2 ತಿಮೊತಿ 1:10 - गवली उनाई नियम

¹⁰ पेनो नका आलेगा उध्दार दडामिठाच मसीह यीशु जो आलेके आराकोम्बा होय इनी दुनिया गेन हेन एठा आले लिंजेन हेजा गा कृपा डाके, डीचनी गुजू गा शक्तीगा नाशो डाके एठा अच्छा खाबोर गा द्वारा आलेके हमेशा गा जीवन गा कोरा घाल्ले।

ದೆವಾಚಿ ಖರಿ ಕಬರ್ ನವಾ ಕರಾರ್

¹⁰ ಫನ್ ಆತಾ ಆಮಚಾ಼ ರಾಖನ್ದಾರ್ ಜಾ಼ಲ್ಯಾಲಾ ಕ್ರಿಸ್ತ ಯೇಸು ದಿಸತ್ಯಾಲ್ಯಾಸ್ ಲಾಗುನ್ ತ್ಯನಿ ಮರಾನ್ ನಾಸ್ಕೇಲಾ ಆನಿ ಜೀವ್ ಆನಿ ಮರ್ನಾತ್ನಿ ಜಿತ್‌ಲ್ಯಾಲಾ ಬರೆ ಖಬರಿಸ್ನಿ ಮನ್ಹುನ್ ದ್ಯಾವ್‌ಲ್ಯಾ.

2 ತಿಮೊತಿ 1:10 Iomraidhean Croise

लूका 11:36

इनिघल्जी अगर अमा सेबाई कोम्बोर उजाला होय, एठा डेगा तुनिकाभी भागो अंधरान बाऊ होय, मेटे सेबाई कोम्बोर येनेगो उजालाऊबा, जैसा म्या दिवा जुलू लठ्ठाका हेजा चमकातिंजू टे आमके उजाला जेबा होय।

लूका 13:7

मेटे डीचनी बागीचा गा जागली मिठाजा टे मंडीके, डोगे आफाई साल टे इंज इनी अंजीर गा सिंज गेन फल घगाटा हेजेवा, पेनो बान घाटाऊ, इनिके म्हागे चोयाकी येटेन अच्छा ओटे के बर्बाद डे लक्के होय।”

लूका 2:11

डीच येटेन टैंज बैतलहम गेन होय, जो कि राजा दाऊद गा पूरा होय, आपे घल्जी म्या उध्दार दडामिठाच डायेन होय। डीचका मसीह प्रभु होय।

ಯೊಹಾನ್ 1:9

देटेन जो सच्चो उजाला होय, हरेक कोरो के उजालएच्बा होय, देटेन दुनियान हेजेमिठाच डा।

ಯೊಹಾನ್ 14:6

यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु।

ಯೊಹಾನ್ 20:31

पेनो इनी इनिघल्जी ओलके मेना होय कि आपे विश्वास डाएका लक्कू, कि यीशु का परमेश्वर गा कोणटे, मसीह होय। एठा दिया लिंजेन विश्वास डा टे हमेशा गा जीवन घटायु।

ಯೊಹಾನ್ 4:42

एठा कुरकू नी डी जापाएटे मंडीके, “नका आले अमागा मंडीटेका विश्वास बान दडा, चोयाकी आलेनी खुद का आजुम्जे एठा मलूम होय कि इनिज्का सच्चोनका दुनिया गा कुरकू गा उध्दार दडामिठाच, मसीह होय।”

ಯೊಹಾನ್ 5:40

फिरभी आपे हमेशा गा जीवन घटाऊ घल्जी इंजा मेरान हेजे बान चाहतावा।

ಅಪೊಸ್ತಲ್ 13:23

दियागा का कोणकु तलाटे परमेश्वर नी कसोम गा रोंगो इस्राएली कुरकू गा मेरान म्या उध्दार दडामिठाच, मतलब यीशु के कुल्केनेच

ಅಪೊಸ್ತಲ್ 5:31

डीचके का परमेश्वर नी प्रभु एठा उध्दार दडामिठाच ठहरातिंजटे हेजा गा जेवना टी टे खाट आरुकेनेच, ताकी इस्राएली कुरकू इकुगा बुरा सोच-बिचारनौर एठा कोरानौर टे परमेश्वर गा कोनेन मोराएन एठा दियागा द्वारा आपना पापो टे मापोएकेच होना।

रोमियो 16:26

पेनो नका ओटटे सनातन परमेश्वर गा हुकूम टे परमेश्वर गा कोनेटे मंडीमिंकू गा पवित्र ग्रंथ गा द्वारा दान सेबाई जाटोकु के घाल्के होय, कि दिकु विश्वास टे हुकूम ममानातिंज मिंकू आरुयु।

रोमियो 2:7

जो कुरकू अच्छा कामय दडा लक्कूवा होय, एठा महिमा गेन मजबूत थंदळवा होय, एठा आदर एठा अमर जीवन चाहतावा होय दिकुके परमेश्वर हमेशा गा जीवन जेबा।

रोमियो 3:31

मेटे चोच आले मूसा गा नियम के विश्वास गा द्वारा वोया ठहरातिंजेवा होय? बाने! बिलकुल बाने! पेनो आले नियम के पक्काएवा होय।

रोमियो 6:6

एठा आले हाडाई होय कि आलेगा जुना पापी स्वभाव के मसीह गा सेंग्गोन दियागा क्रूस लिंजेन गुजू गा घल्जी येंडाके मेना होय, ताकी पापी स्वभाव गा शक्ती नाशोयु एठा आले नका पापो गा भाग्य बान आरु।

1 ಕೋರಿಂಥ್ 15:26

सेबाई टे अखिरीन नाशो डाऊ मिनी, दुश्मान गुजू होय।

1 ಕೋರಿಂಥ್ 4:5

इनिघल्जी जब टाएन प्रभु बान हिरा मेटे टाएन जेका गा न्याय बाकी दडा। डीका अन्धकार गेन उखुके मिनी बातो के उजाला गेन साकोम्बा एठा कोरोकु गा दिल गा उखु मकसदनौर के ओडेवा। डी टेमो हर म्याखोम के परमेश्वर गा कोनेटे बढाई घाटाऊवा।

2 ಕೊರಿಂಥ 5:4

आले इनी डेरा गेन थंदळ टेमो ओजाटे दबातिंजू लठ्ठाका तळपातिंजुवा होय, चोयाकी जुना कपळे आगुरोए बिना आले दियागा मठान उनाई कपळे उरी चाहतावा होय, देटे जो नाशोऊ मिनी होय, डीच हमेशा गा जीवन गेन बदलातिंजू।

गलातियों 5:4

अगर आम खुदके धर्मी आरु गा घल्जी मूसा गा नियम लिंजेन निर्भर थंदळ चाहतावा होय, मेटे आपेनी मसीह टे आपना संबंध टुक्काके एठा परमेश्वर गा कृपा के आटके मेना होय।

इफिसियों 1:18

इंज इनी भी प्रार्थना दडावा मेना कि सच्चाई के समझातिंजू गा घल्जी डीच आपेगा मदत डाकी, ताकी आपे चिनाया होनाकी आपेगा हाकोऊ गा आसा चोच होय, एठा परमेश्वर गा कुरकू गा घल्जी दियागा वादा डाके मिनी आशीर्वाद नौर चोटो महान एठा महिमा टे भेट्टिके होय।

इफिसियों 1:9

परमेश्वर नी हेजा इच्छा गा भेदो आले लिंजेन हेजा भला मकसद गा रोंगो ओटके डा, जो डीचनी मसीह गा द्वारा डी कामय के पूरा दडा गा घल्जी ठहरातिंजके डा।

2 ತೆಸಲೊನಿಕ್ 2:8

मेटे डीच बुरा ओटबा, पेनो जब प्रभु यीशु हेजेवा, डीच डी बुराई टे व्यवहार के हेजा गा चाबु गा होलोम टे घोजेज्बा एठा हेजा गा डाबोलटे हेजे गा तेजोमय शक्तीटे राखोएच्बा।

2 ತಿಮೊತಿ 1:1

इंज पौलुस, परमेश्वर गा इच्छा गा रोंगो यीशु मसीह गा कलामके मिठाच चेला मेना। इंज्के डी हमेशा गा जीवन गा प्रचार दडा कुलकेमी होय, जो मसीह यीशु लिंजेन विश्वास दडा गा द्वारा परमेश्वर नी जिऊ गा वादा डाके होय। इंज इनी पत्र तीमुथियुस के ओल्बा मेना जो इंजा प्रिय कोण गा रोंगो होय।

2 ತಿಮೊತಿ 1:8

इनी वोजीटे प्रभु यीशु गा गवाही कुरकू के गघाल टे सेरोम बाकी होना, एठा नका इंजा वोजीटे सेरोमजु होना कि इंज मसीह यीशु गा सेवा गा वोजीटे जेलेनके मेना। पेनो डी शक्तीके इस्तमाल डाए जो परमेश्वर नी आमके जीके होय एठा अच्छा खाबोर गा घल्जी इंजा सेंग्गोन कासु टूले।

2 ತಿಮೊತಿ 4:1

जब मसीह यीशु म्या राजा गा रोंगो हेजेवा, डीच डी कुरकू गा न्याय डाएवा जो जीटा कुरकू होय एठा गोएन भी होय इनिघल्जी इंज परमेश्वर एठा मसीह यीशु गा स्वर्ग गा राज्यके गवाह मनातिंजटे आमके हुकूम जेबा मेना,

2 ತಿಮೊತಿ 4:8

नका परमेश्वर नी इंजा घल्जी स्वर्ग गेन म्या ईनाम डोके होय, चोयाकी इंज म्या धार्मिक जीवन बितातिंज्बे मेना देटे परमेश्वर खुशोके होय, प्रभु जो धार्मिकता गा सेंग्गोन फैसला डाएवा, जब डीच दुनिया गा फैसला दडामिठाच हेजेवा, मेटे डीच इंज्के डी मुकूट जेबा। पेनो डीच डी ईनाम बस इंज्के का बान जिऊ, बनकी हरेक कोरो के जेबा, जोभी सब्री टे दियागा हिरा गा इंतजार दडावा होय।

तीतुस 2:11

चोयाकी परमेश्वर नी हेजा कृपा सेबाई कुरकू गा उध्दार गा घल्जी ओटके मेना होय।

तीतुस 2:13

एठा डी धन्य दिन गा कोरा डोगे, जो आलेगा आसानौर पूराऊवा एठा आलेगा महान परमेश्वर एठा उध्दार दडामिठाच यीशु मसीह गा महिमा ओटजू होना।

तीतुस 3:4

पेनो जब आलेगा उध्दार दडामिठाच परमेश्वर गा कृपा एठा कोरोकु लिंजेन दियागा प्यार ओटजे,

ಇಬ್ರಿಯ 10:32

आपे कुरकू डी बितातिंजके दिन गा बारेन सोचातिंजे जब आपेनी पेला बार मसीह गा बारेन इथूके डा। यादो डोए कि आपे चोफर टे वफादार आरुके, यादो डोकी कि तुनी खिजा आपे भायनक तक्लिप सेहेसेन गा बादोन भी विश्वास लायको आरुका थंदळे।

2 पतरस 1:1

इंज, शमौन पतरस, मसीह यीशु भाग्य एठा कलामके मिठाच चेला इनी पत्र दिकु सेबाईकु के ओल्बा मेना दिकुनी आलेगा परमेश्वर एठा उध्दार दडामिठाच प्रभु यीशु मसीह गा धार्मिकता गा द्वारा आलेगा सम्मान कास विश्वास हासिलके होय।

2 पतरस 1:11

एठा इनी कि परमेश्वर आपेगा हेजा राज्य गेन खाट आदर गा सेंग्गोन स्वागत डाएवा देटेन यीशु मसीह होय, जो आलेगा प्रभु एठा उध्दार दडामिठाच होय, जो हमेशा गा घल्जी राजा गा रुपो गेन राज्य डाएवा।

2 पतरस 1:3

एठा आलेगा परमेश्वर के चिचना गा परिणाम रुपो डीचनी आलेके डीच ईश्वरीय शक्ती जिले होय जो दियागा मेरान होय। इनिघल्जी आलेगा मेरान डी सेबाई होय, डेगा आलेन आत्मिक जीवन बिबतातिंज गा घल्जी जरुरी होय। डीचनी हेजा महिमा एठा भालाई गा वोजीटे आलेके हेजा कुरकू आरु गा घल्जी कालमकेमी होय।

2 पतरस 2:20

जब दिकुनी यीशु मसीह के आपना प्रभु एठा उध्दार दडामिठाच गा रुपोन चिनाएजेनेच, मेटे डी कुरकू दुनिया गा बुरा कामय टे बचातिंजटे ओटके। पेनो नका म्या बार डाबोलटे दिकु बुरा कामय दडा गेन लगातिंजे होय एठा दिकु बुरा कामय नका दिकुके काबू डोकुवा होय। इनिघल्जी नका मसीह के इंकार दडा गा बादोन दिकुगा आखरी हाल दिकुगा विश्वासी आरुटे पेला गा हाल टे भी बुरा डाएन होय।

2 पतरस 3:18

बनकी इनी खिजाटे जीवन बितातिंजे, कि आपे आलेगा उध्दार दडामिठाच यीशु मसीह गा प्रति एठा जादाटे जादा कृपा गेल्ला रुपोटे कामय डाए एठा इनी कि आपे डीचके एठा जादा अच्छा तरीका टे चिनाया होना। दियागा का महिमा नका एठा हमेशा डाऊ चाले। आमीन।

2 पतरस 3:2

इंजा मकसद इनी होय, कि आपे डी वचननौर के यादो डोए, डेगा घोषणा पेलाका परमेश्वर गा कोनेटे मंडीमिंकू नी डाके डा। एठा इनी कि आपे डी हुकूमनौर के भी यादो डोए जो आलेगा प्रभु एठा उध्दार दडामिठाच गा कोनेटे हेन होय। आपेनी दियागा हुकूमनौर के आलेटे मतलब दियागा कलामके मिंकू चेलाकू टे आजुम्के होय, जो आपेगा मेरान खाबोर के साटे हेन डा।

1 ಯೊಹಾನ್ 1:2

इनी जीवन ओटके मेना, एठा आलेनी डीच यीशु के डोकेनेच, एठा दियागा गवही जेबा होय, एठा आपेके डी हमेशा गा जीवन गा अच्छा खाबोर घालेवा होय, जो बाटे गा सेंग्गोन डा एठा आले लिंजेन ओटके मेना।

1 ಯೊಹಾನ್ 4:14

आलेनी कोण के डोकेनेच भी एठा गवही जिऊवा होय, कि परमेश्वर बाटे नी कोण के दुनिया गा कुरकू गा उध्दार दडामिठाच डाऊ घल्जी कुल्केनेच होय।

ದರ್ಶಾನ್ 18:1

येनेगा बादोन इंज्नी म्या दूसरा स्वर्गदूत के स्वर्ग टे आगुरुटे डोके। दियागा मेरान खाट हाक डा एठा दियागा खाट चमकातिंजू वोजीटे पूरा पृथ्वी उजालाएन।

ದರ್ಶಾನ್ 2:7

हर जेका जो इंजा खाबोर के समझातिंजू चाहतावा होय, दियेन डी बातो के ध्यान टे आजुम होना, जो पवित्र आत्मा मसीह गा मंडलीनौर टे मंडीवा होय। जो बुराई लिंजेन जीटाऊ हासिलजू, दिकुके इंज जीवन गा सिंज टे फल जोम गा हाक जेबा, जो परमेश्वर गा बगिचान होय।”

ದರ್ಶಾನ್ 20:14

डी सेबाई कुरकू दिकुगा जीमू जीवन गा पुस्तक गेन बान ओलडुका मेना डा, दिकुके सिंगेल गा समुद्र गेन टेप्पाकेकु मेना, येनेगा बादोन नका गुजू बाऊ होय, नका गोएन मिंकू गा तुनिका जगा बाऊ होय, चोयाकी दिकु सेबाई कुरकू दिकुगा जीमू जीवन गा पुस्तक गेन बान ओलडुका मेना डा दिकुके सिंगेल गा समुद्र गेन टेप्पाकेकु मेना इनिके का दूसरा गुजू मंडीवा मेना होय, जो कि सिंगेल गा समुद्र गेन दण्डो होय। येनेगा बादोन गुजू एठा पातल, बाएरा भी के सिंगेल कुंड गेन येंडाकु मेना। इनी सिंगेल कुंड दूसरा गुजू होय। जेगा जीमू जीवन गा पुस्तक गेन ओल्के मिनी बान घाटाडुका, डीच सिंगेल कुंड येंडाकेनेच मेना।

ದರ್ಶಾನ್ 22:14

धन्य होय दिकु, जो हेजा गा स्वभाव रुपो कपळे आबुंजबा होय, दिकु हमेशा गा जीवन गा अधिकारी आरुवा एठा फाटाको टे सेने टे पूरा गेन मुवा।

ದರ್ಶಾನ್ 22:17

परमेश्वर गा आत्मा एठा मेंडा कोंटे गा निवरी जो मसीह गा मंडली होय, डीच यीशु टे मंडीवा होय, “आमके जरुरटे हेजे होना।” हर म्याखोम जो इनी आजुम्बा होय, दियेन भी इनी मंडी होना, “हेजे!” जो जेकाभी डा ताटाम होय दियेन हेजे डो डी डा के मनेन दडा होना जो उदारता टे जीवन जिऊवा होय।