Bìoball air-loidhne

Filipʋ‑dunyʋä 4:8 - GOD - u2

⁸ Bhɛŋwnɩä ‑yä bhelienyɩ‑, ‑bhɩädää 'klüü n 'kanyɩ ylä soo nä, ɩmɩɩ‑ plöö‑ lä nynä ‑mä, a kä ‑lɔɔ ‑kʋ nä, a bhobho 'nää. 'Klüü' lɩɩ ‑ɩ plöö‑ lä nyaasäsä nä, ɩyä 'klüü lɩɩ‑ ‑kʋ lä 'klʋkpää nä, 'klüü' lɩɩ ‑ɩ gëë‑ lä 'yii nä ɩyä 'klüü' lɩɩ ‑ɩ ‑kplɔɔ lä nä, 'klüü' lɩɩ nyɩkpa yi lä wamä nä, ɩyä 'klüü lɩɩ ‑ɩ ‑kʋ lä 'klʋkpää 'nɩ ‑ɩ ŋʋ lä 'sɩɩ nyɩkpɔ 'klʋkpää' nä, 'nɩ ‑ɩ yi lä gbä 'nɩ wa yi'anyɩ lä 'ŋnu fään nä, a kä ‑lɔɔ ‑kʋ nä, ɩmɩ a laa känö 'kɔɔkɔ anyɩa' bhobhowluu 'mnö.

Faic an caibideil Dèan lethbhreac

dol air ais ⬆

Filipʋ‑dunyʋä 4:8
67 Iomraidhean Croise

Matie 22:16

Ɩ ‑kä 'ŋnö nä, waa' 'kʋgënyʋä, ‑yä Elodöö' ‑jɛnyɩɛɛ' nyɩkpa, wa ‑lobhuwa Zozii yëku. Wa ‑yi lä nä, wlä Cɩanyɔ‑, ‑a ‑yi sɔɔ nynä ‑n ‑glö ‑nʋawlɛɛ‑cinyɔ. Kä ‑n cɩa nyɩkpa Laagɔɔ' ‑blɔɔ 'kʋ ‑nʋawlɛɛ. Nyɩkpɔɔ' kʋkʋsä, sɔɔ ‑nn wloo ‑wʋ 'nɩ ‑n 'gä ci. 'Nɩ ‑nn ‑guu ‑wʋ 'sɩɩ nyɩkpɔɔ' 'klʋ ciciwälɩ.

Faic an caibideil

Makö 6:20

Sä Zään plöö‑ bhlä nyɩkpɔɔ' ‑lɔɔ ‑ɔnö nʋnʋgbɩ‑ nää‑ bhlä, 'nɩ ‑ɔ ‑kplɔ bhlä Laagɔ dëlüü nä, kä Elodö ‑guunöɔ bhä, 'nɩ ɔ 'tɩtɔnöɔ bhä 'kʋ. 'Tänyɩ Zään sonöɔ bhlä nä, ɩ kamänöɔ bhä yëkuu', ‑mä ɩ ‑kʋ sɔɔ 'nɩ ɔ ‑waa bhä ɔɔ' 'nyukwli poolɩ.

Faic an caibideil

Lukö 16:15

'Nɩ ɔ yiwa soo, ɔ lä anyɩ, a tla 'flɛ a yëku a ‑liesɩ nynä 'yigëënyʋä, ‑mä Laagɔ ‑yi anyɩa' pleyii wälɩɩ 'fɩɩn! N sonö'anyɩ nynä nyɩkpɔɔ' lɔɔ wa ci lä nynä ‑mä ɔ plöö‑ nyɩkpa 'kädɔ ‑mää 'ylʋzɔɔ nä, Laagɔ dëlüü ‑lɔɔ' nyɩkpɔɔ ‑glö ‑lɛɛ nyonyo.

Faic an caibideil

Lukö 2:25

‑Mä ‑mɔɔ Zolizalɛmʋduu' nä, nyɩkpɔ ‑bhlo ‑kʋ bhä ‑mɔɔ 'nɩ wa lɔɔ bhä Simeyɔɔ. Ɔ plöö‑ bhä ‑laagɔnyɔɔ' lɔɔ ‑ɔnö nʋnʋgbɩ gëë‑ bhlä 'yii nä. Laagɔɔ' Kplɔɔkplɔɔ‑wugɔɔ ‑kʋɔ bhä yëku. 'Tänyɩɛ 'gä bhlä ŋëë ‑yä Laagɔ 'kä 'Yizlɛnyʋä 'yii sɩɔ nä, ɔ ‑bɛnɩɛ bhä 'sɩɩ.

Faic an caibideil

Lukö 23:50

Nyɩkpɔ ‑bhlo, ɔmɔ wa laa bhä Zozɛfʋ. Ɔ ‑glö bhä nyɩkpɔɔ' lɔɔ ‑ɔ nää‑ bhlä plɛkʋ 'nɩ ‑ɔnö nʋnʋgbɩ gëë‑ bhlä 'yii nä.

Faic an caibideil

Zään 7:18

Nyɩkpɔ kä ɔ yëku 'wluu ‑sä 'nɩ ɔ kä ci nä, ɔ yëkuu' 'ŋnu fäälɩ ɔ tään. 'Ɩzä nyɩkpɔ kä ‑ɔ ‑lobhuo lä nä ɔɔ' 'ŋnumʋlɩ tään nä, ɔ ‑glö ‑nʋawlɛɛ‑cinyɔ. Ɔɔ' ‑wʋ ‑kpläkplä ‑kä.

Faic an caibideil

Nʋnʋgbɩɩ 10:22

Nyɩkpaa lä Kɔnɛyö mɔɔ‑ ‑lobhu‑anyɩ lä. Ɔ ‑glö Wlomɛɛnyʋaa' 'sʋjaa 'kämänyɔ. Ɔ ‑glö nyɩkpɔɔ' lɔɔ ‑ɔnö nʋnʋgbɩ‑ gëë‑ lä 'yi nä. Ɔ ŋʋ kpänyɩ Laagɔ 'klʋkpää', 'nɩ 'Zufʋnyʋa 'fɩɩn ci ɔɔ' 'nää. Kɔnɛyönɔ 'mɔ kplɔɔkplɔɔ ‑Laagɔzuzu ‑ghlä lä 'yii. Ʋ ‑sonöɔ nynä ɔ yi‑i ‑gʋʋ ‑mä, ‑n ‑kä wälɩ ‑n 'gɔ soo.

Faic an caibideil

Nʋnʋgbɩɩ 22:12

‑Mä ‑mɔɔ Damasöduu' nä, nyɩkpɔ ‑bhlo ‑kʋ bhä ‑mɔɔ 'nɩ, 'Zufʋnyʋa 'fɩɩn ci bhä ɔɔ' 'nää. Ɔmɔ wa laa bhä Ananɩasö. Ɔ ‑glö bhä 'sɩɩ Laagɔɔ' bʋbɔnyɔ 'titi. 'Nɩ ɔ ŋʋ bhä Moyizöö' ‑Jlämaa 'klʋkpää.

Faic an caibideil

Nʋnʋgbɩɩ 6:3

Ɩ ‑kä ylä 'ŋnö nä, bhelienyɩ‑, nyɩkpaa' lʋä ‑wanö 'nää nyɩkpa ci lä 'nɩ Kplɔɔkplɔɔ‑wugɔɔ ‑kʋ lä kpänyɩ yëku nä, 'nɩ ‑wa ‑kä lä 'sɩɩ dɩgälɩ kpänyɩ nä, a ‑sä 'sɔɔ nyɩkpa ‑ngbɔɔsɔ anyɩ nëëdë ‑yä ‑a 'gwa lülülɩɩ' dëëlɩɩ' ‑tëbhuu 'nyɛ.

Faic an caibideil

Wlɔmʋ‑dunyʋä 13:13

A ‑ya nää nynä zëlügää' nämʋnyʋä. ‑Aa 'plö ‑läyɩ ‑leegbi lünyʋä. ‑Aa 'plö lä nʋgbii' 'mnänyʋä ‑yä nʋ 'ka‑anyɩ 'bhlä. ‑Aa nʋ ‑läyɩɔ 'klʋtɛtʋgbɩ. ‑Aa nää ‑läyɩɔ ‑käpä ‑käpä. ‑A ‑taa yɩ 'kʋ bhläälɩɩ ‑yä luëzüü 'yi.

Faic an caibideil

Wlɔmʋ‑dunyʋä 13:3

Nyɩkpɔ kä ɔɔ' zëkpëa 'mnö 'nää nʋ nä, ɔɔ' ‑guu ‑wʋ 'bhlɩɛ 'mnö 'kämänyʋa. ‑Mä nyɩkpɔ kä nyenyi nyenyi nää nä, ‑wa 'kämä lä nä, ɔ ‑kä 'nɩ ɔ 'kwa ‑guu. ‑Nn ‑wʋ ‑waa nynä ‑mä ‑n 'gä 'bhlɩɩ 'mnö 'kämänyʋä ‑guu ‑a? ‑Ɔ gä sɔɔ nä, ‑n nʋ 'nägägbɩ ‑mä wa yi‑i ‑kpacɛ klä.

Faic an caibideil

Wlɔmʋ‑dunyʋä 14:18

Nyɩkpɔ kä 'sɔɔ Klisö ‑gä nʋ nä, kä Laagɔ ‑waa ɔɔ' wälɩ, 'nɩ nyɩkpa ŋomänöɔ 'sɩɩ.

Faic an caibideil

Wlɔmʋ‑dunyʋä 2:29

'Zufʋ‑plölɩ nä pleyii ‑ɩ ‑kʋ lä, 'nɩ 'kʋ döölɩɩ 'titi plöö‑ lä pleyii 'kʋ ‑döölɩ. 'Wugɔɔ 'mnö ‑nɩnɩ bha lä ‑mä 'bɔɔgʋʋ' ɩɩ' ‑bha ‑wʋ. 'Zufʋyu 'titi nä, nyɩkpaa‑ fänöɔ ‑wʋ 'ŋnu ‑mä Laagɔ fänöɔ 'ŋnu.

Faic an caibideil

1 Kolɛtɩ‑dunyʋä 4:5

Naa, aa' ‑döö lä nyɩkpɔɔ' wälɩɩ ‑mä, a ‑bɛɛ Kwlienyɔɔ' yi‑tänyɩɛ. Nʋnʋgbɩɩ 'fɩɩn‑ zizio lä 'cucuu 'mnö nä, ɔmɔɔ‑ 'gä lä gbä ‑yä ɩ 'kä 'yi nio. 'Nɩ saa 'fɩɩn nyɩkpɔ nyɩkpɔ ŋʋʋ‑ lä pleyii nä, Kwlienyɔɔ 'mɔɔ‑ 'gä lä 'sɩɩ gbä ‑yä sɔɔ 'kä yibhënöɔ. Ɩyä ‑lɩɩ 'fɩɩn nyɩkpɔ nyɩkpɔ ‑nʋ lä nä, Kwlienyɔɔ kɔ ɩɩ' ‑za ‑kpacɛ klä.

Faic an caibideil

2 Kolɛtɩ‑dunyʋä 13:7

Nä, ‑a bhibhie anyɩa' ‑za ‑yä aa' kä ‑kä gbenyenyii' 'cënänä nʋ. N ci lä nä, ɩɩ' ‑wʋ plöö‑ nynä ‑mä ‑anyɩ ‑a yä ‑lɩɩ 'fɩɩn sɩä. 'Nɩ ‑anyɩ ‑a 'nö bhɛ ‑zi mii‑ ‑kaaa nä, ‑a tään nynä ‑mä anyɩ, a mii ‑yä a 'kä 'nägägbɩ nʋ.

Faic an caibideil

2 Kolɛtɩ‑dunyʋä 6:8

Nyɩkpaa' ‑nänʋä fänö‑anyɩ 'ŋnu, 'nɩ ‑nänʋä sʋkpa‑anyɩ. ‑Nänʋä ci ‑anyɩa nyenyi, 'nɩ ‑nänʋä ci ‑anyɩa 'nää. 'Nɩ ‑nänʋä wlu‑anyɩ nynä ‑kpläkplönyʋä, ‑bhlɛ ‑nʋawlɛɛ‑ ‑a ci lä.

Faic an caibideil

2 Kolɛtɩ‑dunyʋä 8:18

Bhelio ‑ɔnö wälɩɩ wa ci lä, 'nɩ 'cɔcɩgbüü 'fɩɩn fään lä 'ŋnu Kwlienyɔɔ' 'Nägädöö bielɩɩ' ‑za nä, kä Titö ‑yɔsɔ yi'anyɩ lä ‑mɔɔ yëku.

Faic an caibideil

2 Kolɛtɩ‑dunyʋä 8:21

Laagɔ dëlü nä, sää‑ yi lä 'nää 'plö, ɩyä nyɩkpa 'yikʋ sää‑ yi lä 'sɩɩ 'nää 'plö nä, sɔɔ ‑a tään lä.

Faic an caibideil

Galatɩnyʋä 5:22

‑Mä Kplɔɔkplɔɔ‑wugɔɔ' sʋ nyɛ lä nä, sɔɔ‑ plöö‑ lä ‑wawʋ ‑yä ‑jäkä, ‑yä 'kʋ wɔtɔlɩ, ‑yä plɛkʋtɛnɔ, ‑yä plɛkʋmɛnɔ, ‑yä plɛkʋnanɔ, ‑yä Laagɔɔ' dë 'tɛɛlɩ,

Faic an caibideil

Efɛzɩ‑dunyʋä 4:25

‑Nɩnɩ ‑kä ylä 'ŋnö nä, a ‑taa ‑kpläkplaa 'yi! A kä ‑lɔɔ ‑kʋ nä, a sonö ‑sonö ‑nʋawlɛ ‑mä ‑a ‑glö 'yɛkɛɛ ‑bhloo' nëmü.

Faic an caibideil

Efɛzɩ‑dunyʋä 5:9

Zëlü 'mɩɩ‑ wlʋa lä plɛkʋnanɔ, ‑yä 'yigëëlɩ, ‑yä ‑nʋawlɛ.

Faic an caibideil

Efɛzɩ‑dunyʋä 6:14

Nä, a 'nynigo 'nägäsä 'kʋ! ‑Nʋawlɛɛ, a nɛnɩɛ 'mnö nynä 'bɛtʋ. A plä 'yigëgbɩ 'mnö nynä anyɩa' tëvë‑kotu.

Faic an caibideil

Filipʋ‑dunyʋä 3:1

Bhelie ‑yä bhɛŋwnɩänyɩ‑, 'klüü ‑ɩ ‑too ylä ‑mɔɔ 'nɩ n 'kanyɩ lä soo nä, ɩmɩɩ‑ plöö‑ lä nynä ‑mä, a ‑yä Kwlienyɔ sɔɔ' 'jɛnyɩlɩɩ 'mnö nä, ‑pʋpɛ kʋ'anyɩ pleyii. Wälɩɩ' ‑lɩɩ n ya'anyɩ wɛzä lä jɩjlä nä, n yi'anyɩ 'kɔɔkɔ ɩɩ' ‑säkä ‑säkä jɩjlä. Ɩɩ' ‑wʋ 'naa ‑za 'tɛ. Anyɩa ‑za nä, ɩ ‑ŋwa 'kʋ nynä n kla'anyɩ sɔɔ.

Faic an caibideil

Kolɔsʋ‑dunyʋä 4:5

Nyɩkpaa' ‑lʋa ‑wʋ lä 'cɔcɩnyʋä plöö‑ nä, a kwa 'yikʋ ‑kʋ nä, a nämnö dɩgälɩɩ'. 'Tänyɩnɛ Laagɔ nyɩ'anyɩ ylä nä, a kpelionɩɛ 'kʋ ‑yä a nämnö 'fikee 'mnö.

Faic an caibideil

1 Tesalonikö‑dunyʋä 4:12

A kä sɔɔ nää nä, ‑waa ‑wʋ lä 'cɔcɩnyʋä plöö‑ nä, wa yi'anyɩ 'klʋkpää 'ŋʋ, 'nɩ ɩ yi 'sɩɩ gbä 'nɩ anyɩa' zëkpëa' ‑läyɩɔ nyɩkpɔ 'tënö.

Faic an caibideil

1 Timotee 2:2

'Loyua ‑yä nyɩkpaa 'fɩɩn ‑wa ‑kä lä nyɩkpaa' 'kämälɩɩ' ‑tëbhuu nä, nyɩkpɔ nyɩkpɔ bhibhie waa' 'wlu ‑yä ‑anyɩa zëkpëa 'kä 'kʋ wɔtɔlɩɩ' kʋmʋ, ɩyä plɛɛ' kä‑anyɩ ‑kä 'mʋ belio. ‑A ‑yä Laagɔ 'sɔ 'kä 'kɔɔkɔ 'jɛnyɩ ‑yä ‑a 'gä kplɔɔlɩɩ 'mnö kʋ.

Faic an caibideil

1 Timotee 3:11

Wa 'ŋwnɩä ‑mä 'sɩɩ, ɩ ‑ŋwa 'kʋ nynä wa kʋ 'klʋkpää'. Waa' ‑sää ‑lä nyenyisä 'mʋ ‑yä wa klä wa yëku ‑kpään. Ɩyä wa kään dë 'tɛɛ sä nʋnʋgbɩɩ 'fɩɩn 'mnö.

Faic an caibideil

1 Timotee 3:4

Ɔ 'plö nyɩkpɔɔ' lɔɔ ‑ɔ ‑yi lä ɔɔ' gbëë' nyɩkpaa' 'tiesä nä. Ɩyä ɔɔ' 'yua 'nu ɔɔ' cici‑wälɩ ‑yä wa 'ŋʋɔ 'klʋkpä.

Faic an caibideil

1 Timotee 4:12

Nyɩkpɔɔ' ci lä nynä ‑mä sä ‑n plöö‑ lä nyëbluu nä, ɔ 'kä‑ä ‑dʋdʋkʋ wloo. ‑Naa cicisaa, ‑naa nämʋʋ, ‑naa ‑wawʋʋ, ‑naa pɔlötɛtɛɛ ‑yä ‑naa zëkpëa' kplɔɔlɩɩ 'mnö nä, 'cɔcɩnyʋa 'fɩɩn, wa 'bhlünö‑ö 'sëploo' ‑kʋ.

Faic an caibideil

1 Timotee 5:10

Ɩ ‑ŋwa 'sɩɩ 'kʋ nynä ‑mä 'nägägbɩɩ ɔ ‑nʋ lä nä nyɩkpa yibhënɩ. Wa yibhë sä ɔ ‑klä lä 'yuë, 'nɩ ɔ ‑klä lä lowie, 'nɩ ɔ ‑wɔɔ lä kplɔɔkplɔɔnyʋä ‑kokokpü, 'nɩ ɔ ‑klää 'sɩɩ ŋäzönyʋä nä. Ɩ kʋ yɩ nynä ‑mä 'klüü 'fɩɩn ‑ɩ plöö‑ lä 'nägägbɩɩ nä, ɔ ‑nʋɩ.

Faic an caibideil

1 Timotee 5:2

Ŋnʋklöö, ‑n klɩɩ nynä ‑n ‑nɔɔsɩ. Ɩyä ŋnʋgbɛnyʋa, ‑n klʋwa nynä ‑n bhɛŋwnɩä. Ɩyä sä ‑n bhobho lä waa' ‑za nä, sɔɔ kplɔɔ.

Faic an caibideil

Titö 1:8

Ɩ ‑ŋwa 'sɩɩ 'kʋ nynä ‑mä, nyɩkpaa‑ yi lä ɔɔ' 'gbëa 'mnö nä, ɔ yibhë waa' kläsä. Ɔ wamä‑ 'nää ‑yä ɔ yibhë 'sɩɩ ɔ yëkuu' kläsä. Ɔɔ' nʋnʋgbɩ gëë 'yii ‑yä ɔ kʋ Laagɔɔ' kplɔɔlɩɩ 'mnö ‑yä ɔ klä ɔ yëku ‑kpään.

Faic an caibideil

Titö 2:14

Zozi Klisö nä, kɔ ‑sä ɔ yëkuu' zëkpë ‑anyɩa ‑za ‑yä, ‑anyɩa nyenyi‑zëkpëa 'kä 'mʋ kplɩɔ. Kɔ ylä nynä ‑mä, ‑a kplɔɔ wɩa ‑yä, ‑a 'plö 'sää 'titi ɔɔ' nyɩkpaa' lʋä ‑wa ‑ghlɩlɩ lä 'kɔɔkɔ ‑yä ‑wa 'gä 'nägägbɩ nʋ nä.

Faic an caibideil

Titö 2:2

‑Ɔ plöö‑ lä 'kɔgwlɛnyʋa nä, ‑n sonʋwa nynä ‑mä wa klä wa yëku ‑kpään. Wa kʋ 'klʋkpää' ɩyä wa yibhë wa yëkuu' kläsä. Waa' pɔlötɛtɛɛ ‑mä 'sɩɩ, ɛ slɔɔ 'sää 'titi sä. Wa kään ‑wawʋ ‑yä wa yibhë plɛkʋ 'tɛmä sä.

Faic an caibideil

Titö 2:7

Titö‑, ‑mɔɔ 'titi ‑mä 'sɩɩ, sä ‑n yi lä nää nä, 'sɔɔ pana 'kɔɔkɔ 'nägägbɩ. ‑Naa cɩalɩɩ 'mnö nä, 'klüü ‑ɩ plöö‑ lä nyaasäsä, 'nɩ ‑ɩ ‑kʋ lä 'sɩɩ 'klʋkpää nä, ɩmɩ ‑n ‑nä cɩa.

Faic an caibideil

Titö 3:14

‑Ɛɛɛ, ɩ ‑ŋwa 'kʋ nynä ‑anyɩa 'cɔcɩnyʋa ‑mä 'sɩɩ wa 'cɩä kpänyɩ 'nää nʋlɩ. Ɩmɩɩ‑ 'gä lä gbä ‑yä 'klüü ‑lɩɩ ‑ɩ kää lä 'sää 'titi gbʋ ‑Laagɔ‑lebhee 'mnö nä, wa 'ka‑anyɩ 'kʋ yi ‑yä ɩ 'kä nʋɔ. ‑Lɔɔ ɩ 'kä lä yi nio nynä ‑mä wa ‑nʋ lʋʋ.

Faic an caibideil

Eblëënyʋä 11:2

‑A gä lä ‑a tɩtɩää' 'nägä ‑dläfʋɛ lü nä, waa' pɔlötɛtɛɛ' ‑za lä.

Faic an caibideil

Eblëënyʋä 13:18

A bhibhie ‑anyɩa 'wlu. ‑A ‑yi sɔɔ nynä ‑mä wälɩklë ‑bhlo 'coo zɛnö‑anyɩ ‑wʋ 'ŋnö. ‑Ɔnöza bhää? ‑Anyɩ nä, kä ‑a tään lä 'kɔɔkɔ nynä ‑mä ‑a 'gä 'nää nʋ.

Faic an caibideil

Zakö 1:27

Bʋbɔlɩɩ ‑ɩ ‑kplɔɔ lä 'nɩ ‑ɩɩ ‑wʋ lä ‑A 'Bä Laagɔ dëlü 'kpɔ 'mnö ‑kä nä, ɩmɩɩ‑ plöö‑ lä nynä ‑mä Laagɔɔ' bʋbɔnyɔ nä, ɩ ‑ŋwa 'kʋ nynä ‑mä kuyua ‑yä 'kuzëlüŋwnɩa 'sɔ, ɔ klänʋwa waa' mielɩɩ 'mnö. Ɩyä ‑mää 'ylʋzɔɔ' ‑lɩɩ 'fɩɩn‑ ‑ɩ ŋʋ lä nyɩkpa ‑gesi yëku nä, ‑lɔɔ' nyɩkpɔɔ ‑sɩɩ gwë.

Faic an caibideil

Zakö 3:17

‑Mä nyɩkpɔɔ' dɩgälɩ kä Laagɔ yëku bha nä, kɩ ‑kplɔɔ. 'Fɩa 'nɩ, ɩ bhɛɛ‑ 'kʋ wɔtɔlɩ ‑yä pɔlöwätɛ. Dɩgälɩɩ‑ bha lä Laagɔ yëku nä, kɩ glää nyɩkpa, 'nɩ ɩ ‑kä 'sɩɩ nyɩkpaa' ŋäzö‑ yibhëlɩ. Kɩ ‑yä 'nägägbɩ 'sɔ nää 'kɔɔkɔ. 'Nɩ ɩɩ' gbäzö ‑wʋ 'sɩɩ nyɩkpaa'. 'Nɩ ɩɩ' 'nyigë ‑wʋ nyɩkpɔ.

Faic an caibideil

1 Pɩɛlö 1:22

A ŋʋ lä ‑nʋawlɛɛ 'klʋkpää' nä, ɩ ‑kä 'ŋnö 'nɩ a yä kplɔɔ ‑yä a 'kä 'sää 'titi wamä ‑wamä nynä bhelie ‑yä bhɛŋwnɩä. Nä, anyɩa pɔlöö 'yi kplɔɔ wɩa ‑yä a 'kä kpänyɩ wamä ‑wamä.

Faic an caibideil

1 Pɩɛlö 2:12

Nyɩkpaa' ‑lʋa ‑wʋ lä Laagɔ ‑yi nä, a kwa nëëdë ‑kʋ nä, a klä a yëku 'nägäsä. Ɩ yi 'ŋnö kään 'nɩ, wa kä bhä tään nynä ‑mä, wa 'kanyɩ wälɩklë yëku fä ‑yä wa 'kanyɩ gbenyenyi 'kʋ 'ni nä, anyɩa' 'nägägbɩɩ yi gbä 'ni 'tänyɩɩ Zozii kä ‑yi nä, wa yi Laagɔ 'ŋnu fään.

Faic an caibideil

1 Pɩɛlö 4:8

Sɩ yi kʋmɔ ‑kʋmɔ ‑kaa nä, a wamä ‑wamä kpänyɩ. ‑Ɔnöza bhää? ‑Wawʋ nä, kʋ 'tütlü nyenyi ‑bhutukpä 'kʋ.

Faic an caibideil

2 Pɩɛlö 3:1

'Naa ‑wawanyʋänyɩ‑, 'naa 'sɔna‑bɔɔgʋ n jɩjla'anyɩ ylä. 'Nɩ ɩmɩ 'bɔɔgwɩɩ 'sɔ 'mnö nä, kä n ‑tää nynä n 'kanyɩ luë ‑yä a 'kä gblɩmä ‑yä a 'kä ‑kä 'nää bhobho.

Faic an caibideil

1 Zään 3:18

Nä, 'naa 'yuënyɩ‑, ‑a 'nä cii ‑lä 'flɛ nëë' nynä ‑mä ‑a ‑kä ‑wawʋ. ‑A gä 'zaazɩ ‑wawʋ ‑kä nä, a ‑ya paanʋ ‑anyɩa nʋnʋgbɩɩ 'mnö!

Faic an caibideil

1 Zään 3:3

Nyɩkpɔɔ' lɔɔ ‑ɔ gä Klisö dë 'tɛɛ nä, sä Klisö ‑kplɔɔ lä nä, ɔmɔ ‑mä 'sɩɩ, ɔ yi sɔɔ ɔ yëku kpɔlʋä.

Faic an caibideil

1 Zään 4:1

'Naa ‑wawanyʋänyɩ‑, nyɩkpaa ‑wa ci lä nynä ‑mä wa ‑kä Laagɔɔ' 'Wugɔɔ nä, a 'nä kään ‑lä 'sɔɔ waa' ‑lefɩɩn pɔlötɛtɛ. A bɩä 'fɩa ‑yä 'wugɔɔ wa ‑kä lä nä, ʋ kä Laagɔɔ' ‑lʋʋ plöö‑ nä, a 'kʋ yibhë. ‑Ɔnöza bhää? ‑Kpläkplö 'plɔfɛtɩnyʋä yä 'ylʋzɔɔ zumë.

Faic an caibideil

Lean sinn:

Ceanglaichean taic

Sanasan

Sanasan