ሃዋሬታ ኦሱዋ 18:4 - Ooratha Caaquwa Goofatho

⁴ Phawuloosi Sambbaata ubban Ayhudetanne Giriketa ammanthanaw Ayhude Woosa Keethan palamees.

Gofa New Testament

⁴ Phawuloosi Sambbaata ubban Ayhudetanne Giriketa ammanthanaw Ayhude Woosa Keethan palamees.

ጌሻ ማፃፋ

⁴ ጳዉሎስ ሳምባታ ኡባን አይሁደታነ ግርከታ አማንናዉ አይሁደ ዎሳ ኬን ፓላሜስ።

Geeshsha Maxaafa

⁴ Phawuloosi Sambaata ubban Ayhudetanne Giriketa ammanthanaw ayhude woosa keethan palamees.

ኦራ ጫቁዋ ጎፋ

⁴ ጳዉሎሲ ሳምባታ ኡባን ኣይሁዴታኔ ጊሪኬታ ኣማንናው ኣይሁዴ ዎሳ ኬን ፓላሜስ።

ሃዋሬታ ኦሱዋ 18:4 Iomraidhean Croise

Luqaasa 16:31

“Abrahamey, ‘Musenne nabeta si7onna ixxiko, hari attoshin hayqoppe issi asi denddi odikkoka ammanokkona’ yaagis.”

Luqaasa 4:16

Yaappe I diccida katamaa Naazirete yis. Kase meezetidayssada Sambbaata gallas Ayhude Woosa Keethi gelis. Nabbabanawukka denddi eqqis.

Yohaanisa 7:35

Ayhudeti issoy issuwara, “Hayssi nuuni demmonnaso aw baana hanii? Girike kataman de7iya Ayhudetakko bidi Giriketa tamaarssanaw haniyye?

ሃዋሬታ ኦሱዋ 13:14

Shin entti Pherggefe aadhdhidi Phisidiyan de7iya Anxookiya gakkidosona. Sambbaata gallas Ayhude Woosa Keethi gelidi uttidosona.

ሃዋሬታ ኦሱዋ 14:1

Kaseyssadakka, Phawuloosinne Barnnabaasi Iqooniyonen Ayhudeta woosa keethi gelidi daro Ayhudetinne Ayhude gidonnayssati ammanana gakkanaw qaala odidosona.

ሃዋሬታ ኦሱዋ 17:11

Beeriya asati Teselonqe asatappe aadhdhida suureta. Entti qaala kumetha wozanaappe ekkidosona; Phawuloosi gidayssi tuma gideyssa shaakki eranaw gallas gallas Geeshsha Maxaafata xanna7oosona.

ሃዋሬታ ኦሱዋ 17:17

Hessa gisho, Ayhude Woosa Keethan Ayhudetaranne Xoossaa goynniya Ayhude gidonna asatara qassi baara gahettiya asatara ubba wode palamees.

ሃዋሬታ ኦሱዋ 18:13

“Ha addey higgiya ixxidi, asay Xoossaa goynnana mela oothees” yaagidosona.

ሃዋሬታ ኦሱዋ 18:19

Entti Efesoona gakkida wode Phawuloosi Phirisqilonne Aqiila yan aggis. Shin baw Ayhude Woosa Keethi gelidi Ayhudetara odettis.

ሃዋሬታ ኦሱዋ 19:26

Hayssi Phawuloosi, ‘Asa kushen oosettidayssati xoossata gidokkona’ yaagidi, Efesoonaninne guutha biittatappe attin kumetha Iisiya ubban de7iya daro asaa odi ammanthidayssanne balethidayssa hintte be7idetanne si7ideta.

ሃዋሬታ ኦሱዋ 19:8

Phawuloosi Ayhude Woosa Keetha gelidi, Xoossaa kawotethaabaa yayyonna palamishenne loythi qonccisishe enttara heedzu ageena gakkanaw gam77is.

ሃዋሬታ ኦሱዋ 26:28

Kawoy Agirphi, Phawuloosakko, “Ha guutha saaten tana ammanthanaw koyay?” yaagis.

ሃዋሬታ ኦሱዋ 28:23

Entti bantta yaana gallas Phawuloosas qaxaridi, he gallas daridi i de7iyasuwa yidosona. I wonttafe omarssi gakkanaw Xoossaa kawotethaabaa enttaw markkattis. Qassi entti Yesuusabaa ammanana mela Muse higgiyafenne nabeta maxaafappe qonccisidi entta tamaarssis.

ሃዋሬታ ኦሱዋ 9:20

Ellesidi Saa7oli, “Yesuusi Xoossaa Na7a” yaagidi Damasqqon de7iya Ayhude Woosa Keethatan qaala tamaarssis.

2 ቆሮንቶሳ 5:11

Hiza, nuuni Godaa bonchcheyssi ay guussekko eriya gisho asay nu odeyssa ekkana mela zoroos. Xoossay, nuuni ooneekko nuna erees; qassi hintteka hintte kahan nu ooneekko ereeta yaagada qoppays.