Wafilipi 4:17 - I CILAGANE CIPYA 1991

¹⁷ Mulece kwihwesa nha vyono nyendile kubocela vipegwa du, langa nghusaka i cambuzi conjelezwe mu viwutwa vyenyu.

Luganuzi Luswanu Kuli Wanhu Wose 2002

¹⁷ Mulece kwihwesa nha vyono nyendile kubocela vipegwa du, langa nghusaka i cambuzi conjelezwe mu viwutwa vyenyu.

Wafilipi 4:17 Iomraidhean Croise

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 15:8

Nayo Baba kakumyagwa, hono mulele muno mikalo minji, nanye mowa wejizwa wangu.

Walumi 15:28

Nilaza kuwa nawukondya u mulimo wuwo, no kuwafisiza no kuwapela ivilavya vivyo vyono vilavigwe ku soko yawo, ale baho ho nolokolela kuko u kwenyu, lono nghubita ku Sipaniya.

2 Wakolinto 11:16

Kanyhi nghutya, Munhu yalece kumbona ane nha nili mulele. Ninga hono munyihweseze nha vivyo, ale munozaje nha nili mulele nha vivyo du, nane ho nicituje co kwilumbila hadodo vivi.

2 Wakolinto 9:5

Holeka mbona viswanu vyono yinojeye niwanene wandugu zetu wawa, wanongolele kuza kwenyu, ho wasume kuviwikaniziza lukulu vipegwa vyenyu viwaha, navyo viwe vyawikanizwa kolo nghuza, vyono mwehuwiza. Ne vipegwa vivyo vilajile mbeka nha vyono vilavywa ko mutima muzelu, hamba si ko wudindimizwe yaye.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Wafilipi 4:11

Si nghulonga nha vivi yiwe nha kotya nghusaka cinji, hambi nha neyijiza kuwa nyheye ne vinhu vyono nina navyo,

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

1 Timoteyo 6:10

Hambi u wenda muno we zipesa nha wo mwamulizo wo wubi wose. Iwanhu wanji wasulumilaga muno kutuga mapesa, sunga wawuleka no wihuwilo wawo, no kudumanjila dumanjila ako na ako, kutali no wihuwilo wawo no kutukuwika i mitima yawo ko wusungu wuwaha muno.

Tito 1:7

Nayo Askofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce lingʼani.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.

1 Petelo 5:2

muyidimaje yiyilya imhuga yo Mulungu yono mwapegwa, muyitunzaje, si ne dindimiza langa kwe nhumbula, nha vyono kasakaga Mulungu. Muwitumaje u mulimo wuwo si kwe masulumizi ge zipesa, langa kwe nhumbula zenyu zose.

2 Petelo 2:15

Hambi nha wayileka inzila yono yigolocile, wajilila no kuyityatya nzila yono yayityatya Balamu, mwana wa Beyoli, mono yenda yatuje cambuzi mu wituma zo wulambilambi,

2 Petelo 2:3

Na ku soko ye masulumizi gawo mabi, wolokwisavizya muli nyenye kolo wakumulonjelenyi zinghani zo wulambilambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.