Bìoball air-loidhne

Filipʋ‑dunyʋä 3:8 - GOD - u2

⁸ ‑Ɛɛɛ! 'Ylʋzɔɔ' ‑nɩnɩ 'fɩɩn, n kɩ yɩ wloo nä, 'naa ‑za ɩɩ' yɩɔ gba ‑kä. ‑Ɔnöza bhää? N yä Zozi Klisö yibhë, 'nɩ ɔ plöö‑ yɩ 'naa Kwlienyɔ. Ɩ ‑kä 'ŋnö nä, ‑lʋʋ ‑amʋ 'titi yi bhlä kään nä, ʋmʋ nn' 'mänyɩ yɩɔ ‑mä, Zozi Klisö 'mɔ n 'manyɩ yɩ kpänyɩ. N yä yɩ ‑lɔɔ ‑lɩyɩ 'fɩɩn gwë ‑sä. 'Nɩ n wlui yɩ 'sɩɩ nynä ‑paplɩɩ ‑yä Klisö 'mɔ n 'kä yɩ kään.

Faic an caibideil Dèan lethbhreac

dol air ais ⬆

Filipʋ‑dunyʋä 3:8
53 Iomraidhean Croise

Lukö 1:43

'Nɩ Elizabɛtö yi bʋkʋ ci, ɔ lä 'oo! 'Nɩ ‑amʋ n plöö‑ bhä 'nɩ, 'naa Kwlienyɔɔ ɔ 'nɔ plä bhä 'naa ‑bhutu ‑zɔɔ?

Faic an caibideil

Lukö 11:20

‑Mä ‑amʋ nä, Laagɔɔ' 'päwaa 'mää‑ gä yɩ gbä 'nɩ n kä ‑zizinyenyii 'tlü nä, kä ʋʋ' 'Leyiduu' 'päwaa ya'anyɩ lä yëku ŋëë.

Faic an caibideil

Zään 14:20

‑Lɔɔ' 'ylʋʋ 'kʋ a 'kä lä sɔɔ yibhë nynä kä 'Bäɔ ‑yä ‑amʋ 'sɔ 'jɛnyɩ‑, 'nɩ anyɩ ‑mä 'sɩɩ, a ‑yä ‑amʋ 'sɔ 'jɛnyɩ‑.

Faic an caibideil

Zään 14:7

A kä'ä ‑yi nä, a ‑yi 'sɩɩ n 'Bä. 'Nɩ ‑a 'bhää‑ ylä ‑lää 'kʋ nä, a yɔ 'yi 'ni, 'nɩ a yɔ 'sɩɩ yibhë.

Faic an caibideil

Zään 16:3

Waa' ‑wʋ 'Bäɔ ‑yi 'nɩ wa nö'ö ‑wʋ 'sɩɩ ‑yi nä, ɩɩ' ‑zä wa 'kanyɩ lä sɔɔ klä.

Faic an caibideil

Zään 17:3

'Pʋpʋɛɛ ‑ɛɛ ‑wʋ lä bhɩädä ‑kä nä, ɛmɛɛ‑ plöö‑ lä nynä ‑mä, ‑mɔɔ ‑bhlo, ‑mɔɔ‑ plöö‑ lä nyaasäsä Laagɔɔ nä, wa yä‑ä yibhë. 'Nɩ ‑n ‑Yowli Zozi Klisö, ‑n ‑lobho lä nä, wa yɔ 'sɩɩ yibhë.

Faic an caibideil

Zään 17:8

Wälɩɩ ‑lɩɩ ‑n ‑sonö'ö bhlä nä, n ‑sonʋwanyɩ 'nɩ wa nui‑. Wa ‑yibhë 'zaazɩ sɔɔ nynä ‑mɔɔ yëku‑ n bha. 'Nɩ wa ‑kä 'sɩɩ pɔlötɛtɛ nynä ‑mɔɔ ‑lobho'o.

Faic an caibideil

Zään 20:13

'Nɩ ‑Laagɔzizi yio 'ylä nynä ‑mä 'ŋnɔɔ‑, ‑ɔnözä 'nɩ ‑n tu bhää? Malii lä nyɩkpaa yä 'naa Kwlienyɔɔ lesie 'mnö ‑sä 'nɩ nn' ‑wʋ dä wa ŋʋɔ‑ lä nä ‑yi!

Faic an caibideil

Zään 20:28

Tomaa lä ‑mɔɔ ‑ɔ plöö‑ lä 'naa Kwlienyɔ ‑yä 'naa Laagɔ!

Faic an caibideil

Nʋnʋgbɩɩ 20:24

‑Amʋ 'naa ‑za nä, 'naa zëkpëa 'mää‑ nö'ö ‑wʋ gbʋ kää. 'Naa 'klëa n tää lä nä, amää‑ plöö‑ lä nynä ‑mä, n nʋ 'naa lebhee ‑aaa ‑yä n bhɩɛ ‑zɔɔ. Wälɩɩ 'fɩɩn Kwlienyɔ Zozii 'ylänö'ö lä nä, ɩ ‑ŋwa 'kʋ nynä ‑mä n nʋɩ. ‑Lɔɔ' lebhee 'mɛɛ‑ plöö‑ lä nynä ‑mä n ‑sää Kwlienyɔɔ ‑wawʋʋ' 'Nägädöö.

Faic an caibideil

Wlɔmʋ‑dunyʋä 8:18

'Tänyɩnɛ 'mnö 'kwlɩkabhɩa ‑a ni lä nä, a ‑ya nyäkanöa yɩ ‑laa 'klʋagbaa‑ Laagɔ 'ka‑anyɩ lä 'nyɛ nä 'kʋ.

Faic an caibideil

Wlɔmʋ‑dunyʋä 8:39

'wlu tlʋnɔlɩɩ 'tɛtɩ ‑o, 'mʋ tlʋnɔlɩɩ 'tɛtɩ ‑o, ɩyä nʋnʋlʋʋ' 'cënänä ‑o. Lʋʋ ‑wʋ ‑kʋ 'nɩ ʋ ka'anyɩ Laagɔɔ' ‑wawʋʋ gwë ‑sä. Laagɔɔ' ‑wawʋnʋ nä, Zozi Klisö, anyɩa Kwlienyɔɔ, ɔmɔ 'mnö ʋ ‑ghlää 'nɩ ʋ ‑kʋ lä.

Faic an caibideil

1 Kolɛtɩ‑dunyʋä 2:2

N ‑kʋ'anyɩ bhlä nëëdë nä, Zozi Klisö ‑bhlo 'coo n tään bhä nynä n 'kä bhä yibhë. Zozi Klisö‑ wa ‑bhoo lä 'kusuu 'yii nä, ɔmɔ ‑bhlo 'coo, n ‑tään nynä ‑mä n 'kä yibhë.

Faic an caibideil

1 Kolɛtɩ‑dunyʋä 9:10

‑Anyɩa ‑zä ʋʋ' ci bhä ‑lɔɔ' wälɩklëa ‑a? ‑Mä nyɩkpɔɔ' lɔɔ‑ nʋ lä lebhee' cënänä nä, ‑dʋdʋ ɔ klu ‑o, 'säkä ɔ yee 'kʋ ‑o, ɩ ‑ŋwa 'kʋ nynä ‑mä lebhee ɔ nʋ lä nä, ɔ 'tɛnɩɛ dë nynä ‑mä ɛ yio 'nyɛmʋ.

Faic an caibideil

2 Kolɛtɩ‑dunyʋä 4:4

'Dëvlo yä waa' bhobhowluu 'yikʋ wlä nä, waa' ‑wʋ pɔlötɛtɛ ‑kä. Ɩ gbä 'nɩ waa' 'ni yɩɔ Klisöö' 'Nägädöö' 'klʋagba 'yi. Klisö nä, ɔmɔɔ‑ plöö‑ lä Laagɔɔ' 'wlʋʋnyɔ.

Faic an caibideil

2 Kolɛtɩ‑dunyʋä 4:6

Laagɔ ‑ʋ cii‑ bhlä ‑mɔɔ ‑gɔgɔbhlää' nynä ‑mä, zëlü yi ‑yä ɩ liee 'cucuu mnö 'nɩ zëlü ‑yi lä nä, ʋ yä gbä ‑anyɩa pɔlöö 'yii zëlü yä ‑mɔɔ ŋänɩä. Ɩ 'kä gbä ‑yä Klisö 'kʋtakpaa 'klʋ, ‑a 'gä ‑lɔɔ Laagɔɔ' 'klʋagba 'yi 'nii.

Faic an caibideil

Galatɩnyʋä 1:16

kɔ panö'ö ɔ ‑Yowli. Kɔ panö 'mɔɔ lä ‑yä, lowubhlɩ 'kʋʋ nyɩkpa, n 'kwä ɔ ‑Yowlinɔɔ' yëkuu' wälɩɩ soo. Nä nn' ‑wʋ nyɩkpɔ dɩgälɩ 'ylää, 'nɩ nn' ‑wʋ 'sɩɩ nyɩkpɔ 'kʋ ‑kä,

Faic an caibideil

Efɛzɩ‑dunyʋä 4:13

Ɩ yi gbä 'nɩ ‑anyɩ 'fɩɩn, ‑a yi nʋ ‑kaaa 'nɩ ‑a yi pɔlötɛtɛɛ ‑bhlo 'mnö 'jɛnyɩ. 'Nɩ Laagɔ ‑Yowli nä, ‑a yio säbhlo ‑säbhlo yibhë. ‑Lɔɔ a yi lä pɔlötɛtɛɛ 'mnö ‑glɛɛ 'nɩ a yi lä Klisöö 'bhisäkʋ ŋëë.

Faic an caibideil

Filipʋ‑dunyʋä 1:1

‑Amʋ Pɔlʋ, n ‑yä Timotee, ‑anyɩ Zozi Klisöö' ‑gänʋnyʋa, ‑anyɩ‑ jɩjla'anyɩ lä 'bɔɔgʋnʋ. Anyɩ Filipʋduu' 'cɔcɩnyʋa 'fɩɩn, anyɩmɔɔ‑ ‑yä Zozi Klisö 'sɔ 'jɛnyɩ‑ lä nä, anyɩ‑ ‑a jɩjlä lä 'bɔɔgʋnʋ. ‑A jɩjlʋ 'sɩɩ 'cɔcɩɛɛ nëkʋʋ' kʋnyʋaa' ‑za. 'Nɩ ‑a jɩjlʋ 'sɩɩ 'cɔcɩɛɛ 'tienyʋaa' kläänyʋaa' ‑za.

Faic an caibideil

Filipʋ‑dunyʋä 3:10

'Naa 'klëa ‑bhlo n ylä lä nä, amää‑ plöö‑ ylä nynä ‑mä n 'kä Klisö yibhë. Ɩyä 'päwaa‑ ‑gbä 'nɩ ɔ ‑glɔɔ lä 'kuëë nä, n 'ka 'sɩɩ yibhë. ‑Ɛɛɛ! 'Klüü n ylä lä nä, ɩmɩ plöö‑ lä nynä ‑mä, n ‑waa nynä 'kwlɩ bhɩänö'ö ɔmɔ 'bhisäkʋ ‑yä, 'naa 'kwiee ‑yä ɔɔ' ‑lɛɛ 'sɔ mʋʋ yëkuu'.

Faic an caibideil

Filipʋ‑dunyʋä 3:12

Nn' ‑wʋ cii‑ nynä ‑mä, n yä wɛzä 'naa sämɩɩ' 'wlusääda ŋëë. 'Nɩ nn' ‑wʋ 'sɩɩ cii‑ nynä ‑mä n yä ‑lɩɩ 'fɩɩn ‑zɔɔ bhɩä. N paa ‑lätee. N paa ‑lätee ‑yä, sä Zozi Klisö ‑nʋ 'nɩ, ɔ nii'i lä nä, n 'kä 'sɔɔ 'tlänyɩ ‑yä n 'kä ‑ajɛɛkpaa 'ni.

Faic an caibideil

Filipʋ‑dunyʋä 3:7

‑Mä ‑nɩnɩ 'fɩɩn n wloo bhlä nynä 'naa ‑bʋzʋɛ nä, Klisö 'mnö kä n wlui ylä ‑pɛɛ nynä ɩɩ' ‑wʋ gba ‑kä.

Faic an caibideil

2 Timotee 4:6

‑Amʋ nä, 'tänyɩɛ 'mnö 'naa zëkpëa 'kä lä 'cibhi 'kʋ ‑sɔɔ Laagɔ dëlü nä, ‑lɔɔ' 'tänyɩɛ yä ŋëë. 'Naa 'kwiee 'tänyɩ ŋëë ylä.

Faic an caibideil

Eblëënyʋä 3:14

‑Pɛpɛɛ nä, Klisö 'mɔ ‑a ‑yɔsɔ nʋʋ ylä lebhe 'kʋ. ‑Mä, ɩ ‑ŋwa 'kʋ nynä ‑mä, sä a cie‑ lä 'kʋ 'nɩ a 'tɛnöɔ‑ bhlä dë nä, a klä sɔɔ sä ‑aaa ‑yä bhɩända 'kä ŋëë.

Faic an caibideil

1 Pɩɛlö 2:7

Anyɩmɔɔ‑ ‑kä lä Laagɔɔ' pɔlötɛtɛ nä, kä cɛkʋyɩ känö'anyɩ gbʋ. ‑Mä ‑waa ‑wʋ lä pɔlötɛtɛ ‑kä nä, kɩ ‑kʋ lä nynä ‑mä, Cɛkʋbhëa ‑bhitislänyʋaa' bhɔɔ lä 'mänyɩ‑ nä, Amää‑ ‑kään ylä ‑bhutuu sä.

Faic an caibideil

2 Pɩɛlö 1:2

'Nyupälɩ ‑yä 'kʋ wɔtɔlɩ 'kädɩ ŋënö'anyɩ 'kʋ Laagɔ ‑yä ‑anyɩa Kwlienyɔɔ Zozi Klisöö' yibhëlɩɩ 'mnö.

Faic an caibideil

2 Pɩɛlö 1:3

Laagɔɔ' 'tɛtɩɩ 'mnö, kʋ nyɩ‑anyɩ ‑lɩɩ 'fɩɩn ‑yä ‑a 'gä 'pʋpʋɛ 'ni ‑yä sʋ ‑waa lä nä, ‑a 'gä sɔɔ nää. Sä ‑a ‑yʋsɔ 'jɛnyɩ lä ‑mää zëkpëkʋ nä, kʋ nyɩ‑anyɩ saa 'fɩɩn. A ni, nyɩkpɔɔ' ‑lɔɔ‑ laanö‑anyɩ lä ʋʋ' 'klʋagba ‑yä ʋʋ' plɛkʋmɛnɔɔ 'mnö nä, kʋ panö‑anyɩmɔ.

Faic an caibideil

2 Pɩɛlö 1:8

'Klünö 'mɩ a kä 'nɩ a 'kä lä nʋ. 'Nɩ a kä sɔɔ nʋ kpänyɩ nä, a yi 'nägägbɩ nʋ 'nɩ sä ‑anyɩa Kwlienyɔɔ Zozi Klisö ‑kʋ lä nä, a yi sɔɔ yibhë.

Faic an caibideil

2 Pɩɛlö 3:18

Nä, ‑anyɩa Puënyɔɔ ɩyä ‑anyɩa Kwlienyɔɔ' Zozi Klisöö' ‑wawʋʋ ‑yä ɔɔ' yibhëlɩɩ 'mnö a glɛɛ ‑mɔɔ! 'Klʋagba ŋënöɔ 'kʋ ‑zɩkä ɩyä 'kɔɔkɔɔ' ‑za. Ɩ kʋ sɔɔ!

Faic an caibideil

1 Zään 1:3

'Klüü ‑a nii‑ lä 'yi, 'nɩ ‑a nuu‑ lä 'sɩɩ nä, ɩmɩ ‑a sonö'anyɩ lä ‑yä anyɩ ‑mä 'sɩɩ, a ‑yä ‑anyɩ 'sɔ 'kä 'jɛnyɩ. 'Nɩ ‑anyɩa 'jɛnyɩlɩɩ nä, ‑a ‑yä 'Bäɔ ‑yä ɔ ‑Yowli Zozi Klisö 'sɔ 'mnö ɩ ‑slä lä gwë.

Faic an caibideil

1 Zään 2:19

‑Lɔɔ' nyɩkpa‑cëyɩ naa, ‑anyɩ nëëdë wa ‑bha 'flɛ ‑mä waa' bhɔɔ ‑anyɩa lʋä plöö‑. ‑Anyɩa lʋä wa kä bhä plöö‑ nä, wa yia‑anyɩ bhä nëëdë kʋ. ‑Mä kwa ‑bhanyɩ lä nëëdë ‑yä ɩ 'kä 'kʋ ghlä wɩa nynä ‑mä waa' nëëdëë' nyɩkpɔɔ' bhɔɔ ‑anyɩa lɔɔ plöö‑.

Faic an caibideil

1 Zään 5:20

‑Mä ‑a ‑yi 'sɩɩ sɔɔ nynä Laagɔ ‑Yowli ‑yi lä nä, ɔ nyɩ‑anyɩ 'fike. 'Nɩ 'fikenɛ 'mnö, ‑mɔɔ ‑a ghlää lä 'nɩ ‑a yibhë lä nyaasäsä Laagɔɔ. 'Nɩ ʋ ‑Yowli Zozi Klisöö' ‑bɔɔ 'nɩ ‑a ‑yʋsɔ 'jɛnyɩ‑ lä. Ʋmʋʋ‑ plöö‑ lä Nyaasäsä Laagɔɔ. 'Nɩ 'pʋpʋɛɛ‑ ‑kʋ lä 'kɔɔkɔɔ ‑za nä, ʋmʋʋ‑ plöɛ lä 'sɩɩ.

Faic an caibideil

Lean sinn:

Ceanglaichean taic

Sanasan

Sanasan