Filipʋ‑dunyʋä 4:11 - GOD - u2

¹¹ ‑Ɛɛ ‑wʋ sä n 'kanyɩ lʋʋ 'ylää nä, ɩɩ' ‑zä n ci sɔɔ‑. ‑Amʋ nä, n yɩɩ 'cɩa. Sä n ni lä nä, kä sɔɔ ‑kä'ä 'tʋ 'kɔɔkɔ.

Filipʋ‑dunyʋä 4:11 Iomraidhean Croise

Lukö 3:14

'Sʋjä ‑kʋ bhä 'sɩɩ ‑lɔɔ, 'nɩ wa yio 'ylä, wlä 'nɩ ‑anyɩ, säsä ‑a ‑la nʋ bhää? Zään lä a 'nä 'nyɛɛ lä nyɩkpɔ 'flɛ ‑flɛ gbʋ! A 'nä fä lä nyɩkpɔ 'fɩ 'kʋ ‑yä, a 'kä ɔɔ' kääkäälʋʋ ‑sä! Sä wa 'pɛɛnö'anyɩ lä nä, sɔɔ ‑bhlo ‑lä 'plö anyɩa dä.

2 Kolɛtɩ‑dunyʋä 11:27

N ‑yä 'sää 'titi lebhee' ‑lɛɛ ‑klɛ nʋ 'ci ‑bhutukpä. N yä 'ylaa 'kplëë goo. ‑Gbugbe ‑yä 'mnätʋ 'sɔ yä'ä 'bhlä. N ‑bɔɔ ŋënü 'sää 'futu 'futu. N kʋ bhä wätlɩ nëëdë 'nɩ nn' bhɔɔ 'kʋ ‑gbi lʋʋ ‑kä. Nn' bhɔɔ 'kotu ‑kä ‑yä n 'kä plä.

2 Kolɛtɩ‑dunyʋä 6:10

Wa bhobho nynä plɛ yä‑anyɩ 'kpɔsɔ, ‑bhlɛ ‑a ‑kʋ 'kɔɔkɔ ‑jäka 'mnö. Wa wlu‑anyɩ nynä ŋäzönyʋä, ‑bhlɛ ‑a wlʋa lɛkäänyʋä ‑bhutukpä. Wa bhobho nynä ‑mä ‑a ‑glö nyɩkpaa' ‑lʋä ‑wʋ lä lʋʋ ‑kä nä, ‑bhlɛ ‑a ‑kä ‑lɩɩ 'fɩɩn.

2 Kolɛtɩ‑dunyʋä 8:9

Sä ‑anyɩa Kwlienyɔɔ Zozi Klisö nyɛ lä nä, a ‑yi sɔɔ. Ɔmɔ mɔɔ ‑ɔ ‑kä bhlä lɩ nä, kɔ ‑sä yëku 'nɩ ɔ nyɛɛ‑. 'Nɩ ɔ yi ŋäzönyɔɔ' 'plöö anyɩa' ‑za. Kɔ ‑nʋ lä sɔɔ ‑yä, ɔɔ' ŋäzöö 'kä yɩ gbä ‑yä a 'kä lɛkäänyʋä 'plö.

2 Kolɛtɩ‑dunyʋä 9:8

Nä Laagɔ yi mii 'nɩ ʋ yi'anyɩ 'nää bhutukpä 'kʋ kwlie. Saa 'fɩɩn a tään lä nä, a yi sɔɔ 'ni ɩyä a 'kä 'kɔɔkɔ lɩ kään ‑yä a 'kä 'nää bhutukpä nyɩkpa nʋ.

Filipʋ‑dunyʋä 3:8

‑Ɛɛɛ! 'Ylʋzɔɔ' ‑nɩnɩ 'fɩɩn, n kɩ yɩ wloo nä, 'naa ‑za ɩɩ' yɩɔ gba ‑kä. ‑Ɔnöza bhää? N yä Zozi Klisö yibhë, 'nɩ ɔ plöö‑ yɩ 'naa Kwlienyɔ. Ɩ ‑kä 'ŋnö nä, ‑lʋʋ ‑amʋ 'titi yi bhlä kään nä, ʋmʋ nn' 'mänyɩ yɩɔ ‑mä, Zozi Klisö 'mɔ n 'manyɩ yɩ kpänyɩ. N yä yɩ ‑lɔɔ ‑lɩyɩ 'fɩɩn gwë ‑sä. 'Nɩ n wlui yɩ 'sɩɩ nynä ‑paplɩɩ ‑yä Klisö 'mɔ n 'kä yɩ kään.

Eblëënyʋä 10:34

‑Ɛɛɛ, nyɩkpaa' ‑lʋa wa ŋʋʋ‑ ‑lä ‑jɩɩ' nä, a ‑yʋwa 'sɔ 'kwlɩ ‑bhɩänö'anyɩ. 'Nɩ wa ‑sa'anyɩ anyɩa' kääkäälɩɩ ‑mä ‑pʋpɛ ‑kʋ'anyɩ bhä pleyii. A yi a sɔɔ nynä ‑mä lɩɩ‑ ‑bɛnö'anyɩ lä ‑mɔɔ 'yikʋ nä, ɩmɩɩ‑ ‑kä kpänyɩ gba 'nɩ ‑ɩ yi kʋ 'kɔɔkɔɔ' ‑za.