Filemoni 1:6 - I CILAGANE CIPYA 1991

⁶ Nghulomba u wihuwilo wono wina nawo kotya sese, wukupele u wusume wo kumanyila lukulu i ziswanu zose zono cikuzituga so wilunze wetu na Kilisito.

Luganuzi Luswanu Kuli Wanhu Wose 2002

⁶ Nghulomba u wihuwilo wono wina nawo kotya sese, wukupele u wusume wo kumanyila lukulu i ziswanu zose zono cikuzituga so wilunze wetu na Kilisito.

Filemoni 1:6 Iomraidhean Croise

Matayo 25:16

Ale, yuyulya mono yapegwa i zisilinje ze elufu makumi mejete neʼhano yakazinozeza wusuluza, sunga yakatuga cambuzi ca silinje zinji elufu makumi mejete neʼhano.

Matayo 5:16

Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

1 Wakolinto 14:25

Na ze cinyele zono zili mu nhumbula yakwe zogubulwa, nayo kufugama no kumuhemba u Mulungu, akuno yakutya, “Mbeka, u Mulungu yali hamonga nanye.”

1 Wakolinto 16:9

Hambi nha ndiguliywe mulango mugazi muno muno ku soko yo mulimo wangu muwaha wono wuli baha, hamba hawe howali na wenji wono wakumhinga mhinga.

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze lingʼani, zono zilenguce, zono zikwendeza na ze cogopo.

Wakolosayi 1:9

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe.

Wakolosayi 3:10

no kuwuvwala u wunhu wupya. Wono wukujendelela kunozelezwa no Mulungu mono yawuwumba, nha vyono yinhe hwani yakwe, ho mumumanye u Mulungu mu wukwilanicile wose.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.

Yakobo 2:14

Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

Yakobo 2:17

Ale nha vivyo no wihuwilo weneco du wuli wene wono wusina metumo, wufwiye.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

1 Petelo 3:1

Nanye nyo wacekulu, mweze ne cihuliko kuli walume zenyu, ho yiwe, hono hawe howali i walume wono si wayihuwiye i nghani yo Mulungu, ho wasume kwihuwila nawo, kolo wakuyiwona i mikalile yenyu. Hambi nha kowa kusina soko yo kulonga kuliʼnye, yo kulonga nghani yo yose,

1 Petelo 3:16

ninga nozenyi nha vivyo ko wupolo ne cogopo. Mweze ne ciselinji ciswanu, hono mukuligwa ho wakozwe soni wa walya wono wakuyilonga vibi i mikalile yenyu miswanu ye Cikilisito.

2 Petelo 1:8

Na kolo mukuwa no winji wa zizi zose, zomunozenyi muwe muli wetumi, no kutuga chambuzi mu wumumanya Mutwa wetu Yesu Kilisito.