Filipʋ‑dunyʋä 4:18 - GOD - u2

¹⁸ Kä n mʋ'anyɩ yɩ soo ‑kää nynä wopüü 'fɩɩn a tlënö'ö lä nä, ɩ ‑ŋënö'ö. 'Nɩ ɩ ‑gbä yɩ nä, 'naa kääkäälɩɩ yä zumë. 'Tänyɩɩ Epafloditö nö'ö bhlä anyɩa' wopëa ‑lä nä, kä n ‑kä yɩ ‑lɩɩ 'fɩɩn. 'Cibhii' ‑lɛɛ Laagɔ yä lä 'kʋ ŋoo 'nɩ ‑ɛ ‑kɔɔ lä 'tʋ nä, sä ɛɛ' 'ŋwänɩ ‑kʋ lä Laagɔ dëlü nä, sɔɔ anyɩa' tlëë tlëëlɩɩ ‑kʋ lä.

Faic an caibideil Dèan lethbhreac

« Roimhe

dol air ais ⬆

Air adhart »

Filipʋ‑dunyʋä 4:18
15 Iomraidhean Croise

Nʋnʋgbɩɩ 10:4

‑Mä Kɔnɛyö ‑ŋänö ‑plɔɔ 'nɩ ɔ wloo bhɛ ‑Laagɔzuzuu ‑plɩɩ. Ɔ lä Kwlienyɔ‑, wälɩ ‑sa ‑kɛ 'noo? ‑Laagɔzuzuu lä Kɔnɛyö‑, ‑naa bhibhie, ɩyä ‑naa 'nää‑ ‑n nʋ lä ‑ŋäzönyʋa nä, Laagɔ yä 'ɩɩ dä 'kʋ luë ‑mä ʋ 'nö‑ö ‑wʋ 'kʋ bë!

Faic an caibideil

Wlɔmʋ‑dunyʋä 12:1

Nä bhelie ‑yä bhɛŋwnɩänyɩ‑, Laagɔɔ' ŋäzö yibhëlɩɩ' ‑za nä, n 'ylänö'anyɩ wälɩklë ‑bhlo. Amää‑ plöö‑ lä nynä ‑mä, a ‑sä a yëku ‑yä anyɩa' zëkpë Laagɔɔ' ‑za. Kɩ ‑kʋ lä nynä 'cibhii' lɛɛ‑ nää‑ kpänyɩ 'nɩ ‑ɛ ‑kplɔɔ lä Laagɔ dëlü nä. Ɩmɩɩ‑ plöö‑ lä Laagɔ dëlü bʋbɔlɩ 'titi.

Faic an caibideil

2 Kolɛtɩ‑dunyʋä 11:8

'Yigäda ‑gbäsɩɩ 'cɔcɩgbüü, ɩmɩɩ‑ nyɛɛ'ɛ lä. Ɩmɩɩ n ‑sä wlɩɩ' 'nɩ n nʋ'anyɩ lä ‑gä.

Faic an caibideil

2 Kolɛtɩ‑dunyʋä 9:12

Nä, anyɩa' kwänɩsɩɛ nä, kɛ klää 'cɔcɩnyʋa, 'nɩ ɛ gbä 'sɩɩ 'nɩ wa fään kpänyɩ Laagɔ 'ŋnu.

Faic an caibideil

Efɛzɩ‑dunyʋä 5:2

A kʋ ‑wawʋʋ 'mnö. Kä Klisö ‑wamänö‑anyɩ lä nä, 'ɩzä ɔ ‑sä lä ɔ yëku Laagɔ delü 'cibhi 'kʋ ‑anyɩa ‑za. 'Nɩ ɔɔ' 'cibhie nä, ɛ ‑glö 'nägä‑cibhii' lɛɛ‑ pä lä 'ŋwänɩ Laagɔ dëlü nä.

Faic an caibideil

Filipʋ‑dunyʋä 4:12

N ‑yi ŋäzöö' kʋ sä, 'nɩ n yi 'nää kʋ sä. 'Tänyɩɩ 'fɩɩn 'mnö, ɩyä dää 'fɩɩn n plö lä nä, n cɩä‑ loolɩ, 'nɩ n cɩä‑ ‑gbugbe. N cɩä‑ ‑lɛɛ ‑käälɩ, 'nɩ sä lʋʋ bɔɔ lä nyɩkpɔ nä, n yi 'sɩɩ sɔɔ.

Faic an caibideil

2 Tesalonikö‑dunyʋä 1:3

Bhelie ‑yä bhɛŋwnɩänyɩ‑, ɩ ‑ŋwa 'kʋ nynä ‑mä ‑anyɩ, ‑a bhään 'kɔɔkɔ Laagɔ anyɩa' ‑za. ‑Ɛɛɛ, sä anyɩa' pɔlötɛtɛɛ 'ghlümë lä 'kɔɔkɔ nä, 'nɩ ‑wawʋʋ ‑ʋ ‑kʋ'anyɩ lä pää' nä ʋ 'ŋʋnöɔ lä 'kɔɔkɔ 'kʋ nä, ɩ ‑ŋwa 'zaazɩ 'kʋ nynä ‑mä ‑a bhään anyɩa' ‑za Laagɔ.

Faic an caibideil

Eblëënyʋä 13:16

Aa' bë ‑lä nynä ‑mä kä a ‑kä 'nɩ a 'kä nyɩkpa 'nää nʋ, ‑yä a ‑yä nyɩkpa 'sɔ 'kä dëë. 'Cibhinɛ 'mɛ Laagɔ ‑waa lä.

Faic an caibideil

1 Pɩɛlö 2:5

Nä, a yi ‑yä cɛkwɩɩ' lɩɩ‑ ‑yä lä nä 'bhisäkʋ, Laagɔ 'kanyɩ 'kʋ 'bhlü ‑yä ʋʋ' 'Wugɔɔ' ‑bhutuu 'kä slɔɔ. Anyɩ‑ plöö‑ lä 'Cibhisänyʋa' ‑zajɛɛ Laagɔ ‑sä 'nɩ ʋ ŋʋʋ‑ lä ɛɛ' dä nä. A 'kä Laagɔɔ' 'cibhie ‑sä. 'Nɩ anyɩa' 'cibhie nä, Laagɔ yie ŋomä Zozi Klisöö' 'ŋnöö 'mnö.

Faic an caibideil

Lean sinn:

Ceanglaichean taic

Sanasan

Filipʋ‑dunyʋä 4:18 - GOD - u2

Filipʋ‑dunyʋä 4:1815 Iomraidhean Croise

Filipʋ‑dunyʋä 4:18
15 Iomraidhean Croise