Yohana 4:3 - I CILAGANE CIPYA 1991

³ Hobaho Yesu yaza kuhulika zizi, yakawuka ku Yudiya, yakawuya ku Galilaya.

Luganuzi Luswanu Kuli Wanhu Wose 2002

³ Hobaho Yesu yaza kuhulika zizi, yakawuka ku Yudiya, yakawuya ku Galilaya.

Yohana 4:3 Iomraidhean Croise

Matayo 10:23

“Iwanhu kolo wakumulanjenyi mwikaya ali, ale mutizize mwikaya linji. Ninga mbeka nghumulonjelenyi vyono, si mosuma kugajendela makaya gose ga Isilayeli mugamale, lono u Mwana wo Munhu yakali si naza.”

Maluko 3:7

Yesu yakawuka baho hamonga ne wejizwa wakwe, yakabita ku nhumbi ye lilenga, ne lipuga lye wanhu likamutyatya. I wanhu wawo, walawa ku Yelusalemi, Yudiya,

Luka 17:11

Kukawa Yesu lono yabitaga ku Yelusalemi, yakakolela mu mipaka ya Samaliya na Galilaya.

Yohana 1:43

I mitondo yaco, Yesu yakasaka kubita ku Galilaya, na kuko yakamwagana Filipo, Yesu yakamutya, “Unhyatye.”

Yohana 10:40

Yesu yakabita kanyhi ku nhumbi nzagwe ya Yoludani, hono Yohana yabaputizizaga, yakekala kuko.

Yohana 11:54

Holeka nayo Yesu si yasuma kujenda ciwonelela hamwande ye Wayahudi Ninga yakawuka kuko, yakabita sunga ku yisi yono yili behi na ku nyika, kwitumbi lyono lyacemagwa Efalemi. Yakekala kuko hamonga ne wejizwa wakwe.

Yohana 2:11

Aci co citanjilo cilongozi, Yesu yacinozeza ku Kana ya ku Galilaya, yakalulajila u lukumyo lwakwe, nawo wejizwa wakwe wakamwihuwila.

Yohana 3:22

Hanyuma ya zizi, Yesu hamonga ne wejizwa wakwe, wakabita ku yisi ya Yudiya, yakekala nawo kuko, yakawa kubaputiza i wanhu.

Yohana 3:32

Zono yaziwona na zono yazihulika zo yakuzihomelela, ninga hasina mono yakumubocela wuhomelezi wakwe.

Yohana 4:47

Hodu, yuyo muwaha we likulu, yaza kuhulika vyono Yesu kalawa ku Yudiya, kafika ku Galilaya, yakamubitila, yakamulomba yamuponye mwanagwe mono yali mutamwa muno muno, yali behi no kufwa.

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.