Filemoni 1:14 - I CILAGANE CIPYA 1991

¹⁴ Ninga si nosuma kwituma nghani yinji lono nghali si ninakombolwa na gwegwe. Si nyendile nghudindimize ho wunhaze, vyono u wuswanu wako wunojeye wulawilile mu wuhile wako gwegwe go mweneco, hamba si muwudindimizwe.

Luganuzi Luswanu Kuli Wanhu Wose 2002

¹⁴ Ninga si nosuma kwituma nghani yinji lono nghali nakombolwa na gwegwe. Si nyendile nghudindimize ho wunhaze, vyono u wuswanu wako wunojeye wulawilile mu wuhile wako gwegwe go mweneco, hamba si mu wudindimizwe.

Filemoni 1:14 Iomraidhean Croise

1 Wakolinto 9:17

Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

1 Wakolinto 9:7

Hamba alo musilikaleci mono kelipilaga mweneco sowitume wakwe? Hamba nani mwene mono kalimaga u mugunda wakwe we mizabibu kanyhi ho yalece kulya i mikalo yayo? Hamba yo nani mono kadimaga mitugo, kanyhi ho yalece kungʼwa i mele gazo?

2 Wakolinto 1:24

Ase si cikusaka cimutemenyi mu wihuwilo wenyu, anye mono mwakondya kuwa mukamile mu wihuwilo wenyu. Langa yicinojeye, ciwitume u mulimo hamonga nanye, ku soko ye nyemo yenyu.

2 Wakolinto 8:12

Hono munhu yawe yena mutima wo wutazi, u Mulungu nayo kabocelaga co cose cono u munhu yuyo kosuma kulavya, Mwene si kakanililaga yaye.

2 Wakolinto 9:5

Holeka mbona viswanu vyono yinojeye niwanene wandugu zetu wawa, wanongolele kuza kwenyu, ho wasume kuviwikaniziza lukulu vipegwa vyenyu viwaha, navyo viwe vyawikanizwa kolo nghuza, vyono mwehuwiza. Ne vipegwa vivyo vilajile mbeka nha vyono vilavywa ko mutima muzelu, hamba si ko wudindimizwe yaye.

2 Wakolinto 9:7

Holeka munhu wo wose yalavye mu nghango nha vyono yalamuye, ninga yiweze ko mutima muzelu, hamba si ko wukalale, hamba kwe dindimiza, hambi u Mulungu, nha kamwendaga u munhu mono kalavyaga no wusangalale.