Wafilipi 1:1 - I CILAGANE CIPYA 1991

¹ Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Luganuzi Luswanu Kuli Wanhu Wose 2002

¹ Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 1:1 Iomraidhean Croise

Maluko 13:34

Yolowa nha munhu mono yakuwuka mu kaya yakwe yakubita ku muhinzo, nakuno kunji yakuwalecela i wetumami wakwe wulajilize, munhu no mulimo wakwe, yakamulonjela no mulindiliza mulango yekale meso.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. Na munhu wo wose mono yakunyitumamila ane, nayo Baba komupela lilumbo.

Metumo ge Watumwa 1:20

“Hambi nha yandikwa mu citabu ce Zabuli: ‘Wikalo wakwe liweze itongo, Hamba munhu wo wose yalece kwikala mumo,’ Kanyhi yandikwe, ‘Munhu yunji yahalile u witumami wuwo.’

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Metumo ge Watumwa 9:13

Ninga Ananiya yakapitula yakatya, “Muwaha, hulikaga kuli wenji zo munhu yuyo, mabi malinga mawaha gono yawatendeye i wanhu wako wono welile kuko ku Yelusalemi.

Walumi 1:1

I baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, kusoko yo kuluganula u Luganuzi Luswanu lo Mulungu.

Walumi 1:7

Holeka, nghumwandicilenyi anye wose mono muli kuko ku Lumi, iwendece wo Mulungu, mono mwasiwanulwa Nayo ho muwe wanhu wakwe. Nghumulombelenyi ilihewa no mulamu, vyono vikulawa kuli Mulungu u Sogo yetu, no Muwaha Yesu Kilisito.

1 Wakolinto 16:10

Na kolo Timoteyo yakuza kwenyu, ale mulanjilile, yalece kuwa na woga woga wo wose mwipango lono yali hamonga nanye, hambi u mwene nha yakwituma u mulimo wo Muwaha nha nene.

2 Wakolinto 1:1

Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Wagalatiya 3:28

Holeka hasina kanyhi wisimajile wa muli Muyahudi no Mugilila, hamba muwanda no munhu mulelele, mucekulu hamba mulume. Hambi anye wose nha mwaweza cinhu cimonga muli Kilisito Yesu.

Waefeso 1:1

Yo nene Pawulo u mutumwa wa Kilisito Yesu so wuhile wo Mulungu, nghumwandicilenyi nyenye mo wanhu wo Mulungu mono muli ku Efeso, mo wehuwilwa mu wilunza na Kilisito Yesu.

Waefeso 1:15

Ku soko yiyi, nane naza kuhulika muli zo wihuwilo wenyu kuli u Muwaha Yesu, no wendo wenyu kuli wanhu wo Mulungu,

Waefeso 6:24

Nghulomba, ilihewa lyo Mulungu liweze muli wose wono wamwendile u Muwaha wetu Yesu Kilisito ko wendo wono wusina ndumilizo.

Wafilipi 2:19

Mu wilunze no Muwaha, nina witumbilo vyono nosuma kumutuma Timoteyo kuko kwenyu vilo vivi, ho sinyhimale nane kolo nghumanya zenyu.

Wafilipi 2:5

Muweze no wuwe wuwulya wono yali yena nawo Kilisito Yesu.

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

1 Watesalonike 1:1

Ane Pawulo, hamonga na Silivano na Timoteyo, cikumwandicilenyi anye mo mhuga ye likanisa lya ku Tesalonike, mo wanhu wo Mulungu Baba, no Muwaha Yesu Kilisito. Lihewa lyeze muli nyenye hamonga no Mulamu.

1 Watesalonike 2:2

Mumanyile vyono catamiswa, no kutovulwa akulya ku Filipi, lono cali cikali si nafika u kwenyu ku Tesalonike. Hamba kuwe kwali kowuli wiwanganile winji, ninga u Mulungu wetu, yakacipela wuluwuce wo kumuganulilenyi u Luganuzi lwakwe Luswanu.

2 Watesalonike 1:1

Ane Pawulo na Silivano hamonga na Timoteyo, cikumwandicilenyi anye nyo we likanisa lya kuko ku Tesalonike, mono muli wanhu wo Mulungu Baba na wo Muwaha Yesu Kilisito.

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nha vivyo, molowa wayagwe na wawo, hambi nha mwayibocela i nghani yono camuletelenyi.

1 Timoteyo 1:2

nghukwandicila gwegwe Timoteyo umwanangu tuti mu wihuwilo. Ilihewa liweze kuligwe, hamonga no lusungu no mulamu vyono vikulawa kuli Mulungu u Sogo yetu na kuli Kilisito Yesu Mutwa wetu.

1 Timoteyo 3:8

Ne wetumami nawo mwi kanisa iwanojeye wawe wanhu wono wena mikalile miswanu, kanyhi walonga mbeka, walece kuwa wangʼwela muno we divayi, hamba kuwa ne masulumizi ga pesa,

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Tito 1:7

Nayo Askofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce lingʼani.

Filemoni 1:1

Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Wahebelaniya 13:23

Nyendile kumumanyizenyi nha vyono u ndugu yetu Timoteyo yakondya kudigulilwa kulawa mu jela. Na hono yeyandile kuza akuno, ale nolokuzana nayo kolo nghuza u kwenyu.

Yakobo 1:1

Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo zinghungugo ikumi na nyejete, zono ziyagaye kononze kose. Lamucenyi!

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga ne nhunizo hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.

Wugubule 19:10

Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.

Wugubule 2:12

“Kuli malayika we likanisa lya Peligamo, wandice nhavi, “Ayi yo nghani ya mono yena mumaje mukali kose kose, yakutya,

Wugubule 2:8

“Kuli malayika we likanisa lya Simulina, wandice nhavi, “Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Wugubule 22:9

Ninga mwene malayika yakanonjela yakutya, “Lece noza nha vivyo. Ane nane nha nili mwitumami muyago du, hamonga ne wanduguzo i wawizi, na wose wono wakugakamisa i malajilizo gono gali mu citabu cicino. Muhembaje Mulungu!”