Bìoball air-loidhne

Filipʋ‑dunyʋä 4:9 - GOD - u2

⁹ Sä a 'cɩänö'ö lä yëku nä, ɩyä sä a 'ninö'ö 'mʋ nä, 'nɩ sa nuu‑ 'nɩ n cii‑ lä nä, ɩyä sä a ‑bɩänö'ö lä 'mʋ nä, anyɩ ‑mä 'sɩɩ a nʋ sɔɔ. ‑Mä Laagɔɔ ‑ʋ gbä 'nɩ nyɩkpɔ ni lä 'kʋ wɔtɔlɩɩ nä, ʋ yi'anyɩ yëku kʋ.

Faic an caibideil Dèan lethbhreac

dol air ais ⬆

Filipʋ‑dunyʋä 4:9
36 Iomraidhean Croise

Matie 1:23

Ɔ cii‑ bhä nynä 'Ŋnɔ ‑bhlo ‑kʋ ‑lɔɔ 'nɩ Ɔ ‑yä ŋwadii' ‑lä yëkuu mʋʋ 'nɩ, Ɔ yi 'gʋ plä. Ɔ yi 'yuŋwadi gään. 'Yuo 'mɔ wa 'kä lä Emanʋwɛɛ laa. Emanʋwɛɛ‑ŋnöö kɩ sä lä ‑zɔɔ nynä Laagɔ ‑kʋ‑anyɩ nëëdë.

Faic an caibideil

Matie 28:20

Sa 'fɩɩn n ‑sonö'anyɩ lä nynä ‑mä a nʋ nä, a cɩwa sɔɔ. 'Nɩ ylɩɩ 'fɩɩn 'mnö nä, ‑amʋ n ‑kʋ'anyɩ yëku. 'Nɩ n yi'anyɩ yëku kʋ ‑aaa, 'nɩ zëkpëa' bhɩäylʋʋ yi ŋëë.

Faic an caibideil

Matie 7:21

Nyɩkpaa 'fɩɩn‑ lä'ä lä Kwlienyɔ‑! Kwlienyɔ‑! nä, waa' ‑lefɩɩn ‑lä ‑klää Laagɔɔ' 'Leyiduu 'mnö plä. N 'Bäɔ ‑ɔ ‑kʋ lä ‑mɔɔ Laagɔɔ' nä, nyɩkpɔɔ' lɔɔ ‑ɔ nʋ lä ɔɔ' pɔlösaa nä, ɔmɔ ‑bhlo yi lä ɔɔ' 'Leyiduu 'mnö plä.

Faic an caibideil

Lukö 6:46

'Nɩ, ‑ɔnözä 'nɩ a lä'ä bhä 'flɛ Kwlienyɔ‑! Kwlienyɔ‑! 'Nɩ aa' nʋ bhä sä n 'ylänö'anyɩ lä nää?

Faic an caibideil

Lukö 8:21

‑Mä Zozii ‑sonʋwa, ɔ lä ‑wa poo lä Laagɔɔ' wälɩɩ 'nyukwli, 'nɩ ‑wa nʋ lä sɩ ylä lä nä, wamää‑ plöö‑ lä n 'nɔ, 'nɩ ‑wa plöö‑ lä 'sɩɩ n bhelie.

Faic an caibideil

Zään 13:17

A ‑yi ylä ‑nɩnɩ 'fɩɩn nä, a kä ɩɩ' saa nʋ nä, ɩ yi anyɩa' ‑jäkä nʋ.

Faic an caibideil

Zään 15:14

Anyɩ nä, sä n 'ylänö'anyɩ lä nä, a kä sɔɔ nʋ nä, a ‑glö yɩ 'naa 'nagwɩä.

Faic an caibideil

Zään 2:5

'Nɩ ɔ 'nɔ yi mʋ 'nɩ ɔ yi nyɩkpaa ‑wa dëë bhlä ‑glɩsɩɩsɩɛɛ' lülülɩɩ nä soo, ɔ lä sä ɔ ka'anyɩ 'ylää‑ nä, a nʋ sɔɔ!

Faic an caibideil

Nʋnʋgbɩɩ 9:6

‑N ‑bha 'kʋ ‑yä ‑n plä duu' ‑mä, sä n 'gä lä nʋ nä, wa yi‑i sɔɔ paa.

Faic an caibideil

Wlɔmʋ‑dunyʋä 15:33

Laagɔɔ ‑ʋ nyɛ lä 'kʋ wɔtɔlɩɩ nä, ʋ kʋ'anyɩ yëku anyɩ 'fɩɩn! Ɩ kʋ sɔɔ!

Faic an caibideil

Wlɔmʋ‑dunyʋä 16:20

Laagɔ ‑ʋ nyɛ lä 'kʋ wɔtɔlɩ nä, ʋ yi gbä 'nɩ a yi ‑zee 'Dëvlo 'kʋ nämnö 'nɩ a yiu 'plɩtɩä. ‑Anyɩa Kwlienyɔɔ Zozii' 'nyupälɩɩ ŋënö'anyɩ 'kʋ!

Faic an caibideil

1 Kolɛtɩ‑dunyʋä 10:31

Nä ka yi bhä lü ‑o, ka yi bhä 'mnä ‑o, sa 'fɩɩn a yi lä nʋ nä, a fään Laagɔ 'ŋnu.

Faic an caibideil

1 Kolɛtɩ‑dunyʋä 14:33

‑Ɔnöza bhää? Laagɔ nä, ʋʋ' nʋnʋgbɩɩ' ‑wʋ sä ‑jɛjɛɛ. 'Nɩ ʋ ‑glö 'sɩɩ 'kʋ wɔtɔ Laagɔ. 'Nɩ sɩ nʋɔ lä 'cɔcɩgbüü 'fɩɩn 'mnö nä,

Faic an caibideil

1 Kolɛtɩ‑dunyʋä 4:16

Nä kä n sla'anyɩ lä 'wlu nynä bheeje, a 'gë 'naa 'sëploo 'kʋ.

Faic an caibideil

2 Kolɛtɩ‑dunyʋä 13:11

‑Pɛpɛɛ nä, bhelie ‑yä bhɛŋwnɩänyɩ‑, a kʋ yɩ ‑jäka 'mnö! A tään nynä anyɩa' zëkpëa 'kä kplɔɔ. A 'ŋʋŋʋ 'sɩɩ 'tɛtɩɩ ‑yä a 'nunuu 'mʋ, ɩyä a kʋ 'kʋ wɔtɔlɩɩ 'mnö. Laagɔ, ‑ʋ plöö‑ lä ‑wawʋ Laagɔɔ ‑yä 'kʋ wɔtɔlɩɩ Laagɔɔ nä, ʋ yi'anyɩ yëku kʋ.

Faic an caibideil

Filipʋ‑dunyʋä 3:17

Bhɛŋwnɩä ‑yä bhelienyɩ‑, anyɩ 'fɩɩn, a nʋ ‑amʋ 'bhisäkʋ. ‑A ya'anyɩ wɛzä 'sëplo 'nyɛ. 'Nɩ nyɩkpaa' ‑nänʋä ‑kʋ ‑lɔɔ 'nɩ wa gëë‑ ‑anyɩa 'sëploo 'kʋ nä, a wluwa ‑yä a 'gë ‑lɔɔ' 'sëploo 'kʋ.

Faic an caibideil

Filipʋ‑dunyʋä 4:7

Sä a ‑yä Zozi Klisö 'sɔ 'jɛnyɩ‑ ylä nä, Laagɔɔ' 'kʋ wɔtɔlɩɩ ‑ɩ ‑zi lä 'fikee 'fɩɩn 'kʋ nä, ɩ yi'anyɩ pleyii 'kʋ. 'Nɩ ɩ yi 'sɩɩ anyɩa' bhobhowluu 'mnö kʋ.

Faic an caibideil

1 Tesalonikö‑dunyʋä 1:6

'Nɩ ‑anyɩa nʋnʋsaa, a ‑yi 'nɩ a 'bhlüü‑ sɔɔ 'sëploo 'kʋ. 'Nɩ a 'bhlüü‑ 'sɩɩ Kwlienyɔɔ 'sëploo' 'kʋ. A ‑kʋ bhɛ 'flɛ nyäkälɩɩ' oo, ‑maa, Kplɔɔkplɔɔ‑wugɔɔ ‑gbä 'nɩ Kwlienyɔɔ' 'Nägädöö a 'bhlünɩ‑ ‑pʋpɛɛ' 'kʋ.

Faic an caibideil

1 Tesalonikö‑dunyʋä 2:14

‑Ɛɛɛ, bhelie ‑yä bhɛŋwnɩänyɩ‑, 'klüü‑ ‑ŋëë lä Zudee' 'cɔcɩnyʋa nä, ɩɩ' ‑säkä ‑säkä ‑ŋënö'anyɩ lä. Sä 'kwlɩ ‑bhɩänʋwa lä 'Zufʋnyʋa 'wlɩɩ nä, sɔɔ ‑säkä ‑säkä 'kwlɩ ya'anyɩ lä kpänyɩ abhunyʋä 'wlɩɩ bhɩä.

Faic an caibideil

1 Tesalonikö‑dunyʋä 5:23

Laagɔɔ ‑ʋ plöö‑ lä 'kʋ wɔtɔlɩɩ' Laagɔɔ nä, ʋ yi ‑yä ʋmʋ 'titi kpɔlʋa'anyɩ wɩa. Ʋ gbä ‑yä Kwlienyɔ Zozi Klisö kä ‑yi nä, anyɩa' 'wugöö ‑yä anyɩa' kätö‑zizii ‑yä anyɩa' 'yɛkɛɛ, ɔɔ' kɩ ‑kä 'foclo 'mnö 'nii.

Faic an caibideil

2 Tesalonikö‑dunyʋä 3:4

‑A ‑kä pɔlötɛtɛ nynä ‑mä Kwlienyɔɔ' 'ŋnöö 'mnö, sä ‑a 'ylänö'anyɩ lä nä, ka nʋ sɔɔ. 'Nɩ a yi ‑lätee 'kɔɔkɔ sɔɔ nʋ.

Faic an caibideil

2 Timotee 4:22

Kwlienyɔɔ kʋ‑ʋ yëku. Ɔɔ' 'nyupälɩɩ ŋënö'anyɩ 'kʋ anyɩ 'fɩɩn!

Faic an caibideil

Zakö 1:22

Aa' poo lä 'flɛ 'sää Laagɔwälɩɩ 'nyukwli ‑mä, a nää 'sɩɩ sä ɩ ylä lä nä. A 'nö sɔɔ nää nä, a yëku a 'nyigë lä.

Faic an caibideil

2 Pɩɛlö 1:10

Nä, bhelie ‑yä bhɛŋwnɩänyɩ‑, kä Laagɔ ‑sä'anyɩ 'nɩ ʋ ‑gboguë'anyɩ, 'nɩ ʋ laa'anyɩ lä nä, a 'ŋʋ ‑lätee bʋkʋ a yëku 'tɛtɩɩ ‑yä a ‑yä Laagɔ 'sɔ 'jɛnyɩ. A kä sɔɔ nʋ 'zaazɩ nä, aa' ‑lä 'kɔɔkɔ nyenyii' bhlüü.

Faic an caibideil

1 Zään 3:22

‑A ŋʋ lä Laagɔɔ' ‑Jlämaa 'klʋkpää 'nɩ ‑a nʋ lä ʋʋ' pɔlösaa nä, ɩ ‑kä 'ŋnö nä, saa 'fɩɩn ‑a 'ylänʋ lä nä, kʋ nyɩ‑anyɩ sɔɔ.

Faic an caibideil

Lean sinn:

Ceanglaichean taic

Sanasan

Sanasan