ՄՆԱՑՈՐԴԱՑ ԱՌԱՋԻՆ 11:3 - Գրաբար Աստվածաշունչ (1895)

³ Եւ եկին ամենայն ծերքն Իսրայելի առ արքայ ի Քեբրոն, եւ եդ արքայ Դաւիթ ուխտ ընդ նոսա ի Քեբրոն առաջի Տեառն. եւ օծին զԴաւիթ թագաւոր ի վերայ Իսրայելի, ըստ բանին Տեառն զոր խօսեցաւ ի ձեռն Սամուելի։

ՄՆԱՑՈՐԴԱՑ ԱՌԱՋԻՆ 11:3 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:4

Եւ եկին արք Հրէաստանի եւ օծին անդ զԴաւիթ թագաւոր ի վերայ տանն Յուդայ։ Եւ պատմեցին Դաւթայ եւ ասեն, եթէ՝ Արք Յաբիսայ Գաղաադացւոյ թաղեցին զՍաւուղ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:3

Եւ եկին ամենայն ծերքն Իսրայելի առ արքայ ի Քեբրոն, եւ ուխտեաց ընդ նոսա ուխտ արքայ Դաւիթ ի Քեբրոն առաջի Տեառն. եւ օծին զԴաւիթ թագաւոր ի վերայ ամենայն Իսրայելի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:5

Եւթն ամ եւ վեց ամիս թագաւորեաց ի Քեբրոն ի վերայ Յուդայ, եւ երեսուն եւ երիս ամս թագաւորեաց ի վերայ ամենայն Իսրայելի եւ Յուդայ յԵրուսաղէմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:17

Եւ ուխտեաց Յովիդայէ ուխտ ի մէջ Տեառն եւ ի մէջ արքայի եւ ի մէջ ժողովրդեանն, լինել ի ժողովուրդ Տեառն. եւ ի մէջ արքայի եւ ի մէջ ժողովրդեանն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:30

Եւ բարձին զնա ծառայք նորա ի Մակեդովայ, եւ բերին զնա յԵրուսաղէմ, եւ թաղեցին զնա ի գերեզմանի իւրում. եւ ա՛ռ ժողովուրդ երկրին զՅովաքազ որդի Յովսեայ, եւ օծին զնա եւ թագաւորեցուցին զնա փոխանակ հօր իւրոյ։

ՄՆԱՑՈՐԴԱՑ ԱՌԱՋԻՆ 11:10

Եւ սոքա իշխանք էին զօրացն Դաւթի, որք զօրանային ընդ նմա ի թագաւորութեան նորա, ընդ ամենայն Իսրայելի, որք թագաւորեցուցանէին զնա ըստ բանին Տեառն ի վերայ Իսրայելի։

ՄՆԱՑՈՐԴԱՑ ԵՐԿՐՈՐԴ 23:3

Եւ եդին ուխտ ընդ ամենայն եկեղեցւոյն Յուդայ ի տանն Տեառն եւ ընդ արքային. եւ եցոյց նոցա զորդին արքայի, եւ՝՝ ասէ ցնոսա. Ահաւասիկ որդի արքային Յուդայ, թագաւորեսցէ դա, որպէս խօսեցաւ Տէր ի վերայ տանն Դաւթի։

ԴԱՏԱՒՈՐՔ 11:11

Եւ գնաց Յեփթայէ ընդ ծերսն Գաղաադու. եւ կացուցին զնա ժողովուրդն ի վերայ իւրեանց գլուխ եւ առաջնորդ. եւ խօսեցաւ Յեփթայէ զամենայն զբանս իւր առաջի Տեառն ի Մասփա։

ԹԱԳԱՒՈՐՈՒԹԵԱՆՑ ԱՌԱՋԻՆ 11:15

Եւ չոգաւ ամենայն ժողովուրդն ի Գաղգաղա, եւ օծ անդ Սամուէլ զՍաւուղ ի թագաւոր՝՝ առաջի Տեառն ի Գաղգաղա. եւ զոհեցին անդ զոհս խաղաղականս առաջի Տեառն. եւ ուրախ եղեւ անդ Սամուէլ եւ ամենայն ժողովուրդն յոյժ։

ԹԱԳԱՒՈՐՈՒԹԵԱՆՑ ԱՌԱՋԻՆ 15:28

Եւ ասէ ցնա Սամուէլ. Պատառեաց Տէր զթագաւորութիւնդ ի ձեռաց քոց յԻսրայելէ այսօր, եւ տացէ զդա ընկերի քում լաւագունի քան զքեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:1

Եւ ասէ Տէր ցՍամուէլ. Մինչեւ յե՞րբ սուգ առնուս ի վերայ Սաւուղայ. եւ ես անարգեցի զնա չթագաւորել ի վերայ Իսրայելի. լից զեղջեւր քո իւղով, եւ եկ առաքեմ զքեզ առ Յեսսէ մինչեւ ցԲեթղեհեմ՝՝. զի տեսի ես յորդւոցն նորա թագաւորել ինձ ի թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 16:3

եւ կոչեսցես զՅեսսէ ի զոհն. եւ ցուցից քեզ զինչ առնիցես. եւ օծցես զոր ես ասացից քեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 23:18

Եւ ուխտեցին ուխտ երկոքեան առաջի Տեառն։ Եւ նստէր Դաւիթ ի նորումն. եւ Յովնաթան գնաց ի տուն իւր։

ԹԱԳԱՒՈՐՈՒԹԵԱՆՑ ԱՌԱՋԻՆ 28:17

եւ արար ընդ քեզ Տէր որպէս խօսեցաւ յիմ ձեռն. եւ պատառեսցէ Տէր զթագաւորութիւնդ ի ձեռաց քոց, եւ տացէ զդա ընկերի քում Դաւթի։