Luka 1:1 - I CILAGANE CIPYA 1991

¹ Go mwendece Teyofilo: Vyono wenji wakasaka muno kwandika, zinghani azilya zono zetumwa muli se!

Luganuzi Luswanu Kuli Wanhu Wose 2002

¹ Go we Lilumbo Teyofilo: Vyono wenji wakasaka muno kwandika, zinghani azilya zono zetumwa muli'se!

Luka 1:1 Iomraidhean Croise

Maluko 16:20

Nawo iwejizwa wakabita wakawa wakuganula hanhu hose. Nayo u Muwaha yaketuma mulimo hamonga nawo no kuyifisiliza inghani yiyo kwe vitanjilo vyono vyawezanaga hamonga nawo.]

Yohana 20:31

Ninga azino zandikwa, ho mwihuwile vyono Yesu yo Kilisito, u Mwana wo Mulungu, na mu wihuwilo wenyu wuwo ho mutuje wumi muli mwene.

Walumi 14:5

U munhu yadahile kwihwesa vyono lizuwa linji lina nhunizo si nha lizuwa linji, munhu yunji kosuma kwihwesa vyono ivilo vyose vilingʼaniye. Ninga u munhu wo wose yatyatye nha vyono yakuwona mweneco mu mahala gakwe.

Walumi 4:21

Yali yamanyiye lukulu vyono, u Mulungu kosuma kuzifisiliza zono yehuwiza.

Wakolosayi 2:2

Nghunoza nha vivi, i zinhumbula zawo ho zitule, no kulunzizwa hamonga mu wendo, ho wamemywe mbeka yono yikuletwa no wumanye we mbeka. Na mu nzila yiyo, ho woyimanyila ne nghani yo Mulungu yono yihundikwe, hambi nha yo Kilisito mweneco.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

1 Watesalonike 1:5

vyono lono camuganulilenyi u Luganuzi Luswanu, si wali mu wulonje du, langa na mu vilungo vyo Muhe Mono Yelile, akuno cimanyiye lukulu, vyono, i nghani yiyo yali ya mbeka. Mumanyile vyono cekalanaga hamonga nanye, cekalaga ku soko ye cambuzi cenyu.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu we makungugo ho wayihulice, kanyhi nghaponywa mu walingʼanizwe wo kuwulagwa.

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

Wahebelaniya 6:11

Hambi u wuhile wetu kuli nyenye nha wowu, cikumusacenyi wose muli nyenye, munhu yalajile u wuhijilile wuwo du, sunga ko ku mudumo wo wumemelecele wo witumbilo wenyu.