1 ತಿಮೊತಿ 3:16 - गवली उनाई नियम

¹⁶ येनेन तुनिका शक बाऊ, कि आलेगा भक्ति गा भेदो चोटो गंभीर होय, मसीह कोरो गा रुपोन ओटजे मेना, डीच पवित्र आत्मा गा द्वारा परमेश्वर गा कोणटे साबित डाएन, एठा स्वर्गदूतकुन डोके। महिमा गेन स्वर्ग गेन टूलजेनेच, अलग्गो जाटो गेन दियागा प्रचार डायेन, एठा दुनिया गा कुरकू नी दियागा लिंजेन विश्वास डाके।

ದೆವಾಚಿ ಖರಿ ಕಬರ್ ನವಾ ಕರಾರ್

¹⁶ ಆಮ್ಚಾ ದೇವಾಪ ಭಕ್ತಿಚಾ ಜೀವ್ನಾಚಿ ಖರಿ ಗುಟ್ ಗಂಬಿರ್ ಜಾ಼ಲ್ಯಾಲಿ ಮನ್ಹುನ್ ಆಮಿ ಸಗ್ಳಿ ಮ್ಯಾನ್ತಾವ್, ತ್ಯ ಕ್ಯಾ ಮಂಜೆ- ಕ್ರಿಸ್ತ ಮಾನ್ಸಾಚಾ ರುಪಾತ್ ದಿಸ್ಲಾ ಆನಿ ಆತ್‍ಮ್ಯಾನಿ ತ್ಯಲಾ ಖರ ದಾವುನ್ ದಿಲ ದೇವ್ ದುತಾಸ್ ಲಾಗುನ್ ದಿಸ್ಲಾ ಲೊಕಾಂಚೆ ಮದ್ದಿ ಸಾಂಗ್ಲ. ದುನೆನಿ ತ್ಯಚಿವ ಇಸ್ವಾಸ್ ಥೆವ್ಲಾ ಆನಿ ಮೈಮೆನಿ ತ್ಯಲಾ ಸ್ವರ್ಗಾತ್ ಉಚ಼ಲ್ಲಾ.

1 ತಿಮೊತಿ 3:16 Iomraidhean Croise

ಮತ್ತಾಯ್ 1:23

“डोगे म्या सळाका तराई लाज हेजेवा एठा म्या सानी पोट्टा डाऊवा, एठा दियागा जीमू इम्मानुएल डोएबा” डेगा मतलब होय परमेश्वर आलेगा सेंग्गोन।

ಮತ್ತಾಯ್ 13:11

डीचनी जवाब जीके, “कि आपेके परमेश्वर नी हेजा राज्य गा बारेन सच्चाई गा समझातिंजू गा जिले होय, पेनो दिकुके बाने।

ಮತ್ತಾಯ್ 28:2

मेटे अचानक म्या खाट भूकंपा डायेन एठा प्रभु गा म्या स्वर्गदूत स्वर्ग टे आगुरुके, एठा मेरान हेंडो डीचनी घोटाके धिकलीके डा, एठा डे लिंजेन सुबानजे।

ಮತ್ತಾಯ್ 3:16

एठा यीशु यूहन्ना गा द्वारा बपतिस्मा साटे जैसा डा टे ओलेट जेडो बल्लान हेन, एठा डोगे, दियागा घल्जी बदळा खुल्लायेन होय, एठा डीचनी परमेश्वर गा आत्मा के कबूत्तर गा रोंगो आगुरुटे एठा हेजा माठा टे हेजे डोके।

ಮತ್ತಾಯ್ 4:11

मेटे शैतान यीशु गा मेराटे ओले, एठा डोगे, स्वर्गदूत दियागा सेवा दडा लज्जे।

ಮಾರ್ಕ್ 1:13

सुनसान जगान नी चालीसो दिन एठा चालीसो रातो टाएन, मेटे शैतान नी डीचके अंदाजोएच लक्के डा। एठा देटेन जानवरकु गेलटा पेळाके डा, एठा स्वर्गदूत दियागा ध्यान दोडो गा वोजीटे सेवा दडा लज्जे।

ಮಾರ್ಕ್ 16:19

मेटे प्रभु यीशु इनी सेबाई बातो के मंडी गा बदोन स्वर्ग लिंजेन टूलजेनेच। एठा परमेश्वर गा जेवना कोनेन सुबानजे।

ಮಾರ್ಕ್ 16:5

मेटे गुफा गा मर्गोटो तलान ओलेडो दिकुनी म्या जवानके पुलूम कपडे उरीटे डाखुरी गगाळातिंज गा गुफा कोनेन सुबंटे डोके एठा ठायका बिचारजे।

लूका 2:32

कि देटेन अलग्गो जाटो गा कुरकू लिंजेन परमेश्वर के ओटमिनी उजाला आरुयु, एठा आम इस्राएली कुरकू गा घल्जी महिमा होय।”

लूका 20:44

दाऊद नी भी मसीह के प्रभु मंडीटे जीमू मेटे डीच दाऊद कोण टोनोगो डाऊवा होय।” यीशु इथू आजुमटे म्या खाट घोंजा खुशी ममानातिंज लक्के डा।

लूका 22:43

मेटे स्वर्ग टे म्या स्वर्गदूत दियेन डोएन जो डीचके शक्ती जे डा।

लूका 24:4

मेटे दिकु इनी बातो टे बिचार लज्जे डा मेना मेटे डोगे, बरी किंज जवानके पुलूम कपडे उरीटे दिकुगा मेरान हेन टेगेनजे मेना,

लूका 24:51

दिकुके आशीर्वाद जिऊ लठ्ठाका देटेन दिकुटे अलग्गोयेन एठा स्वर्ग लिंजेन टूलजेनेच।

ಯೊಹಾನ್ 1:14

डी वचन कोरो आरोएन, देटेन कृपा एठा सच्चाई टे भेट्टी टे आलेगा तलान थंदळके। आलेनी दियागा एगो महिमा डोके, डेंगोका परमेश्वर बाटे कोनेटे हेके मिनी म्याका कोण गा महिमा।

ಯೊಹಾನ್ 13:3

यीशु इनी मालूम डा, कि बाटे परमेश्वर नी सेबाईका दियागा टी गेन जीके होय। एठा येटेन कि देटेन परमेश्वर गा मेराटे हेन होय एठा परमेश्वर गा मेरान चेल्के होय।

ಯೊಹಾನ್ 15:26

इंज बाटे कोंटे आपेगा घल्जी म्या मदत मिठाच के कुलेच्बा। डी आत्मा जो बाटे गा कोंटे हेजेवा एठा जो सच्चो होय डीके ओडेवा होय। जब डीच हेजेवा, मेटे देटेन आपेके इंजा घालेवा।

ಯೊಹಾನ್ 16:28

इंज बाटे कोंटे दुनिया गेन हेन मेना, डाबोलटे दुनिया के आराटे बाटे गा मेरान डाबोलटे सेनेवा।”

ಯೊಹಾನ್ 17:5

नका, हे बाटे अमा थंदळ गेन इंजा महिमा डाए, डीका महिमा जो दुनिया के आरुटे पेला अमा सेंग्गोन थंदळ टेका इंजा मेरान डा।”

ಯೊಹಾನ್ 20:12

बरी स्वर्गदूत किंज्के पुलूम कपळे उरीमिनी म्याखोम के कपार गा जगा मेरान एठा दूसरा नंगा गा जगा मेरान सुबानटे डोकेकु, देटेन यीशु गा गोएन कोम्बोर डोके मेना डा।

ಯೊಹಾನ್ 6:62

अगर आपे कोरो गा कोण के देटेन डीच पेला डा, देटेन मठान सेने टे डोगेवा मेटे चोच डाऊवा?

ಅಪೊಸ್ತಲ್ 1:19

यरूशलेम शहर गा सेबाई कुरकू एने बारेन चिनाये, इनिघल्जी डी कुरकू डी जगा के इकुगा भाषा गेन हकलदमा मतलब पचना गा खिटी मंडी लज्जे।

ಅಪೊಸ್ತಲ್ 10:34

मेटे पतरस नी दिकुटे मंडीके, “नका इंजेन मालूमजेकी परमेश्वर जेका गा हिंजमान बाने,

ಅಪೊಸ್ತಲ್ 14:27

अन्ताकिया शहर गेन आदिरटे दिकुनी मसीह गा मंडली के गोलाकेकु डो एठा घाल्के, कि परमेश्वर नी आलेगा सेंग्गोन थंदळ टे टोनोगो खापेट-खापेट कामय डाके। एठा टोनोगो परमेश्वर नी अलग्गो जाटो गा कुरकू के यीशु लिंजेन विश्वास दडा गेन लायको आरुकेकु।

ಅಪೊಸ್ತಲ್ 20:28

इनिघल्जी आपना एठा सेबाई गर्दी चौकासी डाए। जेटे पवित्र आत्मा नी आपेगा मुख्या ठहरातिंजकेमी होय कि आपे परमेश्वर गा मसीह गा मंडली गा जागली मिठाच। येटे गर्दी डीचनी हेजा गा पचना टे मोलाटे सावे होय।

रोमियो 10:12

यहूदी कुरकू एठा अलग्गो जाटो गा कुरकू गेन तुनिका भेदो बाने, इनिघल्जी कि परमेश्वर सेबाईकु गा प्रभु होय। एठा आपना सेबाई प्रार्थना दडामिंकू गा घल्जी उदारी होय यूनानी गेन चोच्क भेद बाने इनिघल्जी कि देटेन सेबाईकु प्रभु होय येन आपना सेबाई जीमू सा मिठाच गा घांजी उदार होय।

रोमियो 10:18

पेनो इंज मंडीवा मेना, चोच इस्राएल गा कुरकू नी मसीह गा खाबोर बान आजोमडुका? दिकुनी जरुर आजुम्के होय चोयाकी पवित्र ग्रंथ गेन ओल्के, “दिकुगा वचन सेबाई पृथ्वी लिंजेन, एठा दियागा वचन दुनिया गा हारेक जगह टाएन आदिरजे होय।”

रोमियो 16:25

डी परमेश्वर गा स्तुति डायु, जो आपे कुरकू के इंजा अच्छा खाबोर यानेकी यीशु मसीह गा खाबोर गा रोंगो आपेन विश्वास गेन मजबूत आरुकोम्बा होय। डी भेदो गा उजाला गा रोंगो जो सनातन टे उखुके डा।

रोमियो 16:26

पेनो नका ओटटे सनातन परमेश्वर गा हुकूम टे परमेश्वर गा कोनेटे मंडीमिंकू गा पवित्र ग्रंथ गा द्वारा दान सेबाई जाटोकु के घाल्के होय, कि दिकु विश्वास टे हुकूम ममानातिंज मिंकू आरुयु।

रोमियो 3:4

बाने! बिल्कुल बाने! पेनो परमेश्वर हमेशा सच्चो होय एठा हरेक कोरो लबाळ होय, जैसा पवित्र ग्रंथ गेन परमेश्वर गा बारेन ओल्के होय, “देटे आम आमगा बातो गेन धर्मी ठहरातिंजू, एठा न्याय दडा टेमो आम जीटायु।”

रोमियो 8:3

चोयाकी जो कामय मूसा गा नियम आलेगा पापोमय स्वभाव टे कामजोर रोंगो टे बान दडुका, डीके परमेश्वर डाके, मतलब हेजा कोणटे के आलेगा रोंगो पापोमय कोम्बोर गेन, आलेगा पापो गा घल्जी बलिदान डाऊ गा घल्जी कुल्केनेच। एठा परमेश्वर नी हेजा कोणटे गा कोम्बोर गा द्वारा पापो गा शक्तीके टुक्काके।

रोमियो 9:5

महान जुना सनाकु अब्राहम, इसहाक एठा याकूब दिकुगा का होय एठा कोम्बोर गा नाते मसीह दिकुका तालाटे होय। परमयाजक परमेश्वर गा हमेशा-हमेशा स्तुति डायु। आमीन।

1 ಕೋರಿಂಥ್ 15:47

आदम, जो कि पेला कोरो होय, डी धरती गा कासा टे आरुके मेना डा। एठा मसीह, जो कि दूसरा कोरो होय, स्वर्ग टे हेन होय।

1 ಕೋರಿಂಥ್ 2:7

आले परमेश्वर गा डी रहस्यमय ज्ञान एठा मकसद गा बातो दडावा होय, जो आए टाएन उखुके मेना डा। येनेटे पेला कि परमेश्वर नी पृथ्वी आरुके, डीचनी पेलाटेका निर्णय सावे डा, कि दियागा ज्ञान आलेके महिमा जे चालेवा।

2 ಕೊರಿಂಥ 1:19

चोयाकी परमेश्वर गा कोण यीशु मसीह दियागा प्रचार आलेगा द्वारा मतलब इंजा एठा डाई सिलवानुस एठा डाई तीमुथियुस गा द्वारा आपेगा तालान डाएन, देटेन प्रचार चोलाका “हा” या चोलाका “न” बाने पेनो परमेश्वर गेन हमेशा “हा” का थंदळके होय।

गलातियों 2:8

चोयाकी जो परमेश्वर नी पतरस के यहूदी कुरकू गा तालान कलामके मिठाच चेला आरुटे दियागा द्वारा सेवा गा कामय डाके, डीचकानी इंज्के अलग्गो जाटो गा कुरकू गा तालान कलामके मिठाच चेला आरुटे इंजा द्वारा सेवा गा कामय डाके।

गलातियों 4:4

टेमो पुराऊ लिंजेन परमेश्वर नी हेजा कोणटे के कुल्केनेच। डीचनी म्या जापाए गा द्वारा जनम सावे एठा डीच मूसा गा नियम गा हात टाल्लेन ओटजे मेना।

इफिसियों 1:9

परमेश्वर नी हेजा इच्छा गा भेदो आले लिंजेन हेजा भला मकसद गा रोंगो ओटके डा, जो डीचनी मसीह गा द्वारा डी कामय के पूरा दडा गा घल्जी ठहरातिंजके डा।

इफिसियों 6:19

एठा इंजा घल्जी भी प्रार्थना डाए, कि जब इंज घागल गा घल्जी तैयारुवा, मेटे परमेश्वर इंज्के म्या खाबोर जेबा, ताकी इंज हिम्मत टे घागल होना एठा अच्छा खाबोर गा उखु बातो घल्की होना।

ಕೊಲೊಸ್ಸೆ 1:23

पेनो आपेन नी विश्वास गा आधार लिंजेन पक्का एठा अटल आरुका थंदळ होना एठा डी अच्छा खाबोर गा आसा के डीके आपेनी आजुम्के होय बाकी आरा, एठा डेगा खाबोर बदळा इटान सेबाई दुनियान डाके होय, एठा डेगा इंज पौलुस सेवक आरोएन।

ಕೊಲೊಸ್ಸೆ 1:27

परमेश्वर नी दिकुके घागल चाहताके डा ताकी दिकु चिनाया, कि अलग्गो जाटोनौर गेन डी भेदो गा महिमा मूल्य चोच होय एठा डी भेदो इनी होय, कि मसीह जो महिमा गा आसा होय आपेन नी थंदळवा होय।

ಕೊಲೊಸ್ಸೆ 1:6

डीके आजुमटे घोनेचका कुरकू विश्वास दडा लक्के होय एठा अच्छा खाबोर दुनिया गें फैलातिंजू लक्के होय। एठा इनी बातो के नका पूरा खिजाटे समझातिंजे होय, कि परमेश्वर चोटो कृपा मिठाच होय। इनी डीका जो आपेगा तालान डी टेमो टे डाऊ लक्के होय जब आमनी पेला बार खाबोर आजुम्के डा।

ಕೊಲೊಸ್ಸೆ 2:2

इंज इनी दडावा मेना, ताकी दिकुन आरी घाटायु एठा प्यार टे इकु-इकून जुळतिंज थंदळे, एठा दिकु ज्ञान गा सेबाई डामा हसिलजा होना एठा दिकुके परमेश्वर बाटे गा उखु योजना गा बारेन पूरा समझो होना, जो खुद मसीह होय।

2 ತೆಸಲೊನಿಕ್ 1:10

इनी डी दिन डाऊवा, जब डीच हेजा गा चोखरा कुरकू टे महिमा गेन घाटाऊवा एठा सेबाई विश्वासी कुरकू गा तालान बढाई गा वाजा डाऊवा। आपे भी दिकुन बेल्लायु, चोयाकी आपेनी आलेगा खाबोर लिंजेन विश्वास डाके होय।

2 ತೆಸಲೊನಿಕ್ 2:7

चोयाकी बुरा कामय गा उखु बातो आए भी कामय दडावा होय, पेनो डी मेटे टाएन उखु थंदळवा जब टाएन खिलाफबेन दडामिठाच बान म्याधेळेनु।

1 ತಿಮೊತಿ 3:9

पेनो दिकु डी सच्चो खाबोर लिंजेन सपा मन गा सेंग्गोन विश्वास दडाका लक्कू होना, जो परमेश्वर नी ओटके होय।

ಇಬ್ರಿಯ 1:3

कोंटे परमेश्वर गा महिमा गा उजालाके ओडेवा होय, एठा डीच हर रोंगो टे सेबाई टे महान परमेश्वर गा खिजा होय। एठा डीच हेजा शक्तीशाली वचन गा द्वारा, सेबाई दुनिया के कामय दडा गेन मदत डाएवा होय। कुरकू के दिकुगा पापो गा मापो घाटाऊ संभव आरोए, एठा येनेगा बावजूद स्वर्ग गेन तेजो टे भेट्टिके परमेश्वर गा जेवना एठा सिंघासन लिंजेन सुबांजे मेना।

ಇಬ್ರಿಯ 12:2

मेटे हेजे आबु यीशु लिंजेन आबुगा नजर येंडाका डोकीवा, दिया लिंजेन आलेगा विश्वास पेलाटेका आखरी टाएन भोरोसा दडावा होय। डीचनी क्रूस गा वोजीटे हार बान मनातिंजडुका! येनेगा विपरीत, डी खुशी गा वोजीटे जो दियागा इंतजार दडा लक्के डा, डीचनी क्रूस लिंजेन गुजू गा अपमान के सेहेनजे, एठा परमेश्वर गा सिंघासन गा जेवना कोनेन सुबानजे।

ಇಬ್ರಿಯ 7:7

आले पक्का रुपोटे हाडाई होय, कि जो आशीर्वाद जेबा होय, डीच आशीर्वाद घाटाऊ मिठाच टे खाट डाऊवा होय।

ಇಬ್ರಿಯ 8:1

नका जो बातो आले मंडी लक्के होय, डी सेबाई टे खाट बातो इनी होय, आलेगा म्या येनोगो खाटयाजक होय, जो स्वर्ग गेन सेबाई टे महान परमेश्वर गा सिंघासन गा डाखुरी कोनेन सुबांके होय।

1 पतरस 1:12

पेनो परमेश्वर नी इनी परमेश्वर गा कोनेटे मंडीमिंकू के घाल्के कि दिकुगा खाबोर खुद गा घल्जी बाने बनकी आपेगा घल्जी डा। डी खाबोर यीशु मसीह गा बारेन अच्छा खाबोर होय जो आपेनी नका आजुम्के होय। परमेश्वर नी स्वर्ग टे हेजा पवित्र आत्मा कुल्केनेच कि आपे अच्छा खाबोर गा घागलेन कुरकू गा मदत डाए। इनी सेबाई येटो अचम्बो होय कि येटे टाएन कि स्वर्गदूत भी आरीटे इनी चीजो के डाऊ लठ्ठाका दोडो लक्के होय।

1 पतरस 1:20

इनी दुनिया गा आरुटे पेला, परमेश्वर नी इनी पक्काके मेना डा, कि यीशु मसीह आरामिठाच होंगा। एठा डीच आपेगा मदत दडा गा घल्जी इनी आखरी दिननौर गेन इनी दुनिया गेन हेन।

1 पतरस 1:21

यीशु मसीह नी जो आलेगा घल्जी डाके, दियागा वोजीटे आपेन का परमेश्वर लिंजेन विश्वास दडावा होय। डीचका परमेश्वर होय डीचनी यीशु मसीह के दियागा गुजू गा बादोन जीटाकेनेच एठा डीचके महिमा जीके। इनिघल्जी आपे विश्वास दडावा होय एठा परमेश्वर गेन आपेगा उम्मीद नका पक्का होय।

1 पतरस 3:18

इंज इनी इनिघल्जी मंडीवा मेना, चोयाकी मसीह नी भी म्या बार का आलेगा पापो गा वोजीटे कासु सेहेनके एठा डीच धर्मी मेंटो भी, आले अधर्मिकू गा घल्जी गोएन, ताकी आलेके परमेश्वर गा मेरान सालेमी होना, डीच कोम्बोर गा तौरेन, मेटे गोएन पेनो पवित्र आत्मा गा शक्तीटे डाबोलटे जीटाकेनेच मेना।

1 पतरस 3:22

नका डीच परमेश्वर गा जेवना कोनेन सुबांके होय, एठा डीच सेबाई स्वर्गदूतकु, अधिकारीकु एठा शक्तीनौर लिंजेन राजो दडावा होय।

1 ಯೊಹಾನ್ 1:2

इनी जीवन ओटके मेना, एठा आलेनी डीच यीशु के डोकेनेच, एठा दियागा गवही जेबा होय, एठा आपेके डी हमेशा गा जीवन गा अच्छा खाबोर घालेवा होय, जो बाटे गा सेंग्गोन डा एठा आले लिंजेन ओटके मेना।

1 ಯೊಹಾನ್ 3:5

एठा आपे हाडाई होय कि यीशु मसीह इनिघल्जी हेन, कि आलेगा पापोनौर सैईय्या, एठा डेन तुनिका पापो बाऊ।

1 ಯೊಹಾನ್ 3:8

जो जेकाभी पापो दडा लक्कूवा होय, डीच शैतान गा कोनेटे होय, चोयाकी शैतान सुरुवात टेका पापो डाटे हेन होय। परमेश्वर गा कोणटे इनिघल्जी हेन, कि शैतान गा कामय के नशोकी।

ದರ್ಶಾನ್ 17:5

दियागा ठीकरी लिंजेन म्या उखु जीमू ओल्के मेना डा, “इंज खाट शहर बेबीलोन शहर मेना। इंज सेबाई रांडोकु एठा पृथ्वी गा सेबाई उजळातिंज मिनी कामयनौर गा आंटे मेना।”

ದರ್ಶಾನ್ 17:7

स्वर्गदूत नी इंजाटे मंडीके, “आम अचम्बो चोया दडावा होय? इंज आमके डी जापाए गा भेदो घालेवा एठा डी भायनक जानवर गा भी, दिया लिंजेन डीच सवारीके होय एठा दियागा याई कापर एठा गेल सिंगी होय।”

ದರ್ಶಾನ್ 7:9

येनोगो बादोन इंज्नी डोके कि कुरकू गा म्या येटो खाट घोंजा डा कि जेकाभी दिकु सेबाईकु के उमनाऊ बान सकता डा, दिकु दुनिया गा सेबाई जाटो, पीढी, राष्ट्र एठा भाषा टे डा, दिकु सिंघासन एठा मेंडा कोंटे गा सम्मान टेंगेनके डा, दिकुनी पुलूम कपळे उरीटे मेना डा एठा हर म्या कोरोनी इकु-इकु टी गेन खाजुर गा डंगोल उठाके मेना डा जो कि म्या तिवार गा वाजा डा।