Bìoball air-loidhne

Duilleag-dhachaigh
Bìoball air-loidhne
Filipʋ‑dunyʋä 4:19

Filipʋ‑dunyʋä 4:19 - GOD - u2

¹⁹ Kä n mʋ'anyɩ yɩ soo ‑kää nynä ‑mä, 'naa Laagɔɔ n bʋbɔ lä nä, ʋ yi'anyɩ ‑lɩɩ 'fɩɩn 'nyɛ. Laagɔ yi ʋʋ' 'klʋagba‑leylüü 'mnö ‑sä 'nɩ ʋ yi'anyɩ 'nyɛ Zozi Klisöö' 'ŋnöö' 'mnö.

Faic an caibideil Dèan lethbhreac

dol air ais ⬆

Filipʋ‑dunyʋä 4:19
44 Iomraidhean Croise

Matie 6:32

‑Lɔɔ ‑lɩyɩ 'fɩɩn nä, ‑waa ‑wʋ lä Laagɔ ‑yi nä, wamää‑ tänɩ lä. ‑Mä anyɩ nä, a 'Bäɔ ‑kʋ lä ‑mɔɔ ‑Laagɔɔ' nä, ‑lʋʋ ‑ʋnö gbʋʋ‑ bhla'anyɩ lä nä, ɔ ‑yiu.

Faic an caibideil

Zään 20:17

Zozii lä ‑naa 'tanö'ö ‑lä ‑mä, nn' ‑lätee n 'Bä yëku gblää‑. ‑Mä ‑n mʋ ‑yä ‑n soo n bhelie nynä ‑mä, n 'Bä ɩyä 'naa Laagɔ ‑ʋ plöö‑ lä 'sɩɩ anyɩa 'Bä ‑yä anyɩa Laagɔ nä, kä n gblää ylä 'nɩ, n mʋɔ ylä yëku.

Faic an caibideil

Zään 20:27

'Nɩ ɔ yi Tomaa soo, ɔ lä Tomaa! ‑N yi ‑yä ‑n ‑koo ‑lää wliiye! Ɩyä ‑n wloo 'naa ‑klɔgböö! ‑N ‑lä 'sɩɩ sɔ 'yikʋ ‑yä ‑n fä 'naa gbäköö ‑zɔɔ wlɩ! Ɩyä ‑n gä ‑nʋ nä, ‑naa 'tɛmä ‑lä 'nyukwli ‑mä, ‑n kään pɔlötɛtɛ!

Faic an caibideil

Wlɔmʋ‑dunyʋä 1:8

N bhään 'fɩa 'naa Laagɔ anyɩa' ‑za, Zozi Klisöö' 'ŋnöö 'mnö. ‑Ɔnöza bhää? 'Ylʋzɔɔ' dää 'fɩɩn kä nyɩkpa lü ‑mɔɔ anyɩa' pɔlötɛtɛɛ' ‑dläfʋɛ.

Faic an caibideil

Wlɔmʋ‑dunyʋä 11:33

‑Ɛɛɛ! 'nää Laagɔ ‑kä lä nä, aa ‑wʋ 'kʋ mʋsä ‑kä! Ʋʋ' dɩgälɩɩ ‑yä ʋʋ' 'fikee 'sɔ ‑wʋ 'kʋ nyäka lʋʋ ‑kä! Sʋ dö lä ʋʋ' wälɩɩ nä, nyɩkpɔɔ' ‑lä sɔɔ yibhë. 'Nɩ sʋ yä lä 'ŋʋ nynä ‑mä ʋ yi nʋ nä, nyɩkpɔɔ' ‑lä 'kɔɔn sɔɔ 'mʋ 'nu.

Faic an caibideil

Wlɔmʋ‑dunyʋä 2:4

‑Aaa nä, ‑mɔɔ, sä Laagɔ ‑kʋ lä nä, kä ‑nn 'mänyɩ ‑wʋ lä sɔɔ nä? Laagɔ nä kʋ nää‑ kpänyɩ plɛkʋ, 'nɩ ʋ ‑yi plɛkʋ 'tɛmä sä, 'nɩ ʋ ‑yi ‑bɛɛsä. 'Nɩ ʋʋ' plɛkʋmɛnɔɔ 'mnö ‑n 'gä lä ghlää ‑yä ‑naa zëkpëa 'kä 'cɩcɩ nä, ‑lɔɔ' 'klüü ‑n 'nɩɩ bhä ‑yi ‑a?

Faic an caibideil

Wlɔmʋ‑dunyʋä 8:18

'Tänyɩnɛ 'mnö 'kwlɩkabhɩa ‑a ni lä nä, a ‑ya nyäkanöa yɩ ‑laa 'klʋagbaa‑ Laagɔ 'ka‑anyɩ lä 'nyɛ nä 'kʋ.

Faic an caibideil

Wlɔmʋ‑dunyʋä 9:23

'Nɩ nyɩkpaa' ‑lʋa ʋ ‑sä 'nɩ ʋ laa‑ lä ʋʋ' 'klʋagbaa 'mnö nä, ʋ ‑yibhënʋwa ŋäzö 'nɩ ʋ panʋwa‑ yɩ ʋʋ' 'klʋagba 'mnö leylüü.

Faic an caibideil

2 Kolɛtɩ‑dunyʋä 12:21

N yi'anyɩ lä bʋkʋ yëku nä, n gu 'sɩɩ nynä ‑mä, 'naa Laagɔɔ' kä'ä ‑kä bʋkʋ anyɩ 'yikʋ sʋkpa, ɩyä nyɩkpaa' ‑lʋa ‑wa ‑bhlüü lä ‑lɔɔ' 'tänyɩɛ nyenyii 'mnö nn' kä ‑kä waa' bhutukpää' ‑za 'tu. Waa' 'ylä ‑wʋ lä nynä ‑mä wa 'kɩ 'mnö bha nä, wa ‑kʋ ‑lätee plʋplälɩɩ 'mnö, wa nää ‑lätee dëbësä 'nɩ wa ‑kʋ ‑lätee ‑käpä ‑käpaa 'mnö.

Faic an caibideil

2 Kolɛtɩ‑dunyʋä 4:17

‑Ɛɛɛ, 'klʋagba 'käda ‑aa bhɩä ‑wʋ lä 'nɩ ‑a 'gä lä ‑zee 'mnö kʋ nä, ‑a ga plɛkʋ 'pä nä, 'kwlɩkabhɩa 'fɩɩn ‑a ni lä ‑mää 'ylʋzɔɔ nä, aa' ‑wʋ lʋʋ plöö‑.

Faic an caibideil

Efɛzɩ‑dunyʋä 1:18

Anyɩa' bhobhowluu känöɔ 'klʋ ‑yä a 'kä Laagɔɔ' zëlüü 'yi 'ni wɩa. Ɩ yi gbä 'nɩ a yi sɔɔ yibhë nynä ‑mä, kä Laagɔ laa'anyɩ ‑yä ʋ 'kanyɩ puë. Laagɔɔ' 'nää 'käda ʋ ŋʋʋ‑ lä nynä ‑mä ʋ yi ʋʋ' kplɔɔkplɔɔnyʋa 'nyɛ nä, ‑lɔɔ 'nää a yia yibhë.

Faic an caibideil

Efɛzɩ‑dunyʋä 1:7

Klisöö' 'kwiee doluu 'mnö ‑mɔɔ Laagɔ ‑sänö‑anyɩ lä gbʋ 'wlu. 'Nɩ sä Laagɔ nää‑ lä kpänyɩ plɛkʋ nä, ʋ cienö‑anyɩ ‑anyɩa nyenyii.

Faic an caibideil

Efɛzɩ‑dunyʋä 2:7

‑Mä 'nää 'fɩɩn ʋ nʋnö‑anyɩ lä Zozi Klisö 'mnö nä, ‑mɔɔ 'yikʋʋ 'tänyɩɩ 'mnö, a yi pana nynä ‑mä kä Laagɔ nää‑ plɛkʋ kpänyɩ.

Faic an caibideil

Efɛzɩ‑dunyʋä 3:16

Sä Laagɔɔ' 'klʋagbaa' 'mnö leylüü' ‑wʋ lä 'bɛ nä, ʋ ghlää ʋʋ' 'Wugɔɔ 'mnö ‑yä ʋ 'nyɩ'anyɩ 'tɛtɩ ‑yä ɩ 'kä gbä anyɩa' 'cɔcɩ‑zëkpëa 'kä ‑mɔɔ see 'nägäsä.

Faic an caibideil

Efɛzɩ‑dunyʋä 3:8

‑Amʋʋ‑ plöö‑ lä kplɔɔkplɔɔnyʋa 'fɩɩn nëëdëë' ‑lɛ 'tɩkɩɩlɛɛ. ‑Mä sɔɔ ɩ ‑kʋ 'nɩ Laagɔɔ' plɛkʋmɛnɔɔ ‑gbä 'nɩ nyɩkpa 'fɩɩn‑ ‑wʋ lä 'Zufʋnyʋä plöö‑ nä, Klisöö' 'nää ‑aa ‑wʋ lä 'kʋ mʋsä ‑kä nä, n sänʋwa yɩ aa 'mnö 'Nägädöö.

Faic an caibideil

Filipʋ‑dunyʋä 4:7

Sä a ‑yä Zozi Klisö 'sɔ 'jɛnyɩ‑ ylä nä, Laagɔɔ' 'kʋ wɔtɔlɩɩ ‑ɩ ‑zi lä 'fikee 'fɩɩn 'kʋ nä, ɩ yi'anyɩ pleyii 'kʋ. 'Nɩ ɩ yi 'sɩɩ anyɩa' bhobhowluu 'mnö kʋ.

Faic an caibideil

Kolɔsʋ‑dunyʋä 1:27

Sä Laagɔ ‑zizie bhlä 'kʋ nä, kʋ pana‑ yɩ sɔɔ 'cɔcɩnyʋa. Ɩyä wa 'kä sɔɔ yibhë nynä ‑nʋawlɛɛ‑ ‑zizio bhlä 'kʋ nä, ɛ bhɛɛ‑ bhä 'nää 'kädä ‑kädä. 'Klüü‑ ‑zizio bhlä nä, ɩmɩɩ‑ plöö‑ lä nynä ‑mä, Klisö ‑kʋ'anyɩ lä pleyii nä, a känɩ plɛkʋ nynä ‑mä ɔ yi gbä 'nɩ a yi Laagɔɔ' 'klʋagba 'mnö kʋmʋ.

Faic an caibideil

Kolɔsʋ‑dunyʋä 3:16

Klisöö' 'Nägädöö ‑yä ɩɩ' 'mnö leylüü 'sɔ kʋ'anyɩ pleyii. A 'bhlü dɩgälɩ 'kʋ ‑yä a cɩa ‑cɩa ‑yä a 'ŋʋ ‑ŋʋʋ dɩgälɩɩ'. A bhlɩ ‑laagɔɔ' lɔlɔ. A bhlɩ ‑Laagɔlɩ. Bhlɩ bhlɩlɩɩ 'fɩɩn Kplɔɔkplɔɔ‑wugɔɔ ka'anyɩ lä pleyi 'pä nä, a bhlɩɩ ‑yä a fään Laagɔ 'ŋnu.

Faic an caibideil

1 Tesalonikö‑dunyʋä 2:12

‑A ŋʋʋ'anyɩ 'tɛtɩɩ 'nɩ ‑a ‑bhluë'anyɩ plɛɛ', 'nɩ ‑a ‑jlü'anyɩ 'nyukwli nynä sä Laagɔ ylä lä nä a nää sɔɔ. Laagɔ‑ laa'anyɩ lä ʋʋ' 'Leyiduu 'mnö ‑yä a 'kʋʋ 'klʋagba 'mnö kʋmʋ.

Faic an caibideil

1 Timotee 6:17

Timotee‑, 'ylʋnʋzɔɔ' lɛkäänyʋa, ‑n sonʋwa nynä ‑mä, waa' täkpɔɔ ‑lä waa' leylü 'mʋ. Leylüü' lɩɩ ‑ɩɩ ‑wʋ lä dë 'tɛɛ sä ‑kä nä, wa 'nä 'tɛnɩ ‑lä dë ‑mä, wa 'tɛɛ Laagɔ dë. Laagɔɔ' plɛkʋmɛnɔɔ 'mnö nä, kʋ nyɩ‑anyɩ ‑lɛɛ bhutukpä.

Faic an caibideil

Filemɔɔ 1:4

'Tänyɩɩ 'fɩɩn 'mnö n bhibhie lä nä, ‑mɔɔ Filemɔɔ, kä n luë ‑naa dä 'kʋ, 'nɩ n bhään 'naa Laagɔ.

Faic an caibideil

1 Pɩɛlö 5:1

‑Pɛpɛɛ nä, 'cɔcɩɛɛ' nëkʋʋ' kʋnyʋa, wamä n soo ylä nynä ‑mä, ‑amʋ ‑mä 'sɩɩ, n plöö‑ 'cɔcɩɩ' nëkʋʋ' kʋnyɔ wamä 'bhisäkʋ. Sä 'kwlɩ ‑bhɩä lä Klisö nä, n 'nimʋ sɔɔ 'yi. 'Nɩ 'klʋagba ‑a yi lä nä, a yi'i 'kʋ ŋëëmʋ.

Faic an caibideil

1 Pɩɛlö 5:10

‑Mä 'kwlɩnɩ yi'anyɩ bhɩädä kʋ ‑aaa 'nɩ ɩ yi 'tänyɩ nʋ. ‑Mä Laagɔɔ ‑ʋ ‑kä lä ‑wawʋ nä, ʋ yi'anyɩ 'tɛtɩɩ 'ŋʋ. Ʋʋ' 'klʋagba ‑kʋ lä 'kɔɔkɔ nä, amä 'mnö ʋ laa'anyɩ lä nynä a yii Zozi Klisö. Nä ʋmʋ 'titi yi gbä 'nɩ a yi 'mʋ 'tɛmä 'nɩ a yi 'nägäsä 'mʋ 'tɛmä.

Faic an caibideil

Lean sinn:

Ceanglaichean taic

Sanasan

Sanasan