1 ಯೊಹಾನ್ 1:2 - गवली उनाई नियम

² इनी जीवन ओटके मेना, एठा आलेनी डीच यीशु के डोकेनेच, एठा दियागा गवही जेबा होय, एठा आपेके डी हमेशा गा जीवन गा अच्छा खाबोर घालेवा होय, जो बाटे गा सेंग्गोन डा एठा आले लिंजेन ओटके मेना।

ದೆವಾಚಿ ಖರಿ ಕಬರ್ ನವಾ ಕರಾರ್

² ತ್ಯೊ ಜೀವ್ ಪ್ರಕಟ್ ಜಾ಼ಲ್ಹಾ. ಬಾಪ ಆಸುನ್ ಆಮಾನಾ ಪ್ರಕಟ್ ಜಾ಼ಲ್ಯಾಲ್ಯಾ ತ್ಯಾ ಶಾಶ್ವತ್ ಜೀವಾಲಾ ಆಮಿ ಬಗುನ್ ತ್ಯಚೆ ಗುಶ್ಟಿತ್ ಸಾಕ್ಷಿ ಸಾಂಗುನ್ ತ್ಯ ತುಮಾನಾ ಸಾಂಗ್‌ಲ್ಯಾ.

1 ಯೊಹಾನ್ 1:2 Iomraidhean Croise

ಯೊಹಾನ್ 1:18

परमेश्वर के जेकानी भी चोलाकभी बान दोडुका, सिर्फ एकला कोण जो बाटे परमेश्वर मेरानके होय, डिच्का नी परमेश्वर के आले लिंजेन वोट्केनेच।

ಯೊಹಾನ್ 1:4

डीका वचन सेबाई जीवन पाजेर होय एठा देटेन सेबाई कुरकू के उजाला जेबा होय।

ಯೊಹಾನ್ 10:28

इंज दिकुके हमेशा गा जीवन जेबा मेना, एठा दिकु चोलाकाभी नाशोऊ बाने, जेकाभी दिकुके इंजा मेराटे रुटे बाने।

ಯೊಹಾನ್ 14:6

यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु।

ಯೊಹಾನ್ 15:27

एठा आपे दुनिया गा कुरकू के इंजा बारेन घालेवा, चोयाकी आपे पेलाटेका इंजा सेंग्गोन थंदळके होय।”

ಯೊಹಾನ್ 16:28

इंज बाटे कोंटे दुनिया गेन हेन मेना, डाबोलटे दुनिया के आराटे बाटे गा मेरान डाबोलटे सेनेवा।”

ಯೊಹಾನ್ 17:3

हमेशा गा जीवन इनी होय, कि कुरकू आमके चिनाकोम मतलब बस म्याका सच्चो परमेश्वर के एठा यीशु मसीह के, एठा इंज्के डीचके आमनी कुल्केनेच होय।

ಯೊಹಾನ್ 17:5

नका, हे बाटे अमा थंदळ गेन इंजा महिमा डाए, डीका महिमा जो दुनिया के आरुटे पेला अमा सेंग्गोन थंदळ टेका इंजा मेरान डा।”

ಯೊಹಾನ್ 19:35

जो कोरोनी इनी सेबाई डोके डीचनी गवाही जीके होय। एठा दियागा गवाही सच्चो होय। एठा देटेन मालूम होय कि देटेन सच्चो मंडीवा होय। ताकी आपे भी यीशु लिंजेन विश्वास डाएका लक्कू।

ಯೊಹಾನ್ 21:14

इनी आफाई बार होय कि यीशु नी गोएन मिठाच जाटे जीटाएन बादोन चेलाकू दर्शन जीके।

ಯೊಹಾನ್ 3:13

जेका स्वर्गेन बान सेंडुका सिर्फ कोरो गा कोण स्वर्गेन होय।

ಯೊಹಾನ್ 7:29

पेनो इंज डीचके हाडाई मेना, चोयाकी इंज डीच कोनेटे मेना एठा डीचकानी इंज्के कुल्लेमी होय।”

ಯೊಹಾನ್ 8:38

इंज डी बातो के घाले लक्के मेना डीचके इंज्नी डोके, जब इंज इंजागा बाटे गा सेंग्गोन डा। आपे डीका दडावा मेना जो आपेनी आपेगा बाटे टे अजोम्के होय।”

ಅಪೊಸ್ತಲ್ 1:22

प्रभु यीशु के यूहन्ना गा वोजीटे बपतिस्मा जिऊ टे साटे डीचके स्वर्ग गेन मनेन नेज टायेन-इनी कोरो आलेगा सेंग्गोन प्रभु यीशु गा डाबोलटे जीटाऊ गा गवाह आरोएन। साही होय कि दिकु तलाटे म्या कोरो आलेगा सेंग्गोन दियागा गोएन मिठाच जाटे जीटाएन गा गवाह आरुवा।”

ಅಪೊಸ್ತಲ್ 10:41

सेबाई कुरकू नी डीचके बान दोडुका पेनो सिर्फ डी गावहकु लिंजेन जो इनिघल्जी परमेश्वर द्वारा पेलाटेका कलामकेकु डा, मतलब आले दिकुनी दियागा गोएन मिठाच जाटे जीटाऊ गा बादोन दियागा सेंग्गोन जोवे नुवे।

ಅಪೊಸ್ತಲ್ 2:32

इनिका यीशु के परमेश्वर नी जीटाकेनेच, दियागा आबु सेबाई गवाह होय।

ಅಪೊಸ್ತಲ್ 3:15

आपेनी हमेशा गा जीवन गा पाजेर के घोच्केनेच लेकिन परमेश्वर नी डीचके डाबोलटे जीटाकेनेच एठा आले इनी बातो गा गवाह होय।

ಅಪೊಸ್ತಲ್ 5:32

आले इनी बातो गा गवाह होय एठा पवित्र आत्मा भी, डीके परमेश्वर नी डीचके जीके होय, जो दियागा हुकूम मनातिंजेवा होय।”

रोमियो 8:3

चोयाकी जो कामय मूसा गा नियम आलेगा पापोमय स्वभाव टे कामजोर रोंगो टे बान दडुका, डीके परमेश्वर डाके, मतलब हेजा कोणटे के आलेगा रोंगो पापोमय कोम्बोर गेन, आलेगा पापो गा घल्जी बलिदान डाऊ गा घल्जी कुल्केनेच। एठा परमेश्वर नी हेजा कोणटे गा कोम्बोर गा द्वारा पापो गा शक्तीके टुक्काके।

गलातियों 4:4

टेमो पुराऊ लिंजेन परमेश्वर नी हेजा कोणटे के कुल्केनेच। डीचनी म्या जापाए गा द्वारा जनम सावे एठा डीच मूसा गा नियम गा हात टाल्लेन ओटजे मेना।

1 ತಿಮೊತಿ 3:16

येनेन तुनिका शक बाऊ, कि आलेगा भक्ति गा भेदो चोटो गंभीर होय, मसीह कोरो गा रुपोन ओटजे मेना, डीच पवित्र आत्मा गा द्वारा परमेश्वर गा कोणटे साबित डाएन, एठा स्वर्गदूतकुन डोके। महिमा गेन स्वर्ग गेन टूलजेनेच, अलग्गो जाटो गेन दियागा प्रचार डायेन, एठा दुनिया गा कुरकू नी दियागा लिंजेन विश्वास डाके।

2 ತಿಮೊತಿ 1:10

पेनो नका आलेगा उध्दार दडामिठाच मसीह यीशु जो आलेके आराकोम्बा होय इनी दुनिया गेन हेन एठा आले लिंजेन हेजा गा कृपा डाके, डीचनी गुजू गा शक्तीगा नाशो डाके एठा अच्छा खाबोर गा द्वारा आलेके हमेशा गा जीवन गा कोरा घाल्ले।

तीतुस 1:2

येनेगा परिणाम डी कुरकू हमेशा थंदळ गा घल्जी आसा दोडोवा, चोयाकी परमेश्वर, जो चोलाकाभी लाबाळ बान मंडी, इनी दुनिया आरुटे पेला इनी वादा डाके डा।

1 पतरस 5:1

अदा येनोगो बातो होय, जो इंज डेगा जुनाकु टे मंडी चाहतावा मेना, चोयाकी इंजभी आपेगा खिजा म्या जुना सनाकु होय। इंज्नी खुद डी कासुके डोके होय, जो घोनेच टेमो पेला मसीह नी सेहेनके। जब डीच डाबोलटे हेजेवा, मेटे इंजभी दियागा महिमा गेन बेल्लाऊवा।

1 ಯೊಹಾನ್ 1:1

डी जीवन गा वचन गा बारेन ओलबा मेना जो सुरुवात टेका डा, डीके आलेनी आजुम्के एठा आपना मेट टे डोके, बनकी आलेनी डीके ध्यान टे डोके एठा टी टे टोजाके।

1 ಯೊಹಾನ್ 2:25

एठा इनी हमेशा गा जीवन जिऊ गा वादा मसीह नी आलेटे डाके होय।

1 ಯೊಹಾನ್ 3:5

एठा आपे हाडाई होय कि यीशु मसीह इनिघल्जी हेन, कि आलेगा पापोनौर सैईय्या, एठा डेन तुनिका पापो बाऊ।

1 ಯೊಹಾನ್ 3:8

जो जेकाभी पापो दडा लक्कूवा होय, डीच शैतान गा कोनेटे होय, चोयाकी शैतान सुरुवात टेका पापो डाटे हेन होय। परमेश्वर गा कोणटे इनिघल्जी हेन, कि शैतान गा कामय के नशोकी।

1 ಯೊಹಾನ್ 4:14

आलेनी कोण के डोकेनेच भी एठा गवही जिऊवा होय, कि परमेश्वर बाटे नी कोण के दुनिया गा कुरकू गा उध्दार दडामिठाच डाऊ घल्जी कुल्केनेच होय।

1 ಯೊಹಾನ್ 4:2

परमेश्वर गा आत्मा के आपे इनी रिती टे चिनाए, कि जो जेका मनातिंजेवा होय, कि यीशु मसीह कोरो आरुटे हेन, मेटे दियेन डी आत्मा होय जो परमेश्वर गा कोनेटे होय।

1 ಯೊಹಾನ್ 5:11

डी इनी गवाही होय, कि परमेश्वर नी आलेके हमेशा गा जीवन जिले होय एठा इनी जीवन दियागा कोणटे यीशु गेन होय।

1 ಯೊಹಾನ್ 5:13

इंज आपेके इनिघल्जी ओलेवा मेना, कि इंज चाहतावा मेना कि आपे इनी चिनाया कि आपेगा मेरान हमेशा गा जीवन होय। चोयाकी आपे जो परमेश्वर गा कोणटे गा जीमू लिंजेन विश्वास दडावा होय,

1 ಯೊಹಾನ್ 5:20

एठा इनी भी हाडाई होय, कि परमेश्वर गा कोण यीशु मसीह हेन होय, एठा डीचनी आलेके समाझो जिले होय, कि आले सच्चो परमेश्वर के चिनाएच, आले सच्चो परमेश्वर गेन थंदळवा होय, चोयाकी आले दियागा कोणटे यीशु मसीह गेन थंदळवा होय। इनिज्का सच्चो परमेश्वर एठा हमेशा गा जीवन होय।