ՄՆԱՑՈՐԴԱՑ ԱՌԱՋԻՆ 10:7 - Գրաբար Աստվածաշունչ (1895)

⁷ Եւ ետես ամենայն այր Իսրայելի որք ի հանգրուանսն էին, եթէ փախեաւ Իսրայէլ եւ եթէ մեռան Սաւուղ եւ որդիք նորա, թողին զքաղաքս իւրեանց եւ փախեան, եւ եկին այլազգիքն եւ բնակեցան ի նոսա։

ՄՆԱՑՈՐԴԱՑ ԱՌԱՋԻՆ 10:7 Iomraidhean Croise

ՄՆԱՑՈՐԴԱՑ ԱՌԱՋԻՆ 10:6

Եւ մեռան Սաւուղ եւ երեքին որդիքն իւր յաւուր յայնմիկ՝՝, եւ ամենայն տուն նորա միանգամայն մեռան։

ՄՆԱՑՈՐԴԱՑ ԱՌԱՋԻՆ 10:8

Եւ եղեւ ի վաղիւն եկին այլազգիքն կողոպտել զվիրաւորսն, եւ գտին զՍաւուղ եւ զորդիս նորա անկեալս ի լերինն Գեղբուայ.

ՂԵՒՏԱԿԱՆ 26:31

Եւ արարից զքաղաքս ձեր աւերակս, եւ թափուր արարից զսրբութիւնս ձեր, եւ ոչ հոտոտեցայց ի հոտ զոհից ձերոց։

ՂԵՒՏԱԿԱՆ 26:36

Եւ ի վերայ մնացելոցն ի ձէնջ ածից դողումն ի սիրտս նոցա յերկրի թշնամեացն իւրեանց. եւ հալածեսցէ զնոսա ձայն տերեւոյ խարխափելոյ, եւ փախիցեն որպէս որ փախչիցին ի պատերազմէ, եւ անկանիցին առանց ուրուք հալածելոյ։

ԵՐԿՐՈՐԴՈՒՄՆ ՕՐԻՆԱՑ 28:33

Զբերս երկրի քո եւ զամենայն վաստակս քո կերիցէ ազգ զոր դու ոչ գիտիցես, եւ եղիցես զրկեալ եւ խորտակեալ զամենայն աւուրս.

ԵՐԿՐՈՐԴՈՒՄՆ ՕՐԻՆԱՑ 28:43

Եկն որ ի քեզ իցէ, ելցէ քան զքեզ վեր ի վեր, եւ դու իջցես վայր ի վայր.

ԴԱՏԱՒՈՐՔ 6:2

Եւ զօրացաւ ձեռն Մադիամու ի վերայ Իսրայելի. եւ արարին իւրեանց որդիքն Իսրայելի յերեսաց Մադիամու գոմս ի լերինս եւ յայրս եւ յամուրս՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 13:6

Եւ ետես այր Իսրայելի եթէ անձուկ է նմա մերձենալ առ նա՝՝, եւ թաքեաւ ժողովուրդն յայրս եւ ի գոմս եւ ի վէմս եւ ի խորխորատս եւ ի ջրհորս.

ԹԱԳԱՒՈՐՈՒԹԵԱՆՑ ԱՌԱՋԻՆ 31:7

Եւ իբրեւ տեսին արք Իսրայելի որ յայնկոյս հովտացն եւ որ յայնկոյս Յորդանանու, եթէ փախեան արք Իսրայելի, եւ թէ մեռաւ Սաւուղ եւ որդիք նորա, թողին զքաղաքս իւրեանց եւ փախեան, եւ ելին այլազգիքն եւ բնակեցան ի նոսա։