք, ունկնդիր լերուք ամենեքեան ոյք բնակեալ էք յաշխարհի։

ԳԻՐՔ ՍԱՂՄՈՍԱՑ 87:2

Տէր Աստուած փրկութեան իմոյ, ի տուէ կարդացի եւ գիշերի առաջի քո։

ԳԻՐՔ ՍԱՂՄՈՍԱՑ 87:5

եւ համարեցայ ես ընդ այնոսիկ որ իջանեն ի գուբ. եղէ ես որպէս մարդ առանց օգնականի։

ԳԻՐՔ ՍԱՂՄՈՍԱՑ 9:11

Յուսասցին ի քեզ ամենեքեան ոյք գիտեն զանուն քո. զի ոչ թողցես զայնոսիկ որ խնդրեն զքեզ, Տէր։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:33

որպէս եւ գրեալ է. Ահաւասիկ դնեմ ի Սիովն քար գայթակղութեան եւ վէմ գլորման, եւ ամենայն որ հաւատասցէ ի նա մի ամաչեսցէ։

ԱՌ ԵԲՐԱՅԵՑԻՍ ԹՈՒՂԹ 12:22

Այլ մատուցեալ էք ի Սիովն լեառն, եւ ի քաղաք Աստուծոյ կենդանւոյ, յԵրուսաղէմ յերկինս, եւ ի բիւրաւոր բանակս հրեշտակաց,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 14:1

Եւ տեսի, եւ ահա Գառն կայր ի վերայ լերինն Սիովնի. եւ ընդ նմա հարեւր քառասուն եւ չորք հազարք, որ ունէին զանուն նորա եւ անուն՝՝ Հօր նորա գրեալ ի վերայ ճակատուց նոցա։

ԴԱՏԱՒՈՐՔ 19:10

Եւ ոչ կամեցաւ այրն ագանել անդ, այլ յարեաւ եւ գնաց. եւ եկն եհաս մինչեւ ցհանդէպ Յեբուսայ, այն է Երուսաղէմ. եւ ընդ նմա զոյգք իշոց համետելոց, եւ հարճն իւր ընդ նմա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:26

Եւ խօսեցաւ Դաւիթ ընդ արսն որ շուրջ կային զնովաւ եւ ասէ. Զի՞նչ առնիցի առն որ հարկանիցէ զայլազգին զայն, եւ բառնայցէ զնախատինս յԻսրայելէ. զի զի՞նչ է այլազգին այն անթլփատ, զի նախատեաց զճակատս Աստուծոյ կենդանւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:36

Զառեւծ եւ զարջ սատակէր ծառայ քո. եւ եղիցի այլազգին անթլփատ իբրեւ զմի ի նոցանէն. եւ արդ ո՞չ երթայց սատակեցից զնա, եւ բարձից այսօր զնախատինս յԻսրայելէ, զի ո՞ ոք է այն անթլփատ որ՝՝ նախատեաց զբանակս Աստուծոյ կենդանւոյ։