Filemoni 1:10 - I CILAGANE CIPYA 1991

¹⁰ Alu nina nghani monga du yono nghukulomba ku soko yo mwanangu Onesimo, u mwanangu muli Kilisito, hambi nha neza nili sogwe mono nimuleleye lono nili mu cifungo.

Luganuzi Luswanu Kuli Wanhu Wose 2002

¹⁰ Alu nina nghani monga du yono nghukulomba ku soko yo mwanangu Onesimo, u mwanangu muli Kilisito, hambi nha neza nili sogwe mono nimuleleye lono nili mu cifungo.

Filemoni 1:10 Iomraidhean Croise

Maluko 9:17

Baho munhu yunji wa mwipuga lililya lye wanhu yakapitula, yakutya, “Go Mwijizi, ndeta mwanangu kuli ʼgwe, yena icisi lyono likamunoza yawe cibwibwi.

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

1 Wakolinto 4:14

Ane si nghuzandika zizi, ho nimukozenyi cevu, aa, ngʼo, langa nizandika zizi, ho nimwijizenyi du, anye mo wanangu wendece.

1 Wakolinto 4:15

Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

Wakolosayi 4:9

Nayo yakuza yena na Onesimo u ndugu yetu mwendece kanyhi mwihuwilwa, u munyawusi muyenyu. Nawo womulonjelenyi zose zono zikwitumwa baha.

1 Timoteyo 1:2

nghukwandicila gwegwe Timoteyo umwanangu tuti mu wihuwilo. Ilihewa liweze kuligwe, hamonga no lusungu no mulamu vyono vikulawa kuli Mulungu u Sogo yetu na kuli Kilisito Yesu Mutwa wetu.

Tito 1:4

Nghukwandicila agwe Tito go mwanangu we mbeka mu wihuwilo wono cihanjile sese wose. Ilihewa no mulamu wono wukulawa kuli Mulungu Baba, na kuli Kilisito Yesu, u Mukombozi wetu.

Filemoni 1:11

Yo Onesimo yuyulya mono mwidaha linji si yakutazaga cinji, ninga alu yakunhaza ane sunga na gwegwe.

Filemoni 1:13

Nali nyende yajendelele kwikalana nane bahano, ho yanhaze i hanhu hako ku soko yo Luganuzi Luswanu, lono ane nghali nili mu cifungo.

3 Yohana 1:4

Hasina cinji cono cikusangalaza muno si nho kuhulika vyono i wanangu wakujendela mu mbeka.