Wafilipi 2:1 - I CILAGANE CIPYA 1991

¹ Alu wulenyi mikalile yenyu ya muli Kilisito, yikumupelenyi vilungo? hamba wendo wakwe wukumusindamicenyi? Aluno ma, mwina wumonga no Muhe Mono Yelile, kanyhi mukwiwonela lusungu no kwikalalila nyenye wose?

Luganuzi Luswanu Kuli Wanhu Wose 2002

¹ Alu wulenyi mikalile yenyu ya muli Kilisito, yikumupelenyi vilungo? Hamba wendo wakwe wukumusindamicenyi? Aluno ma, mwina wumonga no Muhe Mono Yelile, kanyhi mukwiwonela lusungu no kwikalalila nyenye wose?

Wafilipi 2:1 Iomraidhean Croise

Luka 2:25

Baho hali na munhu ku Yelusalemi itagwa lyakwe Simiyoni, no munhu yuyo yali yalilingʼani na mwihuwilwa kuli Mulungu, yalanjililaga muno wukombozwe we Waisilayeli. No Muhe Mono Yelile yali yali muli mwene.

Yohana 14:18

“Si nomulecenyi anye nha muli wana walekwa, ninga nomuzizenyi kanyhi.

Yohana 14:27

“Mulamu nghumulecelenyi, mulamu wangu nghumupeleyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Yohana 17:13

Alu ninga nghuza kwako na zizi nghulonjela mononze, ho wasume kuhanga mu nyemo yangu, mu wukwilanicile.

Metumo ge Watumwa 2:46

Nawo wakajendelela kwitangʼanila mu Nyumba yo Mulungu na wuhile wumonga vilo vyose. Langa mwidaha lyo wubegule wo mukate, wetangʼanililaga mu zinyumba zawo, no kuhanga wose ndigwa yiyo ne nyemo na nhumbula nzelu,

Metumo ge Watumwa 4:32

Ne mhuga yawo wose wono wehuwila, wali na nhumbula monga no mutima monga. Hasina hamba yunji mono yali yena cinji co cose, mono yatya, yo sawo yakwe mweneco, langa wali wahanjlie vyose.

Walumi 5:5

U witumbilo wuwo nawo si wosuma kucikoza cevu, hambi u Mulungu, nha yakondya kucijidila u wendo wakwe mu zinhumbula zetu, mu nzila yo Muhe Mono Yelile mono capegwa.

Walumi 8:26

Nha vivyo no Muhe nayo yakucitaza mu wusocele wetu. Hambi nha si cimanyile vyono yicinojeye kulomba, ninga u Muhe mweneco, yakuwa kucilombela kuli Mulungu, ko wulilanzice no wukalale si wakulonga.

1 Wakolinto 12:13

Hambi ase hamba ciwe cili Wayahudi, hamba ciwe cili wanhu we makungugo ganji, i wawanda, hamba wono si wawanda, wose cabaputizizwa mu Muhe monga du, mu muwili wuwo monga, kanyhi ase wose cikangʼweswa yuyo Muhe monga.

1 Wakolinto 15:31

Nye wandugu zangu ane no muyenyu cidomile ne lifwa nhondo zose! U lukumyo lono nina nalo ku soko yo wilunza wenyu na Kilisito Yesu u Muwaha wetu, yiyo yo yikuleka nghuyanza nghani yiyi.

1 Wakolinto 3:16

Alu, si mumanyile vyono anye, yo nyenye mono muli Nyumba yo Mulungu, na vyono u Muhe wo Mulungu yekaye muli nyenye.

2 Wakolinto 2:14

Ninga u Mulungu yalumbwe, mono yakucilonga nhondo zose mu wilunza na Kilisito. U mwene yakucipela wusume wo kutandaza i mbeka ya Kilisito kotya nha mhunjile swanu muno hanhu hose.

Wagalatiya 4:6

Alu vyono muli wana, u Mulungu yamutuma u Muhe wo Mwanagwe mu zinhumbula zetu, u Muhe mono kacemaga, “Aba,” wo wutya “Baba.”

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Waefeso 4:4

Ko wuli muwili wumonga no Muhe monga nha vyono winha u witumbilo wumonga wono mwacemelwa no Mulungu.

Wafilipi 1:8

U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli hamwande yetu.

1 Petelo 1:2

Nayo Mulungu u Sogo yo munhu yakamuhagulenyi nyenye ko wuhile wakwe, no kwezwa no Muhe Mono Yelile, ho mumuhulice Yesu Kilisito no kukwemwa ne sakami yakwe. Lihewa no mulamu vyonjelecele kuliʼnye.

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.

1 Yohana 4:12

Hasina hamba hadodo u munhu mono yakondya kumuwona Mulungu, ninga hono ciyende, Mulungu yakwikala muli sese, no wendo wakwe wukuwa wukwilaniciye muli sese.

1 Yohana 4:16

Holeka ase cimanyile kanyhi cihuwiye u wendo wono Mulungu yena kuli sese. U Mulungu wo wendo, no munhu wo wose mono yakwikala mu wendo, yakwikala muli Mulungu, no Mulungu nayo yakwikala muli mwene.