Wafilipi 4:5 - I CILAGANE CIPYA 1991

⁵ Muweze wapolo kuli wanhu wose. U Muwaha yali behi.

Luganuzi Luswanu Kuli Wanhu Wose 2002

⁵ Muweze wapolo kuli wanhu wose. U Muwaha yali behi.

Wafilipi 4:5 Iomraidhean Croise

Matayo 6:25

“Si holeka nghumulonjelenyi nghutya, mulece kuwa na mahwele ku soko ye zindigwa mukutya, molya cici hamba mongʼwa cici, ku soko yo wumi wenyu, hamba muli ze vivwalo vyono mukuvisaka ku soko ye miwili yenyu. Alu mukwihwesa vyono u wumi wuli mu zindigwa du, hamba hocili cinji cono cicizize? No muwili nawo ma, si wuvicizize i vivwalo?

Matayo 6:34

Holeka mulece kuwa na mahwele ku soko ye lizuwa lye mitondo, hambi imitondo nha yowa ne mahwele gayo nayo. Holeka hasina soko yo kutowelela u wugaye, vyono izuwa no wugaye wayo wukwiliye.

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

1 Wakolinto 16:22

U munhu wo wose mono siyamwendile Muwaha, yaweze mulijitwe. Go Muwaha wuze!

1 Wakolinto 6:7

I mbeka du, wuwo u wisitace wenyu wono mukwisitaka nyenye wose, wukulajila vyono anye mwasumilwa lukulu! Alu wulenyi, si yali yiwe yili ciba kulinye hono mutendelwe yono si yili lingʼani? Kanyhi si yali yiwe viswanu muno kulinye, hono wamubocenyi i zisawo zenyu.

1 Wakolinto 8:13

Holeka hono ndigwa yiwe yikuwa kumuletela ndugu yangu wugwe, hodu sinolila lukulu nyama, ho ndece kumugwisiza ndugu yangu mu wubi.

1 Wakolinto 9:25

I wedawazi wose, wewikanizizaga mu nzila yo wizoweleze, hamonga ne cogopo cose, ninga hamba nha vivyo, wene wanozaga nha vivyo, ho watuje u mukumbo wono wuhodanjikaga! Ninga ase cikunoza nha vivyo, ho cituje u mukumbo wono wikalaga cibitilila.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Watesalonike 2:2

vyono mulece kuwa na mahwele ge mbela mbela mu zinhumbula zenyu, hamba mulece kogopa so wulonje wo wutya, “I lizuwa lyo Muwaha lyakondya kuza.” Lunji yikwihweswa vyono i nghani yiyi yikulawilila mu wuwile wunji wunji, hamba mu wuganule, hamba mu baluwa yono yikutegwa vyono yilawiliye kono kwetu.

Tito 3:2

Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Wahebelaniya 10:25

Cilece kuwuleka u wityatye wuwulya wo witangʼanila hamonga, nha vyono wanozaga wanji. Kanyhi yicinojeye kwiyitaza sese wose, nha vyono mukuwona, i lizuwa lilya lyo Muwaha lyeza lili behi.

Wahebelaniya 10:37

Nha vyono gakutya i Mandiko: “Hambi nha cikali cidaha cidodo du, nayo mono yakuza, ho kokuza, hamba si kotinya yaye,

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

Wugubule 22:20

Nayo mono yakuhomelela zizino, yakutya, ‘Heya mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”